ಸೋಶಿಯಲ್‌ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿದೆ ಪುನೀತ್ ಅವರ ಈ ಫೋಟೋ!

'ಪವರ್ ಸ್ಟಾರ್‌' ಪುನೀತ್ ರಾಜ್‌ಕುಮಾರ್‌ ಈ ಲಾಕ್‌ಡೌನ್‌ನಲ್ಲಿ ಗಡ್ಡದ ಲುಕ್‌ನಲ್ಲಿ ಕಾಣಿಸಿಕೊಂಡು ಅಭಿಮಾನಿಗಳಿಗೆ ಸರ್ಪ್ರೈಸ್‌ ನೀಡಿದ್ದರು. ಕೊರೊನಾ ಹಾವಳಿಯಿಂದಾಗಿ ಯಾವುದೇ ಶೂಟಿಂಗ್ ಇರಲಿಲ್ಲ. ಆ ಸಲುವಾಗಿ ಅವರು ಗಡ್ಡ ಬಿಟ್ಟಿದ್ದರು. ಸಾಮಾನ್ಯವಾಗಿ ಅವರು ಕ್ಲೀನ್‌ ಶೇವ್‌ನಲ್ಲೇ ತೆರೆಮೇಲೆ ಕಾಣಿಸಿಕೊಳ್ಳುತ್ತಾರೆ. ಆದರೆ, ಈ ಗಡ್ಡದ ಲುಕ್‌ ಕಾಣಿಸಿಕೊಂಡಿದ್ದು ಅಭಿಮಾನಿಗಳಿಗೆ ಸಖತ್ ಇಷ್ಟವಾಗಿತ್ತು. ಅದರಲ್ಲೂ ಈಚೆಗೆ ಅವರದ್ದೊಂದು ಫೋಟೋ ಸಖತ್ ವೈರಲ್ ಆಗಿದೆ.

ಹೌದು, ಈಚೆಗೆ ಅಪ್ಪು, ತಮ್ಮ ಸ್ನೇಹಿತರ ಜೊತೆ ಗ್ರೌಂಡ್‌ನಲ್ಲಿ ಆಟ ಆಡುವಾಗ ಛಾಯಾಗ್ರಾಹಕ ಚಂದನ್‌ ಗೌಡ ಒಂದು ಫೋಟೋ ಕ್ಲಿಕ್ಕಿಸಿದ್ದರು. ಇದೀಗ ಆ ಫೋಟೋ ಸೋಶಿಯಲ್‌ ಮೀಡಿಯಾದಲ್ಲಿ ಸಖತ್ ಟ್ರೆಂಡ್ ಸೃಷ್ಟಿಸಿದೆ. ಬಿಯರ್ಡ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ ಅಪ್ಪು, ಫುಟ್‌ಬಾಲ್ ಆಡುತ್ತಿದ್ದಾರೆ. ಆಗ ತೆಗೆದಿರುವ ಈ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.

'ಒಮ್ಮೆಯಾದರೂ, ಈ ಲುಕ್‌ನಲ್ಲಿ ಪುನೀತ್ ತೆರೆಮೇಲೆ ಕಾಣಿಸಿಕೊಳ್ಳಬೇಕು...', 'ಈ ರೀತಿ ಅವರನ್ನು ತೆರೆಮೇಲೆ ನ್ಯಾಚುರಲ್ ಆಗಿ ತೋರಿಸುವುದಕ್ಕೆ ನಮ್ಮ ನಿರ್ದೇಶಕರು ಪ್ಲ್ಯಾನ್ ಮಾಡಬೇಕು..' ಎಂದೆಲ್ಲ ಅಭಿಮಾನಿಗಳು ಕಾಮೆಂಟ್ ಮಾಡುತ್ತಿದ್ದಾರೆ. ಈ ಹಿಂದೆ 'ವೀರ ಕನ್ನಡಿಗ' ಚಿತ್ರದಲ್ಲಿ ಲೈಟ್ ಆಗಿ ಅವರು ಗಡ್ಡ ಬಿಟ್ಟಿದ್ದರು. ಈಚೆಗೆ ಬಂದ 'ರಾಜಕುಮಾರ' ಚಿತ್ರದಲ್ಲೂ ಕೂಡ ಅವರು ಗಡ್ಡಧಾರಿಯಾಗಿ ಕಾಣಿಸಿಕೊಂಡಿದ್ದರು.

ಇದೀಗ ಅಪ್ಪು ಬಿಯರ್ಡ್‌ ಲುಕ್ ಸಖತ್ ಟ್ರೆಂಡ್ ಸೃಷ್ಟಿಸಿರುವುದರಿಂದ, ಅದೇ ಲುಕ್‌ನಲ್ಲಿ ಅವರು ತೆರೆಮೇಲೆ ಕಾಣಿಸಿಕೊಳ್ಳುವ ಸಾಧ್ಯತೆಗಳಿವೆ. ಈ ಹಿಂದೆ 'ಯುವರತ್ನ' ನಿರ್ದೇಶಕ ಸಂತೋಷ್‌ ಆನಂದ್‌ರಾಮ್‌ ಈ ಬಗ್ಗೆ 'ವಿಜಯ ಕರ್ನಾಟಕ'ದ ಜೊತೆ ಮಾತನಾಡಿದ್ದರು. 'ಪುನೀತ್‌ ಅವರಿಗೆ ಗಡ್ಡ ವಿಭಿನ್ನವಾಗಿ ಕಾಣುತ್ತಿದೆ. ನನ್ನ 'ರಾಜಕುಮಾರ' ಸಿನಿಮಾದಲ್ಲಿ ಎಮೋಷನಲ್‌ ಸೀನ್‌ಗೆ ಸ್ವಲ್ಪ ಗಡ್ಡ ಬಿಡಿಸಿದ್ದೆ. ಈಗಲೂ ಈ ಲುಕ್‌ ಬಗ್ಗೆ ಚರ್ಚೆ ಮಾಡುತ್ತಿದ್ದೇನೆ. ಇನ್ನೊಮ್ಮೆ ಭೇಟಿ ಮಾಡಿ ಮಾತುಕತೆ ನಡೆಸುತ್ತೇನೆ. ಅವರು ಓಕೆ ಹೇಳಿ, ನನಗೂ ಓಕೆ ಎನಿಸಿದರೆ ನಮ್ಮ ಚಿತ್ರದ ಇಂಟ್ರಡಕ್ಷನ್‌ ಹಾಡಿನಲ್ಲಿಅವರು ಬಿಯರ್ಡ್‌ ಲುಕ್‌ನಲ್ಲಿಯೇ ಕಾಣಿಸಿಕೊಳ್ಳಲಿದ್ದಾರೆ' ಎಂದು ಮಾಹಿತಿ ನೀಡಿದ್ದರು.

ಪುನೀತ್ ರಾಜ್‌ಕುಮಾರ್ ಅವರ ಈ ಸಾಹಸ ನೋಡಿ ಅಭಿಮಾನಿಗಳು ಫಿದಾ!

ಅದೇ ಥರ 'ಜೇಮ್ಸ್' ನಿರ್ದೇಶಕ ಚೇತನ್‌ ಕುಮಾರ್ ಕೂಡ ತಮ್ಮ ಸಿನಿಮಾದಲ್ಲಿ ಈ ಬಿಯರ್ಡ್‌ ಲುಕ್‌ ಬಳಸಿಕೊಳ್ಳುವುದಕ್ಕೆ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. 'ನನ್ನ ಸಿನಿಮಾದಲ್ಲಿ ಪುನೀತ್‌ ಅವರು ಬೇರೆ ಬೇರೆ ಲುಕ್‌ನಲ್ಲಿಇರಲಿದ್ದಾರೆ. ಹಾಗಾಗಿ ಬಿಯರ್ಡ್‌ ಲುಕ್‌ ಕೂಡ ಇರಲಿ ಎಂಬ ಬಗ್ಗೆ ಚರ್ಚೆ ಮಾಡುತ್ತಿದ್ದೇನೆ. ಫೋಟೋ ಶೂಟ್‌ ಮಾಡಿ ಈ ಲುಕ್‌ ಟ್ರೈ ಮಾಡುತ್ತೇವೆ' ಎಂದು ಹೇಳಿದ್ದರು.

ನಿಮ್ಮ ಮನೆಯಲ್ಲಿಯೇ 'ಫ್ರೆಂಚ್ ಬಿರಿಯಾನಿ' ತಿನಿಸಲಿದ್ದಾರೆ ನಟ ಪುನೀತ್‌ ರಾಜ್‌ಕುಮಾರ್!