ನನ್ನಂತಿರುವ ಸೊಸೆಯಂದಿರೇ ಬೇಕು; ರಾಬ್ರಿ ದೇವಿ

ಪಟನಾ: ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್ ಯಾದವ್ ಮತ್ತು ಪತ್ನಿ ಮಾಜಿ ಸಿಎಂ ರಾಬ್ರಿ ದೇವಿ ತಮ್ಮಿಬ್ಬರು ಗಂಡು ಮಕ್ಕಳಿಗೆ ದೇಸಿ ಹುಡುಗಿಯರನ್ನು ಹುಡುಕುತ್ತಿದ್ದಾರೆ.

ಬಿಹಾರ ಸರಕಾರದಲ್ಲಿ ಸಚಿವರಾಗಿರುವ ತೇಜ್ ಪ್ರತಾಪ್ ಮತ್ತು ತೇಜಸ್ವಿ ಪ್ರಸಾದ್ ಯಾದವ್ ಅವರಿಗೆ ವಿವಾಹ ಮಾಡಲು ನಿರ್ಧರಿಸಿರುವ ಲಾಲು ದಂಪತಿ ದೇಸಿ ವಧುವಿಗೆ ಹೆಚ್ಚಿನ ಪ್ರಾಶಸ್ತ್ಯ ನೀಡಿದ್ದಾರೆ.

ಲಾಲು ಪ್ರಸಾದ್ ಯಾದವ್ ಅವರ 70ನೇ ಜನ್ಮ ದಿನಾಚರಣೆಯನ್ನು ತಮ್ಮ ನಿವಾಸದಲ್ಲಿ ಭಾನುವಾರ ಆಚರಿಸಿಕೊಂಡರು. ಈ ಸಂದರ್ಭ ಮಕ್ಕಳ ಮದುವೆ ಬಗ್ಗೆ ಮಾತನಾಡಿದ ರಾಬ್ರಿ ದೇವಿ, ಸಿನಿಮಾ, ಮಾಲ್ ಸುತ್ತುವ ಫ್ಯಾಶನ್ ಹುಡುಗಿಯರು ಬೇಡ, ಜವಾಬ್ದಾರಿಯಿಂದ ಮನೆ ನಡೆಸಿಕೊಂಡು ಹೋಗುವ, ಹಿರಿಯವರನ್ನು ಗೌರವಿಸುವ ಉತ್ತಮ ಮನೆತನದ ಹುಡುಗಿಯರು ಬೇಕು. ನನ್ನಂತೆ ಮನೆಯ ಹೊರಗೂ ಜವಾಬ್ದಾರಿ ಹೊತ್ತುಕೊಳ್ಳುವ ಸೊಸೆಯಂದಿರು ಬೇಕು. ಮುಖ್ಯವಾಗಿ ತೇಜ್ ಪ್ರತಾಪ್‌ ತುಂಬ ಧಾರ್ಮಿಕ ಮನೋಭಾವದವನಾಗಿದ್ದು, ಸುಸಂಸ್ಕೃತ ಹಿನ್ನೆಲೆ ಇರುವ ಹುಡುಗಿಯೇ ಬೇಕು ಎಂದಿದ್ದಾರೆ.