ಬ್ಯಾಂಕ್‌ ಆಫ್‌ ಬರೋಡದಲ್ಲಿ ಉದ್ಯೋಗಾವಕಾಶ

ಒಟ್ಟು ಹುದ್ದೆಗಳು ಸಂಖ್ಯೆ: 100
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಮಾರ್ಚ್‌ 29, 2019

ರಾಷ್ಟ್ರೀಕೃತ ಬ್ಯಾಂಕುಗಳಲ್ಲಿ ಒಂದಾದ 'ಬ್ಯಾಂಕ್‌ ಆಫ್‌ ಬರೋಡಾ' (ಬಿಒಬಿ) ವೆಲ್ತ್‌ ಮ್ಯಾನೇಜ್‌ಮೆಂಟ್‌ ವಿಭಾಗದಲ್ಲಿ ಖಾಲಿ ಇರುವ ಸೀನಿಯರ್‌ ರಿಲೇಷನ್‌ ಶಿಪ್‌ ಮ್ಯಾನೇಜರ್‌ ಮತ್ತು ಟೆರಿಟರಿ ಹೆಡ್‌ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳುತ್ತಿದೆ. ಆಸಕ್ತರು ಆನ್‌ಲೈನ್‌ ಮೂಲಕ ಮಾರ್ಚ್‌ 29ರೊಳಗೆ ಅರ್ಜಿ ಕಳುಹಿಸಬಹುದು.

ಅರ್ಹತೆಗಳೇನು?
ಸೀನಿಯರ್‌ ರಿಲೇಷನ್‌ ಶಿಪ್‌ ಮ್ಯಾನೇಜರ್‌ 96 ಹುದ್ದೆಗಳಿಗೆ ಹಾಗೂ ಟೆರಿಟರಿ ಹೆಡ್‌ 04 ಹುದ್ದೆಗಳಿಗೆ ನೇಮಕ ನಡೆಯಲಿದೆ. ಈ ಎರಡು ಹುದ್ದೆಗಳಿಗೂ ಪದವಿ ವಿದ್ಯಾರ್ಹತೆ ನಿಗದಿಪಡಿಸಲಾಗಿದೆ. ಎಂಬಿಎ ಅಥವಾ ತತ್ಸಮಾನ ವಿದ್ಯಾರ್ಹತೆ ಇರುವವರು ಅರ್ಜಿ ಸಲ್ಲಿಸಲು ಅರ್ಹರಾಗಿರುತ್ತಾರೆ.

ಅನುಭವ ಕಡ್ಡಾಯ: ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಸಾರ್ವಜನಿಕ/ಖಾಸಗಿ/ವಿದೇಶಿ ಬ್ಯಾಂಕ್‌/ಅಸೆಟ್‌ ಮ್ಯಾನೇಜ್‌ಮೆಂಟ್‌ ಕಂಪನಿಗಳಲ್ಲಿ ವೆಲ್ತ್‌ ಮ್ಯಾನೇಜ್‌ಮೆಂಟ್‌ ವಿಭಾಗದಲ್ಲಿ ಕಾರ್ಯನಿರ್ವಹಿಸಿದ ಅನುಭವ ಹೊಂದಿರಬೇಕು. ಅಂದರೆ, ಸೀನಿಯರ್‌ ರಿಲೇಷನ್‌ಶಿಪ್‌ ಮ್ಯಾನೇಜರ್‌ ಅಭ್ಯರ್ಥಿಗಳು ಮೂರು ವರ್ಷ ಹುದ್ದೆಗೆ ಸಂಬಂಧಪಟ್ಟಂತೆ ಸೇವಾನುಭವ ಹೊಂದಿರಬೇಕು. ಟೆರಿಟರಿ ಹೆಡ್‌ ಹುದ್ದೆಯ ಅಭ್ಯರ್ಥಿಗಳು 8 ವರ್ಷಗಳ ಕಾರ್ಯನಿರ್ವಹಣಾನುಭವ (2 ವರ್ಷ ಟೀಮ್‌ ಲೀಡ್‌) ಹೊಂದಿರಬೇಕು.

ವಯೋಮಿತಿ: ಸೀನಿಯರ್‌ ರಿಲೇಷನ್‌ಶಿಪ್‌ ಮ್ಯಾನೇಜರ್‌ ಹುದ್ದೆಗೆ 25ರಿಂದ 45 ವರ್ಷದವರು ಮತ್ತು ಟೆರಿಟರಿ ಹೆಡ್‌ ಹುದ್ದೆಗೆ 35ರಿಂದ 45 ವರ್ಷದೊಳಗಿನವರು ಅರ್ಜಿ ಸಲ್ಲಿಸಬಹುದು. ಮೀಸಲಾತಿ ವ್ಯಾಪ್ತಿಯಲ್ಲಿ ಬರುವ ಅಭ್ಯರ್ಥಿಗಳಿಗೆ ನಿಯಮಾನುಸಾರ ವಯೋಮಿತಿ ಸಡಿಲಿಕೆ ನೀಡಲಾಗುತ್ತದೆ.

ಅರ್ಜಿ ಶುಲ್ಕ: ಎಸ್‌ಸಿ/ಎಸ್‌ಟಿ ಮತ್ತು ವಿಕಲಚೇತನ ಅಭ್ಯರ್ಥಿಗಳು ಬರೀ ಇಂಟಿಮೇಷನ್‌ ಫೀ 100 ರೂ. ಮಾತ್ರ ಪಾವತಿಸಬೇಕು. ಉಳಿದ ವರ್ಗದ ಅಭ್ಯರ್ಥಿಗಳು ಇಂಟಿಮೇಷನ್‌ ಫೀ ಸೇರಿ ಒಟ್ಟು 600 ರೂ. ಆನ್‌ಲೈನ್‌ ಮೂಲಕ ಪಾವತಿಸಬೇಕಿರುತ್ತದೆ.

ಲಿಖಿತ ಪರೀಕ್ಷೆ, ಸಂದರ್ಶನ/ ಗ್ರೂಪ್‌ ಡಿಸ್ಕಷನ್‌ ಮೂಲಕ ನೇಮಕ ನಡೆಯಲಿದ್ದು, ಓರ್ವ ಅಭ್ಯರ್ಥಿ ಒಂದು ಹುದ್ದೆಗೆ ಮಾತ್ರ ಅರ್ಜಿ ಸಲ್ಲಿಸಲು ಅವಕಾಶ ನೀಡಲಾಗಿದೆ. ನೇಮಕ ಪ್ರಕ್ರಿಯೆ ಕುರಿತ ಮಾಹಿತಿಯನ್ನು ಇಮೇಲ್‌/ಎಸ್‌ಎಂಎಸ್‌ ಮೂಲಕ ಅಭ್ಯರ್ಥಿಗಳಿಗೆ ಕಳುಹಿಸಲಾಗುತ್ತದೆ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.
ಹೆಚ್ಚಿನ ವಿವರಗಳಿಗೆ: https://www.bankofbaroda.com/