ಕೆನ್‌ಫಿನ್‌ನಲ್ಲಿ ಮ್ಯಾನೇಜರ್, ಆಫೀಸರ್ಸ್‌ ಹುದ್ದೆಗಳಿಗೆ ನೇಮಕ, ಇಲ್ಲಿದೆ ಸಂಪೂರ್ಣ ವಿವರ

ಒಟ್ಟು ಹುದ್ದೆಗಳ ಸಂಖ್ಯೆ : 140
ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಮೇ 18, 2019

ಕೆನರಾ ಬ್ಯಾಂಕ್‌ ಪ್ರಾಯೋಜಿತ ಗೃಹ ಸಾಲ ನೀಡುವ ಪ್ರಸ್ತಿದ್ಧ ಹಣಕಾಸು ಸಂಸ್ಥೆ 'ಕೆನ್‌ ಫಿನ್‌ ಹೋಮ್ಸ್‌ ಲಿಮಿಟೆಡ್‌' ಜೂನಿಯರ್‌ ಎಂಜಿನಿಯರ್‌ ಮತ್ತು ಮ್ಯಾನೇಜರ್‌ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳುತ್ತಿದ್ದು, ಆನ್‌ಲೈನ್‌ನಲ್ಲಿ ಅರ್ಜಿ ಆಹ್ವಾನಿಸಿದೆ.

ಒಟ್ಟು 100 ಜೂನಿಯರ್‌ ಆಫೀಸರ್‌, 10 ಸೀನಿಯರ್‌ ಮ್ಯಾನೇಜರ್‌ ಹಾಗೂ 30 ಮ್ಯಾನೇಜರ್‌ ಹುದ್ದೆಗಳಿದ್ದು, ಜೂನಿಯರ್‌ ಆಫೀಸರ್‌ ಮತ್ತು ಸೀನಿಯರ್‌ ಮ್ಯಾನೇಜರ್‌ ಹುದ್ದೆಗಳಿಗೆ ಗುತ್ತಿಗೆ ಆಧಾರದಲ್ಲಿ ನೇಮಕ ನಡೆಯಲಿದೆ.

ಬೆಂಗಳೂರಿನ ಬಸವನಗುಡಿಯಲ್ಲಿ ಕಾರ್ಪೊರೇಟ್‌ ಕಚೇರಿ ಹೊಂದಿರುವ ಕೆನ್‌ಫಿನ್‌ ಕರ್ನಾಟಕ ಸೇರಿದಂತೆ ದೇಶಾದ್ಯಂತ ಇರುವ ತನ್ನ ಶಾಖೆಗಳಲ್ಲಿನ ಖಾಲಿ ಹುದ್ದೆಗಳನ್ನು ಈ ನೇಮಕದ ಮೂಲಕ ಭರ್ತಿ ಮಾಡುತ್ತಿದೆ. ಜೂನಿಯರ್‌ ಆಫೀಸರ್ಸ್‌ ಹುದ್ದೆಯು ರಾಜ್ಯದ ಬೆಂಗಳೂರು, ಹುಬ್ಬಳ್ಳಿ, ಬೆಳಗಾವಿ, ಬಳ್ಳಾರಿ, ವಿಜಯಪುರ, ಧಾರವಾಡ, ಕಲಬುರಗಿ, ಹಾರೋಹಳ್ಳಿ, ಹಾವೇರಿ, ಹೊಸಕೋಟೆ, ಮಂಡ್ಯ ಮತ್ತು ತುಮಕೂರಿನ ಶಾಖೆಗಳಲ್ಲಿ ಖಾಲಿ ಇದೆ. ಬೆಂಗಳೂರಿನಲ್ಲಿ 2 ಸೀನಿಯರ್‌ ಮ್ಯಾನೇಜರ್‌ ಹುದ್ದೆಗಳಿವೆ. ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಇಂಗ್ಲಿಷ್‌ ಮಾತ್ರವಲ್ಲದೆ ಸ್ಥಳೀಯ ಭಾಷಾಜ್ಞಾನ (ಓದಲು, ಬರೆಯಲು ಮತ್ತು ಮಾತನಾಡಲು) ಹೊಂದಿರಬೇಕು. ಮ್ಯಾನೇಜರ್‌ ಹುದ್ದೆಯು ಪರ್ಮನೆಂಟ್‌ ಹುದ್ದೆಯಾಗಿದ್ದು, ಆಯ್ಕೆಯಾಗುವವರು ದೇಶದ ಯಾವುದೇ ಶಾಖೆಗಳಲ್ಲಿ ಕಾರ್ಯನಿರ್ವಹಿಸಬೇಕಾಗುತ್ತದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ವಿದ್ಯಾರ್ಹತೆ: ಜೂನಿಯರ್‌ ಆಫೀಸರ್‌ ಹುದ್ದೆಗೆ ಯಾವದೇ ವಿಷಯದಲ್ಲಿ ಪದವಿ ಪಡೆದವರು ಅರ್ಜಿ ಸಲ್ಲಿಸಬಹುದು. ಡೇಟಾ ಎಂಟ್ರಿ/ಕಂಪ್ಯೂಟರ್‌ ಅಪ್ಲಿಕೇಷನ್‌ ಬಳಕೆಯಲ್ಲಿ ಪರಿಣತಿ ಇರಬೇಕು. ವಯೋಮಿತಿ- 21-30 ವರ್ಷ.

ಸೀನಿಯರ್‌ ಮ್ಯಾನೇಜರ್‌ (ಇನ್‌ಸ್ಪೆಕ್ಷನ್‌ ಮತ್ತು ಅಡಿಟ್‌) ಹುದ್ದೆಗಳಿಗೆ ಬ್ಯಾಂಕ್‌/ಹಣಕಾಸು ಸಂಸ್ಥೆಗಳಲ್ಲಿ ಸ್ಕೇಲ್‌ 3 ರಾರ‍ಯಂಕ್‌ಗಿಂತ ಕಡಿಮೆ ಇಲ್ಲದಂತೆ ಕಾರ್ಯನಿರ್ವಹಿಸಿ ನಿವೃತ್ತಿಯಾದವರು ಅರ್ಜಿ ಸಲ್ಲಿಸಬಹುದು. ನಿವೃತ್ತಿಯಾಗಿ 2 ವರ್ಷ ಕಳೆದಿರಬಾರದು. ವಯೋಮಿತಿ- 62 ವರ್ಷ.

ಮ್ಯಾನೇಜರ್‌ ಹುದ್ದೆಗೆ ಯಾವುದೇ ವಿಷಯದಲ್ಲಿ ಪದವಿ ಜೊತೆಗೆ ಎಚ್‌ಎಫ್‌ಸಿ/ಎನ್‌ಬಿಎಫ್‌ಸಿ/ಬ್ಯಾಂಕ್‌ಗಳಲ್ಲಿ ಮಾರಾಟ/ಮಾರುಕಟ್ಟೆ ವಿಭಾಗದಲ್ಲಿ ಕನಿಷ್ಠ 3 ವರ್ಷ ಅನುಭವ ಹೊಂದಿರುವವರು ಅರ್ಜಿ ಸಲ್ಲಿಸಬಹುದು. ವಯೋಮಿತಿ: 25ರಿಂದ 35 ವರ್ಷ.

ವೇತನ ಎಷ್ಟು?: ಜೂ. ಆಫೀಸರ್ಸ್‌ಗೆ ಮೊದಲ 12 ತಿಂಗಳು 16 ಸಾವಿರ ರೂ., 2ನೇ ವರ್ಷ 18 ಸಾವಿರ ರೂ. ಮತ್ತು 3ನೇ ವರ್ಷ 21 ಸಾವಿರ ರೂ. ಇರುತ್ತದೆ. ಸೀನಿಯರ್‌ ಮ್ಯಾನೇಜರ್‌ ಹುದ್ದೆಗೆ ಮಾಸಿಕ ಸಂಭಾವನೆ 35 ಸಾವಿರ ರೂ. ಮತ್ತು ಟಿಎ/ಎಚ್‌ಎ ಇತ್ಯಾದಿಗಳು ಇರುತ್ತವೆ. ಮ್ಯಾನೇಜರ್‌ ಹುದ್ದೆಗೆ ಒಟ್ಟಾರೆ ನಿವ್ವಳ ವೇತನ 53,561 ರೂ. ಇರುತ್ತದೆ.

ಅರ್ಜಿ ಶುಲ್ಕ: 100 ರೂಪಾಯಿ ಅರ್ಜಿ ಶುಲ್ಕ ನಿಗದಿಪಡಿಸಲಾಗಿದ್ದು, ಆನ್‌ಲೈನ್‌ನಲ್ಲಿಯೇ ಶುಲ್ಕ ಪಾವತಿಸಲು ಅವಕಾಶ ನೀಡಲಾಗಿದೆ.