ಪತ್ನಿ ಸ್ನೇಹಾ ರೆಡ್ಡಿ ಹುಟ್ಟುಹಬ್ಬ ಆಚರಿಸಿದ ಪ್ರಖ್ಯಾತ ನಟ ಅಲ್ಲು ಅರ್ಜುನ್!

'ಸ್ಟೈಲಿಶ್ ಸ್ಟಾರ್' ಅಲ್ಲು ಅರ್ಜುನ್ ಅವರು ಮುದ್ದಿನ ಪತ್ನಿ ಸ್ನೇಹಾ ರೆಡ್ಡಿಯ ಬರ್ತಡೇಯನ್ನು ಆಚರಿಸಿದ್ದಾರೆ. ಸೋಮವಾರ ಅನೇಕ ಮಹಿಳೆಯರ ಗ್ಯಾಂಗ್ ಜೊತೆ ಸ್ನೇಹಾ ರೆಡ್ಡಿ ಕೇಕ್ ಕತ್ತರಿಸಿದ್ದಾರೆ. ಅಂದಹಾಗೆ ಸ್ನೇಹಾ 35ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ.

ಪತ್ನಿ ಬರ್ತಡೇ ಆಚರಿಸಿದ ಅಲ್ಲು ಅರ್ಜುನ್!
ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯವಾಗಿರುವ ಸ್ನೇಹಾಗೆ 1 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ಬರ್ತಡೇ ಸೆಲೆಬ್ರೇಶನ್ ಫೋಟೋಗಳನ್ನು ಸ್ನೇಹಾ ಹಂಚಿಕೊಂಡಿದ್ದರು. 'ನನ್ನ ಜೀವನದ ವಿಶೇಷ ವ್ಯಕ್ತಿಗೆ ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳು. ನಿನ್ನ ಜೊತೆಗೆ ಸಾಕಷ್ಟು ಬರ್ತಡೇ ಆಚರಿಸಲು ಇಷ್ಟಪಡುತ್ತೇನೆ. ಹ್ಯಾಪಿ ಬರ್ತಡೇ ಕ್ಯೂಟಿ' ಎಂದು ಅಲ್ಲು ಅರ್ಜುನ್ ಸೋಶಿಯಲ್ ಮೀಡಿಯಾದಲ್ಲಿ ಪತ್ನಿಗೆ ಶುಭಾಶಯ ತಿಳಿಸಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಅನೇಕ ಸೆಲೆಬ್ರಿಟಿಗಳು ಸೇರಿದಂತೆ ಅಭಿಮಾನಿಗಳು ಸ್ನೇಹಾಗೆ ಹುಟ್ಟುಹಬ್ಬದ ಶುಭಾಶಯ ತಿಳಿಸುತ್ತಿದ್ದಾರೆ.

ಅಲ್ಲು ಅರ್ಜುನ್‌ರದ್ದು ಲವ್ ಮ್ಯಾರೇಜ್!
ಅಲ್ಲು ಅರ್ಜುನ್ ದಂಪತಿಗೆ ಅರ್ಹಾ, ಅಯಾನ್ ಎಂಬ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ. ಹೈದರಾಬಾದ್‌ನಲ್ಲಿ ನಡೆದ ನಟಿ ನಿಹಾರಿಕಾ ಕೊನಿಡೆಲ ಅವರ ನಿಶ್ಚಿತಾರ್ಥ ಕಾರ್ಯಕ್ರಮದಲ್ಲಿ ಅಲ್ಲು ಅರ್ಜುನ್, ಸ್ನೇಹಾ ಭಾಗಿಯಾಗಿದ್ದರು. ಸಮಾರಂಭವೊಂದರಲ್ಲಿ ಸ್ನೇಹಾರನ್ನು ಭೇಟಿ ಮಾಡಿದ್ದ ಅಲ್ಲು ಅರ್ಜುನ್ ಪ್ರೀತಿಯಲ್ಲಿ ಬಿದ್ದಿದ್ದರು. ಈ ಪ್ರೀತಿಗೆ 2011ರಲ್ಲಿ ಮದುವೆಯೆಂಬ ಅಧಿಕೃತ ಮುದ್ರೆಯು ಬಿದ್ದಿತು. ಸಿನಿಮಾ, ಖಾಸಗಿ ಸಮಾರಂಭಗಳಲ್ಲಿ ಅಲ್ಲು ಅರ್ಜುನ್‌ಗೆ ಜೊತೆಯಾಗಿ ಸ್ನೇಹಾ ಬಂದಿರುತ್ತಾರೆ. ರಾಜಕಾರಣಿ, ಉದ್ಯಮಿ, ಎಸ್‌ಐಟಿ ಚೇರಮ್‌ನ್ ಕೆ.ಸಿ.ಶೇಖರ್ ಪುತ್ರಿ ಸ್ನೇಹಾ ರೆಡ್ಡಿ. ಇವರು ಅಮೆರಿಕಾದಲ್ಲಿ ಮಾಸ್ಟರ್ ಡಿಗ್ರಿ ಓದಿದ್ದಾರೆ. ಸ್ಪೆಕ್ಟ್ರಂ ಕಾಲೇಜ್ ಮ್ಯಾಗಜೀನ್‌ಗೆ ಮುಖ್ಯ ಸಂಪಾದಕಿಯಾಗಿದ್ದರು.

Also Read-ಅಲ್ಲು ಅರ್ಜುನ್ ವ್ಯಾನಿಟಿ ವ್ಯಾನ್ 'ಫಾಲ್ಕನ್' ಬೆಲೆ ₹ 7 ಕೋಟಿ!

ಅಲ್ಲು ಅರ್ಜುನ್‌ಗಿದ್ದಾರೆ ಮಹಿಳಾ ಅಭಿಮಾನಿಗಳು!
ಟಾಲಿವುಡ್‌ನ ಈ ಲವ್‌ಲೀ ಜೋಡಿಗೆ 2014ರಲ್ಲಿ ಮಗ ಅಯಾನ್ ಜನಿಸಿದ್ದನು, 2016ರಲ್ಲಿ ಮಗಳು ಅರ್ಹ ಹುಟ್ಟಿದ್ದಳು. ಅಲ್ಲು ಅರ್ಜುನ್‌ಗೆ ಸಾಕಷ್ಟು ಕ್ರೇಜಿ ಮಹಿಳಾ ಅಭಿಮಾನಿಗಳಿದ್ದಾರೆ. 'ಅಭಿಮಾನಿಗಳ ವಿಚಾರದಲ್ಲಿ ನನ್ನ ಹೆಂಡತಿ ತುಂಬ ಕಟ್ಟುನಿಟ್ಟು. ಎಲ್ಲಕ್ಕಿಂತ ಹೆಚ್ಚಾಗಿ ಯಾವ ಮಹಿಳಾ ಫ್ಯಾನ್‌ ಕೂಡ ನನ್ನ ವೈವಾಹಿಕ ಜೀವನಕ್ಕೆ ತೊಂದರೆ ಕೊಡುವುದಿಲ್ಲ ಎಂಬ ನಂಬಿಕೆ ನನಗೆ ಇದೆ' ಎಂದು ಅಲ್ಲು ಅರ್ಜುನ್‌ ಈ ಹಿಂದೆಯೇ ಹೇಳಿದ್ದರು.

Also Read-ಅಲ್ಲು ಅರ್ಜುನ್ ಸಿನಿಮಾದ ಸಂಭಾವನೆ