ಬೆಂಗಳೂರಿನ ಎಂಟಿಆರ್‌ ದೋಸೆಯೆಂದರೆ ಶಶಿಕಪೂರ್‌ಗೆ ಪಂಚಪ್ರಾಣ

70 ಹಾಗೂ 80 ದಶಕಗಳಲ್ಲಿ ಬಾಲಿವುಡ್‌ನ ರೊಮ್ಯಾಂಟಿಕ್‌ ಹೀರೋಗಳಲ್ಲಿ ಒಬ್ಬರಾಗಿ ಆಳಿದ ಶಶಿಕಪೂರ್‌ ಸಿನಿಮಾ ರಂಗದಷ್ಟೇ ಗಾಢವಾಗಿ ರಂಗಭೂಮಿಯನ್ನು ಪ್ರೀತಿಸಿದ್ದರು. ರಂಗಭೂಮಿಯ ಸೆಳೆತದಿಂದಾಗಿ ಶಶಿ ಕಪೂರ್‌ ಅವರಿಗೆ ಬೆಂಗಳೂರಿನ ನಂಟು ಬೆಳೆಯಿತು.

60ರ ದಶಕದಲ್ಲಿ ಶಶಿ ಮತ್ತು ಜೆನ್ನಿಫರ್‌ ಬೆಂಗಳೂರಿನಲ್ಲಿ ನಾಟಕಗಳಲ್ಲಿ ಅಭಿನಯಿಸುತ್ತಿದ್ದರು. ಬೆಂಗಳೂರಿಗೆ ಬಂದಾಗಲೆಲ್ಲ ಎಂಟಿಆರ್‌ನಲ್ಲಿ ತಿಂಡಿ ಸವಿಯುತ್ತಿದ್ದರು. ಅಲ್ಲಿನ ದೋಸೆ, ರವೆ ಇಡ್ಲಿ ಅವರಿಗಿಷ್ಟ. ಗಿರೀಶ್‌ ಕಾರ್ನಾಡ್‌ ನಿರ್ದೇಶನದ 'ಉತ್ಸವ್‌' ಚಿತ್ರವನ್ನು ಶಶಿ ಕಪೂರ್‌ ಅವರೇ ನಿರ್ಮಾಣ ಮಾಡಿ, ನಟಿಸಿದ್ದರು.

ಅದ್ಭುತ ಕಲಾಗಾರರಾಗಿದ್ದ ಶಶಿ ಕಪೂರ್‌ ತಮ್ಮ ನಟನೆ ಮತ್ತು ನಗುವಿನಿಂದಲೇ ಚಿತ್ರರಸಿಕರ ಮನದಲ್ಲಿ ಮನ ಮಾಡಿದ್ದರು.

ಇವರ ಅಭಿನಯದ ಪ್ರಸಿದ್ಧ ಚಿತ್ರಗಳು
ಕನ್ಯಾದಾನ್‌, ಹಸೀನಾ ಮಾನ್‌ ಜಾಯೇಗಿ, ಆ ಗಲೆ ಲಗ್‌ ಜಾ, ರೋಟಿ ಕಪಡಾ ಔರ್‌ ಮಕಾನ್‌, ಚೋರ್‌ ಮಚಾಯೇ ಶೋರ್‌, ದೀವಾರ್‌, ಕಭಿ ಕಭೀ, ತ್ರಿಶೂಲ್‌, ಸತ್ಯಂ ಶಿವಂ ಸುಂದರಂ, ಕಾಲಾ ಪತ್ಥರ್‌, ಸುಹಾಗ್‌, ಶಾನ್‌, ನಮಕ್‌ ಹಲಾಲ್‌.

​ ಜನಪ್ರಿಯ ಹಾಡುಗಳು
ಲಿಖೇ ಜೊ ಖತ್‌ ತುಜೇ

ತುಂ ಬಿನ್‌ ಜಾವೂಂ ಕಹಾಂ

ಜಬ್‌ ಜಬ್‌ ಫೂಲ್‌ ಕಿಲೇ

ಖಿಲ್‌ ತೆ ಹೈ ಗುಲ್‌ ಯಹಾಂ

ನಿ ಸುಲ್ತಾನಾ ರೇ