ಐಬಿಪಿಎಸ್‌'ನಿಂದ ವಿವಿಧ ಹುದ್ದೆಗಳ ಆನ್‌ಲೈನ್‌ ಪರೀಕ್ಷೆ ಮುಂದೂಡಿಕೆ

ಬ್ಯಾಂಕಿಂಗ್ ಸಿಬ್ಬಂದಿ ನೇಮಕಾತಿ ಸಂಸ್ಥೆಯು ಆಗಸ್ಟ್‌ 09 ರಂದು ನಿಗದಿಪಡಿಸಿದ್ದ ವಿವಿಧ ಹುದ್ದೆಗಳ ಪರೀಕ್ಷೆಯನ್ನು ಮುಂದೂಡಿದೆ. ಹಾಗೂ ಹೊಸ ದಿನಾಂಕವನ್ನು ಪರೀಕ್ಷೆಗೆ ನಿಗದಿಗೊಳಿಸಿದೆ.

ಫ್ಯಾಕಲ್ಟಿ ರಿಸರ್ಚ್ ಅಸೋಸಿಯೇಟ್, ರಿಸರ್ಚ್‌ ಅಸೋಸಿಯೇಟ್‌-ಟೆಕ್ನಿಕಲ್, ಹಿಂದಿ ಆಫೀಸರ್, ಅನಾಲಿಸ್ಟ್‌ ಪ್ರೋಗ್ರಾಮರ್-ವಿಂಡೋಸ್, ಅನಾಲಿಸ್ಟ್‌ ಪ್ರೋಗ್ರಾಮರ್-ಲಿನಕ್ಸ್‌, ಐಟಿ ಅಡ್ಮಿನಿಸ್ಟ್ರೇಟರ್, ಪ್ರೋಗ್ರಾಮಿಂಗ್ ಅಸಿಸ್ಟಂಟ್‌ ಪೋಸ್ಟ್‌ಗಳಿಗೆ ನೇಮಕಾತಿ ಸ್ಪರ್ಧಾತ್ಮಕ ಪರೀಕ್ಷೆಯನ್ನು ಆಗಸ್ಟ್‌ 09, 2020 ರಂದು ನಡೆಸಲು ನಿರ್ಧರಿಸಿತ್ತು.

ಹೊಸ ವೇಳಾಪಟ್ಟಿ ಪ್ರಕಾರ ಮೇಲೆ ತಿಳಿಸಿದ ಹುದ್ದೆಗಳಿಗೆ ಆಗಸ್ಟ್‌ 12, 2020 ರಂದು ಪರೀಕ್ಷೆ ನಡೆಸುವ ಕುರಿತು ಬ್ಯಾಂಕಿಂಗ್ ಸಿಬ್ಬಂದಿ ನೇಮಕಾತಿ ಸಂಸ್ಥೆಯು ತನ್ನ ಅಧಿಕೃತ ಸುತ್ತೋಲೆಯಲ್ಲಿ ತಿಳಿಸಿದೆ. ವೆಬ್‌ಸೈಟ್‌ನಲ್ಲಿ ಹೊರಡಿಸಿರುವ ಸುತ್ತೋಲೆಯಲ್ಲಿ, " ಆಗಸ್ಟ್‌ 09 ಕ್ಕೆ ನಿಗದಿಪಡಿಸಿದ್ದ ವಿವಿಧ ಹುದ್ದೆಗಳ ಆನ್‌ಲೈನ್‌ ಪರೀಕ್ಷೆಯನ್ನು ಮುಂದೂಡಲಾಗಿದ್ದು, ಇದೇ ಪರೀಕ್ಷೆಯನ್ನು ಆಗಸ್ಟ್‌ 12 ರಂದು ನಡೆಸಲಾಗುತ್ತದೆ," ಎಂದು ತಿಳಿಸಲಾಗಿದೆ.

ಎಷ್ಟೇ ಪ್ರಯತ್ನಿಸಿದರೂ ನಿಮಗೆ ಉದ್ಯೋಗ ಸಿಗುತ್ತಿಲ್ಲವೆಂದರೆ ಅದಕ್ಕೆ ಈ 10 ಕಾರಣಗಳಿರುತ್ತವೆ..

ಮೇಲೆ ತಿಳಿಸಿದ ಪೋಸ್ಟ್‌ಗಳಿಗೆ ಅರ್ಜಿ ಸಲ್ಲಿಸಿರುವ ಅಭ್ಯರ್ಥಿಗಳು ಈ ಕೆಳಗೆ ನೀಡಲಾದ ಐಬಿಪಿಎಸ್‌ ಅಧಿಕೃತ ನೋಟಿಫಿಕೇಶನ್‌ ಅನ್ನು ಓದಬಹುದು.

ನೋಟಿಫಿಕೇಶನ್‌

ಅಭ್ಯರ್ಥಿಗಳು ಆಗಾಗ ಬ್ಯಾಂಕಿಂಗ್ ಸಿಬ್ಬಂದಿ ನೇಮಕಾತಿ ಸಂಸ್ಥೆಯ ಅಧಿಕೃತ ವೆಬ್‌ಸೈಟ್‌ ibps.in ಗೆ ಭೇಟಿ ನೀಡುತ್ತಿರಿ.