ಡಬ್ಬಿಂಗ್ ಸಿನಿಮಾ ಬಗ್ಗೆ ಕಿಚ್ಚ ಸುದೀಪ್ ಓಪನ್ ಸ್ಟೇಟ್‌ಮೆಂಟ್

ಡಬ್ಬಿಂಗ್ ವಿಚಾರದ ಬಗ್ಗೆ ಹಿಂದಿನಿಂದಲೂ ಪರ-ವಿರೋಧ ಅಭಿಪ್ರಾಯಗಳು ಇದ್ದೇ ಇದೆ. 'ದಬಾಂಗ್ 3' ಸಿನಿಮಾ ಕನ್ನಡಕ್ಕೆ ಡಬ್ ಆಗ್ತಿದೆ. ಈ ಚಿತ್ರದಲ್ಲಿ ಕಿಚ್ಚ ಸುದೀಪ್ ನಟಿಸುತ್ತಿರೋದು ಹಳೇ ವಿಚಾರ. ಹೀಗಾಗಿ ಡಬ್ಬಿಂಗ್ ಬಗ್ಗೆ ಮಾತನಾಡಿದ್ದಾರೆ ಸುದೀಪ್.

"ಈ ಸಿನಿಮಾವನ್ನು ಬೇರೆ ಊರಿಗೆ ಹೋಗಿ ಪ್ರಚಾರ ಮಾಡಬೇಕು, ಬೆಂಗಳೂರಿಗೆ ಬಂದು ಪ್ರಚಾರ ಮಾಡಬೇಕು ಎಂಬುದು ಸಲ್ಮಾನ್ ಅವರ ಆಸೆಯಾಗಿತ್ತು. 'ದಬಾಂಗ್ 3' ಸಿನಿಮಾ ಆರಂಭದಲ್ಲೇ ಈ ಪ್ಲ್ಯಾನ್ ನಡೆದಿತ್ತು. ಕನ್ನಡ ಬೆಳೆಯಬೇಕು ಎಂಬುದು ಎಲ್ಲರ ಆಸೆ. ಬೇರೆ ಭಾಷೆಯವರು, ಬೇರೆ ರಾಜ್ಯದವರು, ಬೇರೆ ಊರಿನವರು ನಮ್ಮ ರಾಜ್ಯಕ್ಕೆ ಬಂದು ಕನ್ನಡ ಮಾತನಾಡಲು ಬಯಸುತ್ತಿದ್ದಾರೆ, ಕನ್ನಡದಲ್ಲಿ ಅವರ ಸಿನಿಮಾ ರಿಲೀಸ್ ಮಾಡಲು ಇಷ್ಟಪಡುತ್ತಾರೆ ಎಂದರೆ ಅದನ್ನು ಸ್ವೀಕರಿಸಬೇಕು. ನಮ್ಮ ಭಾಷೆಯ ಸಿನಿಮಾಗಳು ಬೇರೆ ಭಾಷೆಗಳಿಗೆ ಡಬ್ ಆಗಿ ಒಳ್ಳೆಯ ಪ್ರತಿಕ್ರಿಯೆ ಗಳಿಸುತ್ತಿದೆ ಎಂದಾದರೆ, ಅವರು ನಮ್ಮ ಭಾಷೆಯನ್ನು ಸ್ವೀಕರಿಸಿದ್ದಾರೆ ಎಂದರ್ಥ. ನಮ್ಮ ಭಾಷೆ ಬೆಳೆಯಬೇಕು ಎಂದಾದಾಗ ನಮ್ಮ ಭಾಷೆ ಮಾತನಾಡಿ ಎಂದು ಹೇಳೋದು ತಪ್ಪು. ಅವರು ಕನ್ನಡದಲ್ಲಿ ಮಾತನಾಡಿದ್ದಕ್ಕೆ ಇವತ್ತು ಹಿಂದಿಯಲ್ಲಿ ಮಾತನಾಡುತ್ತಿದ್ದಾರೆ. 'ದಬಾಂಗ್' ಹಿಂದಿ ಚಿತ್ರವಲ್ಲ, ಕನ್ನಡ ಚಿತ್ರ. ಬೇರೆ ಭಾಷೆಯವರು ನಮ್ಮ ಸಿನಿಮಾಗಳನ್ನು ಸ್ವೀಕರಿಸಿದ ಕಾರಣಕ್ಕೆ ಅವರ ಭಾಷೆ ಬೆಳೆಯುತ್ತಿದೆ. ಕನ್ನಡಕ್ಕೆ ಬಂದು ಕನ್ನಡದಲ್ಲಿ ಸಿನಿಮಾ ರಿಲೀಸ್ ಮಾಡುತ್ತಾರೆ ಎಂದರೆ ಕನ್ನಡ ಭಾಷೆ ಬೆಳೆಯುತ್ತಿದೆ ಎಂದರ್ಥ. ಆ ವಿಚಾರದಲ್ಲಿ ಇದು ಡಬ್ಬಿಂಗ್ ಸಿನಿಮಾ ಎನ್ನೋದಕ್ಕಿಂತ ಹೆಚ್ಚಾಗಿ ಒಂದು ಸಿನಿಮಾ ಕನ್ನಡದಲ್ಲಿ ರಿಲೀಸ್ ಆಗುತ್ತಿದೆ ಎಂದಾದರೆ ನಾವು ಅದನ್ನು ಸ್ವೀಕರಿಸಬೇಕು" ಎಂದು ಸುದೀಪ್ ಹೇಳಿದ್ದಾರೆ.


" ನಾನು, ಸುದೀಪ್, ಪ್ರಭುದೇವ ಇದ್ದೇವೆ, ನಿಮ್ಮ ಭಾಷೆಯಲ್ಲಿಯೇ ಸಿನಿಮಾ ರಿಲೀಸ್ ಮಾಡುತ್ತಿದ್ದೇವೆ" ಸಿನಿಮಾ ನೋಡಿ ಎಂದು ಹೇಳಿದ್ದಾರೆ ಸಲ್ಮಾನ್ ಖಾನ್.