ಹರೀಶ್ ಬಸವರಾಜ್
ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಮತ್ತು ಧನಂಜಯ ಕಾಂಬಿನೇಶನ್ನ ‘ಬೈರಾಗಿ’ ಸಿನಿಮಾದಲ್ಲಿ ಇಬ್ಬರು ನಾಯಕಿಯರಿದ್ದು, ಅವರ ಪಾತ್ರಗಳ ವಿವರ ಇಲ್ಲಿದೆ. ಹಾಡು, ಪೋಸ್ಟರ್ಗಳಿಂದಾಗಿ ಸದ್ದು ಮಾಡುತ್ತಿರುವ ‘ಬೈರಾಗಿ’ ಸಿನಿಮಾದ ಮೂಲಕ ನಟಿ ಯಶಾ ಶಿವಕುಮಾರ್ ಸ್ಯಾಂಡಲ್ವುಡ್ ಪ್ರವೇಶ ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ಅವರು ಡಾಲಿ ಧನಂಜಯರಿಗೆ ಜೋಡಿಯಾಗಿ ನಟಿಸಿದ್ದಾರೆ. ‘ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್’ ಸಿನಿಮಾದ ಮೂಲಕ ತುಳುನಾಡಿನ ಕ್ರಶ್ ಆಗಿರುವ ಯಶಾ ಶಿವಕುಮಾರ್ ನಟಿಸಿ, ಬಿಡುಗಡೆಯಾಗುತ್ತಿರುವ ಮೊದಲ ಕನ್ನಡ ಸಿನಿಮಾ ಇದಾಗಿದೆ. ‘ಬೈರಾಗಿ ಮಾಸ್ ಆಡಿಯನ್ಸ್ಗೆ ರೀಚ್ ಆಗುವಂತಹ ಸಿನಿಮಾ. ನನಗೂ ಒಂದಷ್ಟು ನಿರೀಕ್ಷೆಗಳು ಹೆಚ್ಚಾಗಿವೆ. ಸ್ಟಾರ್ ನಟರು, ದೊಡ್ಡ ತಂಡ ಮತ್ತು ಒಂದೊಳ್ಳೆಯ ಪಾತ್ರ ನಿರ್ವಹಿಸಿದಂತಹ ಖುಷಿ ನನಗಿದೆ’ ಎಂದು ಹೇಳಿದ್ದಾರೆ ನಟಿ ಯಶಾ ಶಿವಕುಮಾರ್.
‘ಈ ಸಿನಿಮಾದಲ್ಲಿ ನನ್ನದು ಒಂದು ಅರ್ಥದಲ್ಲಿ ಪ್ರಮುಖ ಪಾತ್ರ. ನಾನು ಕಾಲೇಜು ಹುಡುಗಿಯಾಗಿ ಕಾಣಿಸಿಕೊಂಡಿದ್ದೇನೆ. ನನ್ನ ಪಾತ್ರ, ಶಿವಣ್ಣ ಮತ್ತು ಧನಂಜಯ ಪಾತ್ರಗಳು ಒಂದಕ್ಕೊಂದು ಇಂಟರ್ ಕನೆಕ್ಟ್ ಆಗಿರುತ್ತವೆ. ಬೈರಾಗಿ ಸಿನಿಮಾ ಸೆಟ್ನಲ್ಲಿದ್ದಾಗ ಮನೆಯಲ್ಲಿದ್ದಂತೆ ಫೀಲ್ ಆಗುತ್ತಿತ್ತು. ಶಿವಣ್ಣ ಮತ್ತು ಧನಂಜಯರಿಂದ ಬಹಳಷ್ಟನ್ನು ಕಲಿತಿದ್ದೇನೆ. ಅವರ ಜತೆಗೆ ನಟಿಸುವಾಗ ಎಷ್ಟೋ ಸಲ ಆತಂಕಕ್ಕೊಳಗಾಗುತ್ತಿದ್ದೆ. ಆಗ ಅವರಿಬ್ಬರೂ ಸಮಾಧಾನ ಹೇಳಿ ನಟಿಸುವಂತೆ ಮಾಡುತ್ತಿದ್ದರು. ಕೆಲವು ಬಾರಿ ಹೆಚ್ಚು ಟೇಕ್ ಆದಾಗಲೂ ಇಬ್ಬರೂ ತಲೆ ಕೆಡಿಸಿಕೊಂಡಿಲ್ಲ. ಆರಾಮಾಗಿ ಮಾಡಿ ಎಂದು ಕಾಯುತ್ತಿದ್ದರು. ಇವರೆಲ್ಲರೂ ನನಗೆ ಕಂಫರ್ಟಬಲ್ ವಾತಾವರಣ ಸೃಷ್ಟಿ ಮಾಡಿ ನನ್ನನ್ನು ನಟಿಸುವಂತೆ ಮಾಡಿದರು’ ಎಂದು ವಿವರಿಸಿದ್ದಾರೆ ಯಶಾ. ಅವರು ಸದ್ಯಕ್ಕೆ ‘ಪದವಿ ಪೂರ್ವ’, ‘ಭರ್ಜರಿ ಗಂಡು’, ‘ಮಾನ್ಸೂನ್ ರಾಗ’, ‘ಗಣ’ ಸೇರಿದಂತೆ ನಾಲ್ಕೈದು ಸಿನಿಮಾಗಳಲ್ಲಿ ಬಿಝಿ ಇದ್ದಾರೆ.
ಬೈರಾಗಿ ಸಿನಿಮಾದಲ್ಲಿ ನಟ ಶಿವರಾಜ್ಕುಮಾರ್ಗೆ ಜೋಡಿಯಾಗಿ ಬಹುಭಾಷಾ ನಟಿ ಅಂಜಲಿ ನಟಿಸಿದ್ದಾರೆ. ತಮಿಳು, ತೆಲುಗು, ಮಲಯಾಳಂ ಸೇರಿದಂತೆ ಹಲವು ಭಾಷೆಗಳ 40ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಸ್ಟಾರ್ ನಟರಿಗೆ ನಾಯಕಿಯಾಗಿ ನಟಿಸಿರುವ ಅವರು ಪುನೀತ್ ರಾಜ್ಕುಮಾರ್ ಅವರ ‘ರಣವಿಕ್ರಮ’ ಸಿನಿಮಾದಲ್ಲೂ ನಾಯಕಿಯಾಗಿದ್ದರು. ಅಂಜಲಿಗೆ ‘ಬೈರಾಗಿ’ ಎರಡನೇ ಕನ್ನಡ ಸಿನಿಮಾವಾಗಿದೆ. ಅಂಜಲಿ ಪಾತ್ರಕ್ಕೆ ದಕ್ಷಿಣ ಭಾರತದ ಖ್ಯಾತ ಕಲಾವಿದೆಯನ್ನು ನಿರ್ಮಾಪಕರು ಹುಡುಕುತ್ತಿದ್ದರು. ನಿರ್ದೇಶಕ ವಿಜಯ ಮಿಲ್ಟನ್ ಬರೆದ ಪಾತ್ರಕ್ಕೆ ಅಂಜಲಿ ಪಕ್ಕಾ ಸೂಟ್ ಆಗುತ್ತಾರೆ ಎಂದು ಅವರನ್ನು ಆಯ್ಕೆ ಮಾಡಲಾಗಿದೆ.
''ಬೈರಾಗಿ ಸಿನಿಮಾದಲ್ಲಿ ನನ್ನದು ಪ್ರಮುಖ ಪಾತ್ರ. ದೊಡ್ಡ ಸ್ಟಾರ್ಗಳ ಜತೆಗೆ ನಿರ್ಭೀತಿಯಿಂದ ನಟಿಸುವ ವಾತಾವರಣ ಈ ಸಿನಿಮಾ ಸೆಟ್ನಲ್ಲಿತ್ತು. ಪ್ರತಿಯೊಬ್ಬರಿಗೂ ಇಷ್ಟವಾಗುವಂತಹ ಕಥೆ ಇದಾಗಿದೆ'' ಎಂದಿದ್ದಾರೆ ನಟಿ ಯಶಾ ಶಿವಕುಮಾರ್.
Fill this survey and get a chance to win an attractive gift
ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಮತ್ತು ಧನಂಜಯ ಕಾಂಬಿನೇಶನ್ನ ‘ಬೈರಾಗಿ’ ಸಿನಿಮಾದಲ್ಲಿ ಇಬ್ಬರು ನಾಯಕಿಯರಿದ್ದು, ಅವರ ಪಾತ್ರಗಳ ವಿವರ ಇಲ್ಲಿದೆ.
‘ಈ ಸಿನಿಮಾದಲ್ಲಿ ನನ್ನದು ಒಂದು ಅರ್ಥದಲ್ಲಿ ಪ್ರಮುಖ ಪಾತ್ರ. ನಾನು ಕಾಲೇಜು ಹುಡುಗಿಯಾಗಿ ಕಾಣಿಸಿಕೊಂಡಿದ್ದೇನೆ. ನನ್ನ ಪಾತ್ರ, ಶಿವಣ್ಣ ಮತ್ತು ಧನಂಜಯ ಪಾತ್ರಗಳು ಒಂದಕ್ಕೊಂದು ಇಂಟರ್ ಕನೆಕ್ಟ್ ಆಗಿರುತ್ತವೆ. ಬೈರಾಗಿ ಸಿನಿಮಾ ಸೆಟ್ನಲ್ಲಿದ್ದಾಗ ಮನೆಯಲ್ಲಿದ್ದಂತೆ ಫೀಲ್ ಆಗುತ್ತಿತ್ತು. ಶಿವಣ್ಣ ಮತ್ತು ಧನಂಜಯರಿಂದ ಬಹಳಷ್ಟನ್ನು ಕಲಿತಿದ್ದೇನೆ. ಅವರ ಜತೆಗೆ ನಟಿಸುವಾಗ ಎಷ್ಟೋ ಸಲ ಆತಂಕಕ್ಕೊಳಗಾಗುತ್ತಿದ್ದೆ. ಆಗ ಅವರಿಬ್ಬರೂ ಸಮಾಧಾನ ಹೇಳಿ ನಟಿಸುವಂತೆ ಮಾಡುತ್ತಿದ್ದರು. ಕೆಲವು ಬಾರಿ ಹೆಚ್ಚು ಟೇಕ್ ಆದಾಗಲೂ ಇಬ್ಬರೂ ತಲೆ ಕೆಡಿಸಿಕೊಂಡಿಲ್ಲ. ಆರಾಮಾಗಿ ಮಾಡಿ ಎಂದು ಕಾಯುತ್ತಿದ್ದರು. ಇವರೆಲ್ಲರೂ ನನಗೆ ಕಂಫರ್ಟಬಲ್ ವಾತಾವರಣ ಸೃಷ್ಟಿ ಮಾಡಿ ನನ್ನನ್ನು ನಟಿಸುವಂತೆ ಮಾಡಿದರು’ ಎಂದು ವಿವರಿಸಿದ್ದಾರೆ ಯಶಾ. ಅವರು ಸದ್ಯಕ್ಕೆ ‘ಪದವಿ ಪೂರ್ವ’, ‘ಭರ್ಜರಿ ಗಂಡು’, ‘ಮಾನ್ಸೂನ್ ರಾಗ’, ‘ಗಣ’ ಸೇರಿದಂತೆ ನಾಲ್ಕೈದು ಸಿನಿಮಾಗಳಲ್ಲಿ ಬಿಝಿ ಇದ್ದಾರೆ.
ಬೈರಾಗಿ ಸಿನಿಮಾದಲ್ಲಿ ನಟ ಶಿವರಾಜ್ಕುಮಾರ್ಗೆ ಜೋಡಿಯಾಗಿ ಬಹುಭಾಷಾ ನಟಿ ಅಂಜಲಿ ನಟಿಸಿದ್ದಾರೆ. ತಮಿಳು, ತೆಲುಗು, ಮಲಯಾಳಂ ಸೇರಿದಂತೆ ಹಲವು ಭಾಷೆಗಳ 40ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಸ್ಟಾರ್ ನಟರಿಗೆ ನಾಯಕಿಯಾಗಿ ನಟಿಸಿರುವ ಅವರು ಪುನೀತ್ ರಾಜ್ಕುಮಾರ್ ಅವರ ‘ರಣವಿಕ್ರಮ’ ಸಿನಿಮಾದಲ್ಲೂ ನಾಯಕಿಯಾಗಿದ್ದರು. ಅಂಜಲಿಗೆ ‘ಬೈರಾಗಿ’ ಎರಡನೇ ಕನ್ನಡ ಸಿನಿಮಾವಾಗಿದೆ. ಅಂಜಲಿ ಪಾತ್ರಕ್ಕೆ ದಕ್ಷಿಣ ಭಾರತದ ಖ್ಯಾತ ಕಲಾವಿದೆಯನ್ನು ನಿರ್ಮಾಪಕರು ಹುಡುಕುತ್ತಿದ್ದರು. ನಿರ್ದೇಶಕ ವಿಜಯ ಮಿಲ್ಟನ್ ಬರೆದ ಪಾತ್ರಕ್ಕೆ ಅಂಜಲಿ ಪಕ್ಕಾ ಸೂಟ್ ಆಗುತ್ತಾರೆ ಎಂದು ಅವರನ್ನು ಆಯ್ಕೆ ಮಾಡಲಾಗಿದೆ.
''ಬೈರಾಗಿ ಸಿನಿಮಾದಲ್ಲಿ ನನ್ನದು ಪ್ರಮುಖ ಪಾತ್ರ. ದೊಡ್ಡ ಸ್ಟಾರ್ಗಳ ಜತೆಗೆ ನಿರ್ಭೀತಿಯಿಂದ ನಟಿಸುವ ವಾತಾವರಣ ಈ ಸಿನಿಮಾ ಸೆಟ್ನಲ್ಲಿತ್ತು. ಪ್ರತಿಯೊಬ್ಬರಿಗೂ ಇಷ್ಟವಾಗುವಂತಹ ಕಥೆ ಇದಾಗಿದೆ'' ಎಂದಿದ್ದಾರೆ ನಟಿ ಯಶಾ ಶಿವಕುಮಾರ್.
Fill this survey and get a chance to win an attractive gift