'ಅಣ್ಣಯ್ಯ'ನಾದ ರಜನಿಕಾಂತ್
ಹೌದು, ರಜನಿಕಾಂತ್ ಅಭಿನಯದ ಹೊಸ ಸಿನಿಮಾಗೆ 'ಅಣ್ಣಾತೆ' ಎಂದು ಹೆಸರಿಡಲಾಗಿದೆ. ಕನ್ನಡದಲ್ಲಿ ಅದರರ್ಥ ಅಣ್ಣಯ್ಯ ಎಂದಾಗಿದೆ. ಅಲ್ಲಿಗೆ, ರಜನಿಕಾಂತ್ ಈ ಬಾರಿ ಪಕ್ಕಾ ಫ್ಯಾಮಿಲಿ ಸಿನಿಮಾ ಮಾಡಲಿದ್ದಾರೆ ಎನ್ನುವುದು ಖಚಿತ. ಸನ್‌ ಪಿಕ್ವರ್ಸ್‌ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದು, ಶಿವ ನಿರ್ದೇಶನ ಮಾಡುತ್ತಿದ್ದಾರೆ. ಈ ಹಿಂದೆ 'ವಿಶ್ವಾಸಂ' ಮಾಡಿದ್ದ ಶಿವ, ಫ್ಯಾಮಿಲಿ ಪ್ರೇಕ್ಷಕರಿಗೆ ಇಷ್ಟವಾಗುವಂತಹ ಸಿನಿಮಾ ಮಾಡಿದ್ದರು. ಹಾಗಾಗಿ, ರಜನಿ-ಶಿವ ಕಾಂಬಿನೇಷನ್‌ನಲ್ಲಿ ಅಂಥದ್ದೇ ಇನ್ನೊಂದು ಸಿನಿಮಾ ಬರಲಿದೆಯೇ ಎಂಬ ನಿರೀಕ್ಷೆ ಇದೆ.
ಬಂಡೀಪುರದಲ್ಲಿ ಚಿತ್ರೀಕರಣ ಮುಗಿಸಿ ವಾಪಸ್‌ ತೆರಳಿದ ಬೇರ್‌ ಗ್ರಿಲ್ಸ್‌, ಅಕ್ಷಯ್‌ ಕುಮಾರ್‌
ಗಮನಸೆಳೆದ ಪಾತ್ರವರ್ಗ
90ರ ದಶಕದಲ್ಲಿ ರಜನಿಕಾಂತ್ ಸಿನಿಮಾಗಳಲ್ಲಿ ನಾಯಕಿಯರಾಗಿ ಮಿಂಚುತ್ತಿದ್ದ ನಟಿ ಮೀನಾ ಮತ್ತು ಖುಷ್ಬೂ ಈ 'ಅಣ್ಣಾತೆ'ಯಲ್ಲಿದ್ದಾರೆ. ದಕ್ಷಿಣ ಭಾರತದಲ್ಲಿ ಸಖತ್ ಬೇಡಿಕೆ ಸೃಷ್ಟಿಸಿಕೊಂಡಿರುವ ನಟಿಯರಾದ ನಯನತಾರಾ, ಕೀರ್ತಿ ಸುರೇಶ್‌ ಕೂಡ ಈ ಸಿನಿಮಾದಲ್ಲಿದ್ದಾರೆ. ಕನ್ನಡದ ಪ್ರಕಾಶ್ ರೈ, ಸೂರಿ, ಸತೀಶ್‌ ಮುಂತಾದವರು ಪೋಷಕ ಪಾತ್ರಗಳಲ್ಲಿದ್ದಾರೆ. ವೆಟ್ರಿ ಛಾಯಾಗ್ರಹಣ ಮಾಡುತ್ತಿದ್ದರೆ, ಡಿ. ಇಮ್ಮಾನ್‌ ಸಂಗೀತ ನಿರ್ದೇಶನದ ಹೊಣೆ ಹೊತ್ತಿದ್ದಾರೆ.
ರಜನಿಕಾಂತ್ ಸಿನಿಮಾ ಫ್ಲಾಪ್ ಆಯ್ತಾ? ವಿತರಕರ 'ದರ್ಬಾರ್'ನಲ್ಲಿ ತಳಮಳ
ತೆಲುಗಿನಲ್ಲೂ ಬಂದಿತ್ತು ಅಣ್ಣಯ್ಯ
'ಅಣ್ಣಯ್ಯ' ಶೀರ್ಷಿಕೆಯಡಿಯಲ್ಲಿ ರವಿಚಂದ್ರನ್ ಕನ್ನಡದಲ್ಲಿ ನಟಿಸಿದ್ದರೆ, ತಮಿಳಿನಲ್ಲಿ ಈಗ ರಜನಿಕಾಂತ್ ಮಾಡುತ್ತಿದ್ದಾರೆ. ಆದರೆ, 2000ರಲ್ಲಿ ಚಿರಂಜೀವಿ ನಟನೆಯ ಸಿನಿಮಾವೊಂದಕ್ಕೆ 'ಅನ್ನಯ್ಯ' ಎಂದೇ ಶೀರ್ಷಿಕೆ ಇಡಲಾಗಿತ್ತು. ಅಲ್ಲಿಗೆ ಇದು ಸಖತ್ ಬೇಡಿಕೆ ಇರುವ ಟೈಟಲ್‌ ಅನ್ನೋದು ಸತ್ಯ. '2.0', 'ಪೆಟ್ಟಾ', 'ದರ್ಬಾರ್' ನಂತರ ರಜನಿಕಾಂತ್ ಈ ಬಾರಿ ಹೇಗೆಲ್ಲ ರಂಜಿಸಬಹುದು ಎಂಬದು ಸದ್ಯದ ಕುತೂಹಲ.
-----------------------------------
ಈ ಕೆಳಗಿನ ಪ್ರಶ್ನೆಗೆ ಸರಿಯಾದ ಉತ್ತರವನ್ನು ಕಾಮೆಂಟ್ ಬಾಕ್ಸ್‌ನಲ್ಲಿ ತಿಳಿಸಿ
1. ರಜನಿಕಾಂತ್ ಅಭಿನಯದ 'ದರ್ಬಾರ್' ಚಿತ್ರದ ಹೀರೋಯಿನ್‌ ಹೆಸರೇನು?