ಹೊಸದಿಲ್ಲಿ: ಸರಕಾರವು ತನ್ನ ಪ್ರಮುಖ ವಿಮಾ ಯೋಜನೆಗಳಾದ 'ಪ್ರಧಾನ್ ಮಂತ್ರಿ ಜೀವನ್ ಜ್ಯೋತಿ ಬಿಮಾ ಯೋಜನೆ' (PMJJBY) ಮತ್ತು 'ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ' (PMSBY) ಗಳ ಪ್ರೀಮಿಯಂ ದರವನ್ನು ಮಂಗಳವಾರ ಹೆಚ್ಚಿಸಿದೆ. ಈ ಯೋಜನೆಗಳನ್ನು ಆರ್ಥಿಕವಾಗಿ ಸಮರ್ಥವಾಗಿಡುವ ಉದ್ದೇಶದಿಂದ ಈ ಕ್ರಮ ಕೈಗೊಳ್ಳಲಾಗಿದೆ. PMJJBY ಯ ಪ್ರೀಮಿಯಂ ದರವನ್ನು ದಿನಕ್ಕೆ 1.25 ರೂಪಾಯಿಗೆ ಹೆಚ್ಚಿಸಲಾಗಿದೆ. ಈ ಹಿಂದೆ ವಾರ್ಷಿಕ 330 ರೂಪಾಯಿ ಇದ್ದ ಪ್ರೀಮಿಯಂ ದರವನ್ನು ಈಗ ₹436ಕ್ಕೆ ಏರಿಸಲಾಗಿದೆ. PMSBY ಯೋಜನೆಯ ವಾರ್ಷಿಕ ಪ್ರೀಮಿಯಂ ಅನ್ನು 12 ರೂ.ನಿಂದ 20 ರೂ.ಗೆ ಹೆಚ್ಚಿಸಲಾಗಿದೆ ಎಂದು ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದೆ. ಹೊಸ ಪ್ರೀಮಿಯಂ ದರಗಳು 2022ರ ಜೂನ್ 1 ರಿಂದಲೇ ಜಾರಿಗೆ ಬರಲಿವೆ.
'ಪ್ರಧಾನ್ ಮಂತ್ರಿ ಜೀವನ್ ಜ್ಯೋತಿ ಬಿಮಾ ಯೋಜನೆ' (PMJJBY)ಯ ಪ್ರೀಮಿಯಂ ದರದಲ್ಲಿ ಶೇ.32ರಷ್ಟು ಹೆಚ್ಚಳ ಮಾಡಲಾಗಿದೆ. ಜತೆಗೆ 'ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ' (PMSBY)ರ ಪ್ರೀಮಿಯಂ ದರದಲ್ಲಿ ಶೇ.67ರಷ್ಟು ಹೆಚ್ಚಳ ಮಾಡಲಾಗಿದೆ. ಈ ಯೋಜನೆಯಡಿ ಮಾಡಿದ ಕ್ಲೈಮ್‌ಗಳ ಆಧಾರದ ಮೇಲೆ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಕಳೆದ ಹಣಕಾಸು ವರ್ಷದ ಅಂತ್ಯದವರೆಗೆ, ಅಂದರೆ 2022ರ ಮಾರ್ಚ್ 31 ರವರೆಗೆ PMJJBY ಮತ್ತು PMSBY ಯೋಜನೆಗಳಡಿ ಸಕ್ರಿಯ ಚಂದಾದಾರರ ಸಂಖ್ಯೆ ಕ್ರಮವಾಗಿ 6.4 ಕೋಟಿ ಮತ್ತು 22 ಕೋಟಿ ಇದೆ.
ಕಳೆದ ಮಾರ್ಚ್ ವರೆಗೆ ಸಂಗ್ರಹವಾಗಿರುವ ಪ್ರೀಮಿಯಂ ಇಷ್ಟು
PMSBY ಯೋಜನೆ ಪ್ರಾರಂಭವಾದಾಗಿನಿಂದ 2022ರ ಮಾರ್ಚ್ 31 ರವರೆಗೆ 1,134 ಕೋಟಿ ಮೊತ್ತವನ್ನು ಪ್ರೀಮಿಯಂ ಸಂಗ್ರಹಿಸಲಾಗಿದೆ. ಆದರೆ, ಇದೇ ಅವಧಿಯಲ್ಲಿ 2,513 ಕೋಟಿ ರೂ. ಮೊತ್ತದ ಕ್ಲೈಮ್‌ಗಳನ್ನು ಪಾವತಿಸಲಾಗಿದೆ. ಇದಲ್ಲದೆ, PMJJBY ಯೋಜನೆಯಡಿ 9,737 ಕೋಟಿ ರೂಪಾಯಿ ಪ್ರೀಮಿಯಂ ಸಂಗ್ರಹವಾಗಿದ್ದರೆ, 14,144 ಕೋಟಿ ರೂಪಾಯಿ ಕ್ಲೈಮ್‌ಗಳನ್ನು ಪಾವತಿಸಲಾಗಿದೆ.
ಯೋಜನೆಗಳ ವಿಸ್ತರಣೆ ಗುರಿ
ಭಾರತವನ್ನು ಸಂಪೂರ್ಣ ವಿಮಾ ಸಮಾಜವನ್ನಾಗಿ ಮಾಡುವ ಪ್ರಧಾನಿ ನರೇಂದ್ರ ಮೋದಿಯವರ ದೃಷ್ಟಿಗೆ ಅನುಗುಣವಾಗಿ, ಮುಂದಿನ ಐದು ವರ್ಷಗಳಲ್ಲಿ ಪಿಎಂಜೆಜೆಬಿವೈ ಯೋಜನೆಯಡಿ ಚಂದಾದಾರರ ಸಂಖ್ಯೆಯನ್ನು 6.4 ಕೋಟಿಯಿಂದ 15 ಕೋಟಿಗೆ ಹೆಚ್ಚಿಸುವ ಗುರಿ ಹೊಂದಲಾಗಿದೆ. ಪಿಎಂಎಸ್‌ಬಿವೈ ಯೋಜನೆಯಡಿ ಚಂದಾದಾರರನ್ನು 22 ಕೋಟಿಯಿಂದ 37 ಕೋಟಿಗೆ ಹೆಚ್ಚಿಸುವ ನಿರೀಕ್ಷೆಯಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಈ ಯೋಜನೆಗಳ ಪ್ರಯೋಜನಗಳೇನು
PMJJBY ಯೋಜನೆಯಡಿ ಬ್ಯಾಂಕ್ ಅಥವಾ ಪೋಸ್ಟ್ ಆಫೀಸ್ ಖಾತೆ ಹೊಂದಿರುವ 18-50 ವರ್ಷ ವಯಸ್ಸಿನ ಜನರಿಗೆ ₹2 ಲಕ್ಷ ಜೀವ ವಿಮಾ ರಕ್ಷಣೆ ಒದಗಿಸುತ್ತದೆ. ವ್ಯಕ್ತಿಗೆ ಯಾವುದೇ ಕಾರಣದಿಂದ ಮರಣ ಸಂಭವಿಸಿದರೆ, ಅವರ ಕುಟುಂಬಕ್ಕೆ ವಿಮೆ ಹಣ ಸಿಗುತ್ತದೆ. PMSBY ಯೋಜನೆಯಡಿ 18-70 ವರ್ಷ ವಯಸ್ಸಿನ ಜನರಿಗೆ ಅಪಘಾತ, ಮರಣ ಅಥವಾ ಶಾಶ್ವತ ಅಂಗವೈಕಲ್ಯ ಸಂಭವಿಸಿದರೆ , ₹2 ಲಕ್ಷ ವಿಮೆ ಮತ್ತು ಭಾಗಶಃ ಶಾಶ್ವತ ಅಂಗವೈಕಲ್ಯಕ್ಕೆ ₹1 ಲಕ್ಷ ವಿಮಾ ರಕ್ಷಣೆ ಒದಗಿಸುತ್ತದೆ.
'ಪ್ರಧಾನ್ ಮಂತ್ರಿ ಜೀವನ್ ಜ್ಯೋತಿ ಬಿಮಾ ಯೋಜನೆ' (PMJJBY)ಯ ಪ್ರೀಮಿಯಂ ದರದಲ್ಲಿ ಶೇ.32ರಷ್ಟು ಹೆಚ್ಚಳ ಮಾಡಲಾಗಿದೆ. ಜತೆಗೆ 'ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ' (PMSBY)ರ ಪ್ರೀಮಿಯಂ ದರದಲ್ಲಿ ಶೇ.67ರಷ್ಟು ಹೆಚ್ಚಳ ಮಾಡಲಾಗಿದೆ. ಈ ಯೋಜನೆಯಡಿ ಮಾಡಿದ ಕ್ಲೈಮ್‌ಗಳ ಆಧಾರದ ಮೇಲೆ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಕಳೆದ ಹಣಕಾಸು ವರ್ಷದ ಅಂತ್ಯದವರೆಗೆ, ಅಂದರೆ 2022ರ ಮಾರ್ಚ್ 31 ರವರೆಗೆ PMJJBY ಮತ್ತು PMSBY ಯೋಜನೆಗಳಡಿ ಸಕ್ರಿಯ ಚಂದಾದಾರರ ಸಂಖ್ಯೆ ಕ್ರಮವಾಗಿ 6.4 ಕೋಟಿ ಮತ್ತು 22 ಕೋಟಿ ಇದೆ.
ಕಳೆದ ಮಾರ್ಚ್ ವರೆಗೆ ಸಂಗ್ರಹವಾಗಿರುವ ಪ್ರೀಮಿಯಂ ಇಷ್ಟು
PMSBY ಯೋಜನೆ ಪ್ರಾರಂಭವಾದಾಗಿನಿಂದ 2022ರ ಮಾರ್ಚ್ 31 ರವರೆಗೆ 1,134 ಕೋಟಿ ಮೊತ್ತವನ್ನು ಪ್ರೀಮಿಯಂ ಸಂಗ್ರಹಿಸಲಾಗಿದೆ. ಆದರೆ, ಇದೇ ಅವಧಿಯಲ್ಲಿ 2,513 ಕೋಟಿ ರೂ. ಮೊತ್ತದ ಕ್ಲೈಮ್‌ಗಳನ್ನು ಪಾವತಿಸಲಾಗಿದೆ. ಇದಲ್ಲದೆ, PMJJBY ಯೋಜನೆಯಡಿ 9,737 ಕೋಟಿ ರೂಪಾಯಿ ಪ್ರೀಮಿಯಂ ಸಂಗ್ರಹವಾಗಿದ್ದರೆ, 14,144 ಕೋಟಿ ರೂಪಾಯಿ ಕ್ಲೈಮ್‌ಗಳನ್ನು ಪಾವತಿಸಲಾಗಿದೆ.
ಯೋಜನೆಗಳ ವಿಸ್ತರಣೆ ಗುರಿ
ಭಾರತವನ್ನು ಸಂಪೂರ್ಣ ವಿಮಾ ಸಮಾಜವನ್ನಾಗಿ ಮಾಡುವ ಪ್ರಧಾನಿ ನರೇಂದ್ರ ಮೋದಿಯವರ ದೃಷ್ಟಿಗೆ ಅನುಗುಣವಾಗಿ, ಮುಂದಿನ ಐದು ವರ್ಷಗಳಲ್ಲಿ ಪಿಎಂಜೆಜೆಬಿವೈ ಯೋಜನೆಯಡಿ ಚಂದಾದಾರರ ಸಂಖ್ಯೆಯನ್ನು 6.4 ಕೋಟಿಯಿಂದ 15 ಕೋಟಿಗೆ ಹೆಚ್ಚಿಸುವ ಗುರಿ ಹೊಂದಲಾಗಿದೆ. ಪಿಎಂಎಸ್‌ಬಿವೈ ಯೋಜನೆಯಡಿ ಚಂದಾದಾರರನ್ನು 22 ಕೋಟಿಯಿಂದ 37 ಕೋಟಿಗೆ ಹೆಚ್ಚಿಸುವ ನಿರೀಕ್ಷೆಯಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ಈ ಯೋಜನೆಗಳ ಪ್ರಯೋಜನಗಳೇನು
PMJJBY ಯೋಜನೆಯಡಿ ಬ್ಯಾಂಕ್ ಅಥವಾ ಪೋಸ್ಟ್ ಆಫೀಸ್ ಖಾತೆ ಹೊಂದಿರುವ 18-50 ವರ್ಷ ವಯಸ್ಸಿನ ಜನರಿಗೆ ₹2 ಲಕ್ಷ ಜೀವ ವಿಮಾ ರಕ್ಷಣೆ ಒದಗಿಸುತ್ತದೆ. ವ್ಯಕ್ತಿಗೆ ಯಾವುದೇ ಕಾರಣದಿಂದ ಮರಣ ಸಂಭವಿಸಿದರೆ, ಅವರ ಕುಟುಂಬಕ್ಕೆ ವಿಮೆ ಹಣ ಸಿಗುತ್ತದೆ. PMSBY ಯೋಜನೆಯಡಿ 18-70 ವರ್ಷ ವಯಸ್ಸಿನ ಜನರಿಗೆ ಅಪಘಾತ, ಮರಣ ಅಥವಾ ಶಾಶ್ವತ ಅಂಗವೈಕಲ್ಯ ಸಂಭವಿಸಿದರೆ , ₹2 ಲಕ್ಷ ವಿಮೆ ಮತ್ತು ಭಾಗಶಃ ಶಾಶ್ವತ ಅಂಗವೈಕಲ್ಯಕ್ಕೆ ₹1 ಲಕ್ಷ ವಿಮಾ ರಕ್ಷಣೆ ಒದಗಿಸುತ್ತದೆ.