'ರಾಕಿಂಗ್ ಸ್ಟಾರ್' ಯಶ್ (Yash), ಸಂಜಯ್ ದತ್, ರವೀನಾ ಟಂಡನ್‌ ಅಭಿನಯದ 'ಕೆಜಿಎಫ್: ಚಾಪ್ಟರ್ 2' (KGF Chapter 2) ಸಿನಿಮಾವು ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ದಾಖಲೆಗಳನ್ನೇ ಮಾಡಿದೆ. ಏಪ್ರಿಲ್ 14ರಂದು ತೆರೆಕಂಡ ಈ ಸಿನಿಮಾವು ಈಗಲೂ ಕೂಡ ಉತ್ತಮ ಗಳಿಕೆಯೊಂದಿಗೆ ಮುನ್ನಡೆಯುತ್ತಿದೆ. ಕರ್ನಾಟಕ ಮಾತ್ರವಲ್ಲದೆ, ತೆಲುಗು, ತಮಿಳು, ಬಾಲಿವುಡ್‌ ಮಾರ್ಕೆಟ್‌ಗಳಲ್ಲಿ ಹೊಸ ಹೊಸ ದಾಖಲೆಗಳನ್ನು ಸೃಷ್ಟಿ ಮಾಡಿ, ಹವಾ ಎಬ್ಬಿಸಿದೆ. ಸಿನಿಮಾ ತೆರೆಕಂಡು ಆಗಲೇ 37 ದಿನಗಳಾಗಿವೆ. ಆದರೂ ಗಳಿಕೆ ಮಾತ್ರ ನಿರಂತರವಾಗಿದೆ. ಹಾಗಾದರೆ ಪ್ರಶಾಂತ್ ನೀಲ್ ನಿರ್ದೇಶನದ ಈ ಸಿನಿಮಾವು ಈವರೆಗೂ ಬಾಕ್ಸ್ ಆಫೀಸ್‌ನಲ್ಲಿ ಗಳಿಸಿದ್ದೆಷ್ಟು? ಇಲ್ಲಿದೆ ಓದಿ ಸಂಪೂರ್ಣ ಮಾಹಿತಿ.
1217 ಕೋಟಿ ರೂ. ಗಳಿಸಿದ 'ಕೆಜಿಎಫ್ 2'
'ಕೆಜಿಎಫ್: ಚಾಪ್ಟರ್ 2' ಸಿನಿಮಾವು ವಿಶ್ವಾದ್ಯಂತ ಈವರೆಗೂ ಗಳಿಸಿರುವುದು ಬರೋಬ್ಬರಿ 1217.11 ಕೋಟಿ ರೂಪಾಯಿ. ಈಗಾಗಲೇ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾವನ್ನು ಪೇ ಪರ್ ವೀವ್‌ ಲೆಕ್ಕಾಚಾರದಲ್ಲಿ ಅಮೇಜಾನ್ ಪ್ರೈಮ್‌ನಲ್ಲಿ ರಿಲೀಸ್ ಮಾಡಲಾಗಿದೆ. 199 ರೂ. ನೀಡಿ ಸಿನಿಮಾವನ್ನು ಮನೆಯಲ್ಲೇ ನೋಡಬಹುದಾಗಿದೆ. ಹೀಗಿದ್ದರೂ, ಕೂಡ ಚಿತ್ರಮಂದಿರಕ್ಕೆ ಹೋಗಿ ಸಿನಿಮಾ ನೋಡುವವರ ಸಂಖ್ಯೆ ಕಡಿಮೆ ಆಗಿಲ್ಲ. ತೆರೆಕಂಡು 37 ದಿನಗಳು ಕಳೆದಿದ್ದರೂ, ದಿನವೂ ಕೋಟಿ ಲೆಕ್ಕದಲ್ಲಿ 'ಕೆಜಿಎಫ್ 2' ಕಲೆಕ್ಷನ್ ಮಾಡುತ್ತಿದೆ.
ಇನ್ನು, 'ಕೆಜಿಎಫ್: ಚಾಪ್ಟರ್ 2' ಸಿನಿಮಾದ ಹಿಂದಿ ವರ್ಷನ್‌ನಿಂದ ಭರ್ಜರಿ ಕಮಾಯಿ ಆಗಿದೆ. ಈವರೆಗೂ ಸುಮಾರು 430 ಕೋಟಿ ರೂ.ಗಳಿಗೂ ಅಧಿಕ ಕಲೆಕ್ಷನ್ ಈ ಸಿನಿಮಾದಿಂದ ಆಗಿದೆ. 'ಬಾಹುಬಲಿ 2' ಸಿನಿಮಾವು 510.99 ಕೋಟಿ ರೂ. ಗಳಿಸಿ ಮೊದಲ ಸ್ಥಾನದಲ್ಲಿದೆ. 430 ಕೋಟಿ ರೂ.ಗಳಿಕೆ ಮಾಡಿರುವ 'ಕೆಜಿಎಫ್: ಚಾಪ್ಟರ್ 2' ಎರಡನೇ ಸ್ಥಾನದಲ್ಲಿದ್ದರೆ, 387.38 ಕೋಟಿ ರೂ. ಗಳಿಸಿದ್ದ 'ದಂಗಲ್‌' ಮೂರನೇ ಸ್ಥಾನಕ್ಕೆ ಜಾರಿದೆ. ಅಷ್ಟೇ ಅಲ್ಲದೆ, ಮಲಯಾಳಂ ವರ್ಷನ್‌ ಬಿಟ್ಟು, ಮಿಕ್ಕೆಲ್ಲ ವರ್ಷನ್‌ಗಳಿಂದ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾಕ್ಕೆ ನೂರು ಕೋಟಿ ಮೇಲೆ ಗಳಿಕೆ ಆಗಿದೆ.
ಭಾರತದಲ್ಲಿ 1000 ಕೋಟಿ ರೂ.ಗಳಿಗೂ ಅಧಿಕ ಗಳಿಕೆ ಮಾಡಿದ ಎರಡನೇ ಸಿನಿಮಾ ಎಂಬ ಖ್ಯಾತಿ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾಗೆ ಸಿಕ್ಕಿದೆ. ಮೊದಲ ಸ್ಥಾನದಲ್ಲಿ 'ಬಾಹುಬಲಿ 2' ಇದೆ. ಇನ್ನು, ತಮಿಳು ಚಿತ್ರರಂಗದಲ್ಲಿ ಈವರೆಗೂ ಕನ್ನಡದ ಯಾವ ಸಿನಿಮಾವೂ ಮಾಡಿರದ ಸಾಧನೆಯನ್ನು ಕೆಜಿಎಫ್ 2 ಮಾಡಿದೆ. ತೆರೆಕಂಡ ಹದಿನೇಳನೇ ದಿನಕ್ಕೆ ತಮಿಳುನಾಡು ಬಾಕ್ಸ್ ಆಫೀಸ್‌ನಲ್ಲಿ ಕೆಜಿಎಫ್ 2 ಸಿನಿಮಾ 100 ಕೋಟಿ ರೂ. ಗಳಿಸಿತ್ತು. ಈಗ ಆ ಗಳಿಕೆ 131 ಕೋಟಿ ರೂ. ದಾಟಿದೆ.
ದೊಡ್ಡ ದೊಡ್ಡ ಸಿನಿಮಾಗಳ ಪೈಪೋಟಿ
'ಕೆಜಿಎಫ್: ಚಾಪ್ಟರ್ 2' ತೆರೆಕಂಡ ಮೇಲೆ 'ಆಚಾರ್ಯ', 'ಜೆರ್ಸಿ', 'ಜಯೇಶ್‌ಭಾಯ್ ಜೋರ್ದಾರ್', 'ಧಾಕಡ್', 'ಸರ್ಕಾರು ವಾರಿ ಪಾಟ', 'ರನ್‌ವೇ 34' ಸೇರಿದಂತೆ ಸಾಕಷ್ಟು ದೊಡ್ಡ ದೊಡ್ಡ ಸಿನಿಮಾಗಳು ತೆರೆಕಂಡವು. ಆದರೆ ಆ ಯಾವ ಸಿನಿಮಾಗಳು ಕೂಡ 'ಕೆಜಿಎಫ್: ಚಾಪ್ಟರ್ 2' ಕಲೆಕ್ಷನ್ ಮೇಲೆ ಪರಿಣಾಮ ಬೀರಲಿಲ್ಲ. 'ಕೆಜಿಎಫ್: ಚಾಪ್ಟರ್ 2' ಜೊತೆಗೆ ತೆರೆಗೆ ಬಂದಿದ್ದ ವಿಜಯ್ ಅವರ 'ಬೀಸ್ಟ್' ಸಿನಿಮಾ ದೊಡ್ಡ ಸೋಲನ್ನು ಕಂಡಿತು.
1217 ಕೋಟಿ ರೂ. ಗಳಿಸಿದ 'ಕೆಜಿಎಫ್ 2'
'ಕೆಜಿಎಫ್: ಚಾಪ್ಟರ್ 2' ಸಿನಿಮಾವು ವಿಶ್ವಾದ್ಯಂತ ಈವರೆಗೂ ಗಳಿಸಿರುವುದು ಬರೋಬ್ಬರಿ 1217.11 ಕೋಟಿ ರೂಪಾಯಿ. ಈಗಾಗಲೇ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾವನ್ನು ಪೇ ಪರ್ ವೀವ್‌ ಲೆಕ್ಕಾಚಾರದಲ್ಲಿ ಅಮೇಜಾನ್ ಪ್ರೈಮ್‌ನಲ್ಲಿ ರಿಲೀಸ್ ಮಾಡಲಾಗಿದೆ. 199 ರೂ. ನೀಡಿ ಸಿನಿಮಾವನ್ನು ಮನೆಯಲ್ಲೇ ನೋಡಬಹುದಾಗಿದೆ. ಹೀಗಿದ್ದರೂ, ಕೂಡ ಚಿತ್ರಮಂದಿರಕ್ಕೆ ಹೋಗಿ ಸಿನಿಮಾ ನೋಡುವವರ ಸಂಖ್ಯೆ ಕಡಿಮೆ ಆಗಿಲ್ಲ. ತೆರೆಕಂಡು 37 ದಿನಗಳು ಕಳೆದಿದ್ದರೂ, ದಿನವೂ ಕೋಟಿ ಲೆಕ್ಕದಲ್ಲಿ 'ಕೆಜಿಎಫ್ 2' ಕಲೆಕ್ಷನ್ ಮಾಡುತ್ತಿದೆ.
ಇನ್ನು, 'ಕೆಜಿಎಫ್: ಚಾಪ್ಟರ್ 2' ಸಿನಿಮಾದ ಹಿಂದಿ ವರ್ಷನ್‌ನಿಂದ ಭರ್ಜರಿ ಕಮಾಯಿ ಆಗಿದೆ. ಈವರೆಗೂ ಸುಮಾರು 430 ಕೋಟಿ ರೂ.ಗಳಿಗೂ ಅಧಿಕ ಕಲೆಕ್ಷನ್ ಈ ಸಿನಿಮಾದಿಂದ ಆಗಿದೆ. 'ಬಾಹುಬಲಿ 2' ಸಿನಿಮಾವು 510.99 ಕೋಟಿ ರೂ. ಗಳಿಸಿ ಮೊದಲ ಸ್ಥಾನದಲ್ಲಿದೆ. 430 ಕೋಟಿ ರೂ.ಗಳಿಕೆ ಮಾಡಿರುವ 'ಕೆಜಿಎಫ್: ಚಾಪ್ಟರ್ 2' ಎರಡನೇ ಸ್ಥಾನದಲ್ಲಿದ್ದರೆ, 387.38 ಕೋಟಿ ರೂ. ಗಳಿಸಿದ್ದ 'ದಂಗಲ್‌' ಮೂರನೇ ಸ್ಥಾನಕ್ಕೆ ಜಾರಿದೆ. ಅಷ್ಟೇ ಅಲ್ಲದೆ, ಮಲಯಾಳಂ ವರ್ಷನ್‌ ಬಿಟ್ಟು, ಮಿಕ್ಕೆಲ್ಲ ವರ್ಷನ್‌ಗಳಿಂದ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾಕ್ಕೆ ನೂರು ಕೋಟಿ ಮೇಲೆ ಗಳಿಕೆ ಆಗಿದೆ.
ಭಾರತದಲ್ಲಿ 1000 ಕೋಟಿ ರೂ.ಗಳಿಗೂ ಅಧಿಕ ಗಳಿಕೆ ಮಾಡಿದ ಎರಡನೇ ಸಿನಿಮಾ ಎಂಬ ಖ್ಯಾತಿ 'ಕೆಜಿಎಫ್: ಚಾಪ್ಟರ್ 2' ಸಿನಿಮಾಗೆ ಸಿಕ್ಕಿದೆ. ಮೊದಲ ಸ್ಥಾನದಲ್ಲಿ 'ಬಾಹುಬಲಿ 2' ಇದೆ. ಇನ್ನು, ತಮಿಳು ಚಿತ್ರರಂಗದಲ್ಲಿ ಈವರೆಗೂ ಕನ್ನಡದ ಯಾವ ಸಿನಿಮಾವೂ ಮಾಡಿರದ ಸಾಧನೆಯನ್ನು ಕೆಜಿಎಫ್ 2 ಮಾಡಿದೆ. ತೆರೆಕಂಡ ಹದಿನೇಳನೇ ದಿನಕ್ಕೆ ತಮಿಳುನಾಡು ಬಾಕ್ಸ್ ಆಫೀಸ್‌ನಲ್ಲಿ ಕೆಜಿಎಫ್ 2 ಸಿನಿಮಾ 100 ಕೋಟಿ ರೂ. ಗಳಿಸಿತ್ತು. ಈಗ ಆ ಗಳಿಕೆ 131 ಕೋಟಿ ರೂ. ದಾಟಿದೆ.
ದೊಡ್ಡ ದೊಡ್ಡ ಸಿನಿಮಾಗಳ ಪೈಪೋಟಿ
'ಕೆಜಿಎಫ್: ಚಾಪ್ಟರ್ 2' ತೆರೆಕಂಡ ಮೇಲೆ 'ಆಚಾರ್ಯ', 'ಜೆರ್ಸಿ', 'ಜಯೇಶ್‌ಭಾಯ್ ಜೋರ್ದಾರ್', 'ಧಾಕಡ್', 'ಸರ್ಕಾರು ವಾರಿ ಪಾಟ', 'ರನ್‌ವೇ 34' ಸೇರಿದಂತೆ ಸಾಕಷ್ಟು ದೊಡ್ಡ ದೊಡ್ಡ ಸಿನಿಮಾಗಳು ತೆರೆಕಂಡವು. ಆದರೆ ಆ ಯಾವ ಸಿನಿಮಾಗಳು ಕೂಡ 'ಕೆಜಿಎಫ್: ಚಾಪ್ಟರ್ 2' ಕಲೆಕ್ಷನ್ ಮೇಲೆ ಪರಿಣಾಮ ಬೀರಲಿಲ್ಲ. 'ಕೆಜಿಎಫ್: ಚಾಪ್ಟರ್ 2' ಜೊತೆಗೆ ತೆರೆಗೆ ಬಂದಿದ್ದ ವಿಜಯ್ ಅವರ 'ಬೀಸ್ಟ್' ಸಿನಿಮಾ ದೊಡ್ಡ ಸೋಲನ್ನು ಕಂಡಿತು.