Love 360 Review: ತಿರುವುಗಳ ಹಾದಿಯಲ್ಲಿ ರಾಮ್- ಜಾನಕಿಯ ಭಾವುಕ ಪ್ರೇಮಕಥೆ
ಪ್ರವೀಣ್,ರಚನಾ ಇಂದರ್,ಗೋಪಾಲ್ ಕೃಷ್ಣ ದೇಶಪಾಂಡೆ,ಡ್ಯಾನಿ ಕುಟ್ಟಪ್ಪ,ಮಹಾಂತೇಶ್ ಹಿರೇಮಠ್
ಹೊಸ ಪ್ರತಿಭೆಗಳಿಗೆ ಅವಕಾಶ ನೀಡಿ, ಕನ್ನಡ ಚಿತ್ರರಂಗದಲ್ಲಿ ಗುರುತಿಸಿಕೊಳ್ಳುವಂತೆ ಮಾಡಿದ ಕೀರ್ತಿ ನಿರ್ದೇಶಕ ಶಶಾಂಕ್ ಅವರಿಗೆ ಸಲ್ಲುತ್ತದೆ. ಆರಂಭದಿಂದಲೂ ಹೊಸಬರಿಗೆ ಅವಕಾಶ ನೀಡಿರುವ ಶಶಾಂಕ್, ಸ್ಟಾರ್ ನಟರ ಜೊತೆಗೂ ಸಿನಿಮಾ ಮಾಡಿದ್ದಾರೆ. ಬಹಳ ನಂತರ ದಿನಗಳ ಇದೀಗ ಅವರು ಪ್ರವೀಣ್ ಎಂಬ ಹೊಸ ಹೀರೋಗೆ 'ಲವ್ 360' ಸಿನಿಮಾ ಮೂಲಕ ಚಾನ್ಸ್ ನೀಡಿದ್ದಾರೆ. 'ಜಗವೇ ನೀನು ಗೆಳತಿಯೇ..' ಹಾಡಿನಿಂದಲೇ ಗುರುತಿಸಿಕೊಂಡ ಈ ಸಿನಿಮಾ ಈಗ ತೆರೆಕಂಡಿದೆ. ಹಾಗಾದರೆ, ಸಿನಿಮಾ ಹೇಗಿದೆ? ಹೊಸ ನಟರ ಜೊತೆಗೆ ಶಶಾಂಕ್ ಈ ಬಾರಿಯೂ ಮ್ಯಾಜಿಕ್ ಮಾಡಿದ್ದಾರಾ? ಇಲ್ಲಿದೆ ಸಿನಿಮಾ ವಿಮರ್ಶೆ.
ಒಂದು ಮುಗ್ಧ ಪ್ರೇಮಕಥೆ
ರಾಮ್ (ಪ್ರವೀಣ್) ಮತ್ತು ಜಾನಕಿ (ರಚನಾ ಇಂದರ್) ಇಬ್ಬರು ಅನಾಥಾಶ್ರಮದಲ್ಲಿ ಜೊತೆಯಾದವರು, ಬಾಲ್ಯದಲ್ಲಿಯೇ ಜೊತೆಯಾಗಿಯೇ ಬದುಕುವ ತೀರ್ಮಾನ ಮಾಡಿದವರು. ಜಾನಕಿಗೆ ನೆನಪಿನ ಸಮಸ್ಯೆಯಿದೆ. ರಾಮ್‌ಗೆ ಜಾನಕಿಯನ್ನು ಸರಿ ಮಾಡುವ ನಂಬಿಕೆ ಇದೆ. ಈ ಜೋಡಿಗೆ ಹಿಂದೆ ಮುಂದೆ ಯಾರೂ ಇಲ್ಲ. ನನಗೆ ನೀನು, ನಿನಗೆ ನಾನು ಎಂದುಕೊಂಡು ಸಾಗುವ ಈ ಜೋಡಿಯ ಬದುಕಿನಲ್ಲಿ ಹಲವು ತಿರುವುಗಳು ಎದುರಾಗುತ್ತವೆ. ಇವರಿಬ್ಬರ ನಿಷ್ಕಲ್ಮಶವಾದ ಪ್ರೀತಿಯ ಬಿಳಿ ಹಾಳೆ ಮೇಲೆ ರಕ್ತ ಚೆಲ್ಲುತ್ತದೆ. ಅದಕ್ಕೆ ಕಾರಣವೇನು? ಪ್ರೇಮಕಥೆಯಲ್ಲಿ ಕ್ರೈಮ್ ಕಥೆ ಹುಟ್ಟಿಕೊಂಡಿದ್ದೇಕೆ ಎಂಬುದೇ ಈ ಸಿನಿಮಾದ ಅಂತಿಮ ಕುತೂಹಲ.
ಸರಳ ನಿರೂಪಣೆಯ ಕಥೆಗೆ ಕಾಡುವ ಕ್ಲೈಮ್ಯಾಕ್ಸ್
ಹೊಸ ಹೀರೋ ಲಾಂಚ್ ಮಾಡುವುದಕ್ಕಾಗಿಯ ಪಕ್ಕಾ ಕಮಷಿರ್ಯಲ್ ಮಸಾಲಾ ಕಥೆಗಳನ್ನು ನಿರ್ದೇಶಕರು ಆಯ್ದುಕೊಳ್ಳುವುದನ್ನು ಗಮನಿಸಿದ್ದೇವೆ. ಆದರೆ ಶಶಾಂಕ್ ಆ ರೀತಿ ಮಾಡಿಲ್ಲ. ಒಂದು ಸರಳವಾದ ಪ್ರೇಮಕಥೆಯನ್ನು ಆಯ್ದುಕೊಂಡು, ಅದಕ್ಕೆ ರೋಚಕವಾದ ಥ್ರಿಲ್ಲರ್ ಅಂಶಗಳನ್ನು ಸೇರಿಸುವ ಪ್ರಯತ್ನ ಮಾಡಿದ್ದಾರೆ. ಇಲ್ಲಿ ಹೀರೋಗೆ ಸಿಕ್ಸ್ ಪ್ಯಾಕ್ ಇದೆ, ಖಳರೊಂದಿಗೆ ಹೀರೋ ಭರ್ಜರಿ ಫೈಟ್ ಮಾಡ್ತಾನೆ. ಆದರೆ ಅದ್ಯಾವುದು ಕಥೆಯ ಆಶಯವನ್ನು ಮೀರುವುದಿಲ್ಲ. ಮೊದಲರ್ಧ ನಿರೂಪಣೆ ತುಂಬ ಸಿಂಪಲ್ ಆಗಿ ಸಾಗುತ್ತದೆ. ವಾವ್ ಎನಿಸುವ ಅಂಶಗಳಿಗಿಂತ ಎಮೋಷನಲ್ ದೃಶ್ಯಗಳಿಗೆ ಆದ್ಯತೆ ನೀಡಲಾಗಿದೆ. ಅಲ್ಲೆಲ್ಲವೂ ನಿಧಾನವೇ ಪ್ರಧಾನ ಎಂಬ ಸೂತ್ರವನ್ನು ಪಾಲಿಸಿದ್ದಾರೆ ನಿರ್ದೇಶಕರು. ಆದರೆ ವಿರಾಮದ ವೇಳೆಗೆ ಟ್ವಿಸ್ಟ್‌ಗಳು ಎದುರಾಗುತ್ತವೆ. ಅಲ್ಲಿಂದ ಮುಂದೆ ಇದೊಂದು ಕ್ರೈಮ್ ಲವ್ ಸ್ಟೋರಿಯಾಗಿ ಮಾರ್ಪಡುತ್ತದೆ. ಕೊನೆಯವರೆಗೂ ಸಸ್ಪೆನ್ಸ್ ಕಾಪಾಡುವಲ್ಲಿ ನಿರ್ದೇಶಕರು ಸಫಲರಾಗಿದ್ದಾರೆ.
Rachana Inder: 'ಲವ್ 360' ಸಿನಿಮಾದಲ್ಲಿ ಸವಾಲಿನ ಪಾತ್ರ ಮಾಡಿದ ನಟಿ ರಚನಾ ಇಂದರ್
'ಜಗವೇ ನೀನು ಗೆಳತಿಯೇ..' ಹಾಡು ಈಗಾಗಲೇ ದೊಡ್ಡ ಹಿಟ್ ಆಗಿದೆ. ಸಿನಿಮಾದಲ್ಲಿ ಆ ಹಾಡು ಖುಷಿ ನೀಡುತ್ತದೆ. ಹಾಡು ಮಾತ್ರವಲ್ಲದೆ, ಹಿನ್ನೆಲೆ ಸಂಗೀತದಲ್ಲೂ ಅರ್ಜುನ್ ಜನ್ಯ ಸ್ಕೋರ್ ಮಾಡುತ್ತಾರೆ. ಛಾಯಾಗ್ರಾಹಕ ಅಭಿಲಾಷ್ ಕಲಾಥಿ ತಮ್ಮ ಕೆಲಸವನ್ನು ಅಚ್ಟುಕಟ್ಟಾಗಿ ಮಾಡಿದ್ದಾರೆ.
Rachana Inder: 'ಲವ್ 360' ಸಿನಿಮಾದಲ್ಲಿ ಸವಾಲಿನ ಪಾತ್ರ ಮಾಡಿದ ನಟಿ ರಚನಾ ಇಂದರ್
ಭರವಸೆ ಹುಟ್ಟಿಸುವ ಪ್ರವೀಣ್
ನಟ ಪ್ರವೀಣ್‌ಗೆ 'ಲವ್ 360' ಮೊದಲ ಸಿನಿಮಾ. ಮೊದಲ ಪ್ರಯತ್ನದಲ್ಲೇ ಭಾವುಕ ಪ್ರೇಮಿಯಾಗಿ, ವಿಧಿಯಾಟಕ್ಕೆ ಸಿಲುಕಿ ಒದ್ದಾಡುವ ಪ್ರೇಮಿಯಾಗಿ ಗಮನಸೆಳೆಯುತ್ತಾರೆ. ಜೊತೆಗೆ ಆಕ್ಷನ್ ದೃಶ್ಯಗಳಲ್ಲೂ ಭರ್ಜರಿಯಾಗಿ ಮಿಂಚಿದ್ದಾರೆ. ನಟನೆಯನ್ನು ಗಂಭೀರವಾಗಿ ಪರಿಗಣಿಸಿದರೆ, ಪ್ರವೀಣ್ ಉತ್ತಮ ಹೀರೋ ಆಗಬಹುದು. ಮುಗ್ಧ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ ರಚನಾ ಇಂದರ್. ಪೊಲೀಸ್ ಅಧಿಕಾರಿಯಾಗಿ ಗೋಪಾಲ್ ಕೃಷ್ಣ ದೇಶಪಾಂಡೆ ಹೆಚ್ಚುವರಿ ಅಂಕ ಗಿಟ್ಟಿಸಿಕೊಳ್ಳುತ್ತಾರೆ. ಕಥೆಗೆ ಟ್ವಿಸ್ಟ್ ಕೊಡುವ ಅತೀ ಮುಖ್ಯ ಪಾತ್ರದಲ್ಲಿ ಗಮನಸೆಳೆಯುತ್ತಾರೆ ಮಹಾಂತೇಶ್ ಹಿರೇಮಠ್. ತಮ್ಮ ವಿಭಿನ್ನ ಮ್ಯಾನರಿಸಂನಿಂದ ಭಯ ಹುಟ್ಟಿಸುತ್ತಾರೆ ಖಳ ನಟ ಡ್ಯಾನಿ ಕುಟ್ಟಪ್ಪ. ವಿಭಿನ್ನವಾದ ಪಾತ್ರವೊಂದನ್ನು ನಟಿ ಕಾವ್ಯಾ ಶಾಸ್ತ್ರಿ ಸಮರ್ಥವಾಗಿ ನಿಭಾಯಿಸಿದ್ದಾರೆ.
ಒಂದು ಮುಗ್ಧ ಪ್ರೇಮಕಥೆ
ರಾಮ್ (ಪ್ರವೀಣ್) ಮತ್ತು ಜಾನಕಿ (ರಚನಾ ಇಂದರ್) ಇಬ್ಬರು ಅನಾಥಾಶ್ರಮದಲ್ಲಿ ಜೊತೆಯಾದವರು, ಬಾಲ್ಯದಲ್ಲಿಯೇ ಜೊತೆಯಾಗಿಯೇ ಬದುಕುವ ತೀರ್ಮಾನ ಮಾಡಿದವರು. ಜಾನಕಿಗೆ ನೆನಪಿನ ಸಮಸ್ಯೆಯಿದೆ. ರಾಮ್‌ಗೆ ಜಾನಕಿಯನ್ನು ಸರಿ ಮಾಡುವ ನಂಬಿಕೆ ಇದೆ. ಈ ಜೋಡಿಗೆ ಹಿಂದೆ ಮುಂದೆ ಯಾರೂ ಇಲ್ಲ. ನನಗೆ ನೀನು, ನಿನಗೆ ನಾನು ಎಂದುಕೊಂಡು ಸಾಗುವ ಈ ಜೋಡಿಯ ಬದುಕಿನಲ್ಲಿ ಹಲವು ತಿರುವುಗಳು ಎದುರಾಗುತ್ತವೆ. ಇವರಿಬ್ಬರ ನಿಷ್ಕಲ್ಮಶವಾದ ಪ್ರೀತಿಯ ಬಿಳಿ ಹಾಳೆ ಮೇಲೆ ರಕ್ತ ಚೆಲ್ಲುತ್ತದೆ. ಅದಕ್ಕೆ ಕಾರಣವೇನು? ಪ್ರೇಮಕಥೆಯಲ್ಲಿ ಕ್ರೈಮ್ ಕಥೆ ಹುಟ್ಟಿಕೊಂಡಿದ್ದೇಕೆ ಎಂಬುದೇ ಈ ಸಿನಿಮಾದ ಅಂತಿಮ ಕುತೂಹಲ.
ಸರಳ ನಿರೂಪಣೆಯ ಕಥೆಗೆ ಕಾಡುವ ಕ್ಲೈಮ್ಯಾಕ್ಸ್
ಹೊಸ ಹೀರೋ ಲಾಂಚ್ ಮಾಡುವುದಕ್ಕಾಗಿಯ ಪಕ್ಕಾ ಕಮಷಿರ್ಯಲ್ ಮಸಾಲಾ ಕಥೆಗಳನ್ನು ನಿರ್ದೇಶಕರು ಆಯ್ದುಕೊಳ್ಳುವುದನ್ನು ಗಮನಿಸಿದ್ದೇವೆ. ಆದರೆ ಶಶಾಂಕ್ ಆ ರೀತಿ ಮಾಡಿಲ್ಲ. ಒಂದು ಸರಳವಾದ ಪ್ರೇಮಕಥೆಯನ್ನು ಆಯ್ದುಕೊಂಡು, ಅದಕ್ಕೆ ರೋಚಕವಾದ ಥ್ರಿಲ್ಲರ್ ಅಂಶಗಳನ್ನು ಸೇರಿಸುವ ಪ್ರಯತ್ನ ಮಾಡಿದ್ದಾರೆ. ಇಲ್ಲಿ ಹೀರೋಗೆ ಸಿಕ್ಸ್ ಪ್ಯಾಕ್ ಇದೆ, ಖಳರೊಂದಿಗೆ ಹೀರೋ ಭರ್ಜರಿ ಫೈಟ್ ಮಾಡ್ತಾನೆ. ಆದರೆ ಅದ್ಯಾವುದು ಕಥೆಯ ಆಶಯವನ್ನು ಮೀರುವುದಿಲ್ಲ. ಮೊದಲರ್ಧ ನಿರೂಪಣೆ ತುಂಬ ಸಿಂಪಲ್ ಆಗಿ ಸಾಗುತ್ತದೆ. ವಾವ್ ಎನಿಸುವ ಅಂಶಗಳಿಗಿಂತ ಎಮೋಷನಲ್ ದೃಶ್ಯಗಳಿಗೆ ಆದ್ಯತೆ ನೀಡಲಾಗಿದೆ. ಅಲ್ಲೆಲ್ಲವೂ ನಿಧಾನವೇ ಪ್ರಧಾನ ಎಂಬ ಸೂತ್ರವನ್ನು ಪಾಲಿಸಿದ್ದಾರೆ ನಿರ್ದೇಶಕರು. ಆದರೆ ವಿರಾಮದ ವೇಳೆಗೆ ಟ್ವಿಸ್ಟ್‌ಗಳು ಎದುರಾಗುತ್ತವೆ. ಅಲ್ಲಿಂದ ಮುಂದೆ ಇದೊಂದು ಕ್ರೈಮ್ ಲವ್ ಸ್ಟೋರಿಯಾಗಿ ಮಾರ್ಪಡುತ್ತದೆ. ಕೊನೆಯವರೆಗೂ ಸಸ್ಪೆನ್ಸ್ ಕಾಪಾಡುವಲ್ಲಿ ನಿರ್ದೇಶಕರು ಸಫಲರಾಗಿದ್ದಾರೆ.
Rachana Inder: 'ಲವ್ 360' ಸಿನಿಮಾದಲ್ಲಿ ಸವಾಲಿನ ಪಾತ್ರ ಮಾಡಿದ ನಟಿ ರಚನಾ ಇಂದರ್
'ಜಗವೇ ನೀನು ಗೆಳತಿಯೇ..' ಹಾಡು ಈಗಾಗಲೇ ದೊಡ್ಡ ಹಿಟ್ ಆಗಿದೆ. ಸಿನಿಮಾದಲ್ಲಿ ಆ ಹಾಡು ಖುಷಿ ನೀಡುತ್ತದೆ. ಹಾಡು ಮಾತ್ರವಲ್ಲದೆ, ಹಿನ್ನೆಲೆ ಸಂಗೀತದಲ್ಲೂ ಅರ್ಜುನ್ ಜನ್ಯ ಸ್ಕೋರ್ ಮಾಡುತ್ತಾರೆ. ಛಾಯಾಗ್ರಾಹಕ ಅಭಿಲಾಷ್ ಕಲಾಥಿ ತಮ್ಮ ಕೆಲಸವನ್ನು ಅಚ್ಟುಕಟ್ಟಾಗಿ ಮಾಡಿದ್ದಾರೆ.
Rachana Inder: 'ಲವ್ 360' ಸಿನಿಮಾದಲ್ಲಿ ಸವಾಲಿನ ಪಾತ್ರ ಮಾಡಿದ ನಟಿ ರಚನಾ ಇಂದರ್
ಭರವಸೆ ಹುಟ್ಟಿಸುವ ಪ್ರವೀಣ್
ನಟ ಪ್ರವೀಣ್‌ಗೆ 'ಲವ್ 360' ಮೊದಲ ಸಿನಿಮಾ. ಮೊದಲ ಪ್ರಯತ್ನದಲ್ಲೇ ಭಾವುಕ ಪ್ರೇಮಿಯಾಗಿ, ವಿಧಿಯಾಟಕ್ಕೆ ಸಿಲುಕಿ ಒದ್ದಾಡುವ ಪ್ರೇಮಿಯಾಗಿ ಗಮನಸೆಳೆಯುತ್ತಾರೆ. ಜೊತೆಗೆ ಆಕ್ಷನ್ ದೃಶ್ಯಗಳಲ್ಲೂ ಭರ್ಜರಿಯಾಗಿ ಮಿಂಚಿದ್ದಾರೆ. ನಟನೆಯನ್ನು ಗಂಭೀರವಾಗಿ ಪರಿಗಣಿಸಿದರೆ, ಪ್ರವೀಣ್ ಉತ್ತಮ ಹೀರೋ ಆಗಬಹುದು. ಮುಗ್ಧ ಪಾತ್ರವೊಂದಕ್ಕೆ ಜೀವ ತುಂಬಿದ್ದಾರೆ ರಚನಾ ಇಂದರ್. ಪೊಲೀಸ್ ಅಧಿಕಾರಿಯಾಗಿ ಗೋಪಾಲ್ ಕೃಷ್ಣ ದೇಶಪಾಂಡೆ ಹೆಚ್ಚುವರಿ ಅಂಕ ಗಿಟ್ಟಿಸಿಕೊಳ್ಳುತ್ತಾರೆ. ಕಥೆಗೆ ಟ್ವಿಸ್ಟ್ ಕೊಡುವ ಅತೀ ಮುಖ್ಯ ಪಾತ್ರದಲ್ಲಿ ಗಮನಸೆಳೆಯುತ್ತಾರೆ ಮಹಾಂತೇಶ್ ಹಿರೇಮಠ್. ತಮ್ಮ ವಿಭಿನ್ನ ಮ್ಯಾನರಿಸಂನಿಂದ ಭಯ ಹುಟ್ಟಿಸುತ್ತಾರೆ ಖಳ ನಟ ಡ್ಯಾನಿ ಕುಟ್ಟಪ್ಪ. ವಿಭಿನ್ನವಾದ ಪಾತ್ರವೊಂದನ್ನು ನಟಿ ಕಾವ್ಯಾ ಶಾಸ್ತ್ರಿ ಸಮರ್ಥವಾಗಿ ನಿಭಾಯಿಸಿದ್ದಾರೆ.