ಅಭಿಮಾನಿಗಳಿಗೆ ಗುಡ್‌ ನ್ಯೂಸ್ ಕೊಟ್ಟ ನಟ ವಿನಯ್ ರಾಜ್‌ಕುಮಾರ್‌!

ವಿನಯ್ ರಾಜ್‌ಕುಮಾರ್ ನಟನೆಯ 'ಅನಂತು ವರ್ಸಸ್‌ ನುಸ್ರತ್' ಸಿನಿಮಾ ತೆರೆಕಂಡು ಬರೋಬ್ಬರಿ ಎರಡು ವರ್ಷಗಳಾಯ್ತು. ಆ ಚಿತ್ರಕ್ಕೆ ಒಳ್ಳೆಯ ಪ್ರತಿಕ್ರಿಯೆಯೂ ಸಿಕ್ಕಿತ್ತು. ಆದಾದ ಮೇಲೆ ವಿನಯ್ ಬೆಳ್ಳಿತೆರೆಯ ಮೇಲೆ ಕಾಣಿಸಿಕೊಂಡೇ ಇಲ್ಲ. ಅಲ್ಲಿಂದೀಚೆಗೆ ಅವರ ಯಾವ ಸಿನಿಮಾಗಳು ತೆರೆಕಂಡಿಲ್ಲ. ಹಾಗಂತ, ಅವರಿಗೆ ಅವಕಾಶಗಳಿಲ್ಲ ಎಂದಲ್ಲ. ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿ ಇದ್ದಾರೆ ಅವರು. ಸದ್ಯ ಅಭಿಮಾನಿಗಳಿಗೊಂದು ಗುಡ್‌ ನ್ಯೂಸ್ ನೀಡೋಕೆ ರೆಡಿ ಆಗಿದ್ದಾರೆ. ಏನದು? ಇಲ್ಲಿದೆ ಮಾಹಿತಿ.

'ಟೆನ್‌' ಟೀಸರ್ ರಿಲೀಸ್‌
ಖ್ಯಾತ ನಿರ್ಮಾಪಕ ಪುಷ್ಕರ್ ಮಲ್ಲಿಕಾರ್ಜುನಯ್ಯ ಅವರ ಬ್ಯಾನರ್‌ನಲ್ಲಿ ವಿನಯ್ ಒಂದು ಸಿನಿಮಾ ಮಾಡಲಿದ್ದಾರೆ ಎಂಬ ಮಾತು ಬಹಳ ಹಿಂದೆಯೇ ಕೇಳಿಬಂದಿತ್ತು. ಇದೀಗ ಆ ಸಿನಿಮಾ ಕಂಪ್ಲೀಟ್ ಆಗಿ ರಿಲೀಸ್‌ಗೆ ಸಿದ್ಧವಾಗಿದೆ. ಚಿತ್ರಕ್ಕೆ 'ಟೆನ್' ಅಂತ ಶೀರ್ಷಿಕೆ ಇಡಲಾಗಿದೆ. ವಿಶೇಷವೆಂದರೆ, ಇಲ್ಲಿ ವಿನಯ್ ಬಾಕ್ಸರ್ ಆಗಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಅವರ ಬಾಕ್ಸಿಂಗ್ ಲುಕ್‌ಗಳು ಸಖತ್ ವೈರಲ್ ಆಗಿವೆ. ಇದೀಗ ಅಭಿಮಾನಿಗಳಿಗೆ ಗುಡ್‌ ನ್ಯೂಸ್‌ ನೀಡಲು ಮುಂದಾಗಿರುವ ಅವರು, ಜೂನ್‌ 25ರಂದು 'ಟೆನ್‌' ಚಿತ್ರದ ಮೊದಲ ಟೀಸರ್ ರಿಲೀಸ್ ಮಾಡಲಿದ್ದಾರೆ.

ಗಮನಸೆಳೆದಿರುವ ಟೆನ್‌
ಈ ಹಿಂದೆ ವಿನಯ್ ಮಾಡಿರುವುದೆಲ್ಲ ಬಹುತೇಕ ಪಕ್ಕದ ಮನೆ ಹುಡುಗನಂಥ ಪಾತ್ರಗಳು. ಆದರೆ, ಇದೇ ಮೊದಲ ಬಾರಿಗೆ ಕ್ರೀಡೆಯನ್ನು ಆಧಾರಿಸಿ ಸಿನಿಮಾ ಮಾಡುತ್ತಿದ್ದಾರೆ. ಇದರಲ್ಲಿನ ಅವರ ಲುಕ್‌ಗಳು ಎಲ್ಲರ ಗಮನಸೆಳೆದಿವೆ. 'ಕಿರಿಕ್‌ ಪಾರ್ಟಿ', 'ಅವನೇ ಶ್ರೀಮನ್ನಾರಾಯಣ' ಸೇರಿದಂತೆ ರಕ್ಷಿತ್ ಶೆಟ್ಟಿ ಅವರ ಬಹುತೇಕ ಸಿನಿಮಾಗಳಿಗೆ ಛಾಯಾಗ್ರಹಣ ಮಾಡಿರುವ ಕರಮ್‌ ಚಾವ್ಲಾ ಈ ಸಿನಿಮಾವನ್ನು ಮೊದಲ ಬಾರಿಗೆ ನಿರ್ದೇಶನ ಮಾಡಿದ್ದಾರೆ.

ಡಾ. ರಾಜ್‌ಕುಮಾರ್‌ ಕುಟುಂಬಕ್ಕೆ 'ಮೇ 7' ತುಂಬ ವಿಶೇಷವಾದ ದಿನ! ಏನು ಇಂದಿನ ಸ್ಪೆಷಲ್‌?

ವಿನಯ್‌ಗೆ ನಾಯಕಿಯಾಗಿ ಅನುಷಾ ರಂಗನಾಥ್‌ ನಟಿಸಿದ್ದಾರೆ. ಮಹತ್ವದ ಪಾತ್ರವೊಂದನ್ನು ಗೋಪಾಲಕೃಷ್ಣ ದೇಶಪಾಂಡೆ ನಿಭಾಯಿಸಿದ್ದಾರೆ. ಇನ್ನು, 'ಗ್ರಾಮಾಯಣ'ದಲ್ಲೂ ವಿನಯ್ ನಟಿಸುತ್ತಿದ್ದಾರೆ. ಆ ಸಿನಿಮಾದ ಚಿತ್ರೀಕಣ ಇನ್ನೂ ಬಾಕಿ ಇದೆ. ವಿನಯ್ ಹುಟ್ಟುಹಬ್ಬದ ದಿನ ಅದರ ಟೀಸರ್ ರಿಲೀಸ್ ಆಗಿ, ಸಿನಿಪ್ರಿಯರ ಗಮನಸೆಳೆದಿತ್ತು.