ಓದುವಿಕೆಯಲ್ಲಿ ಕ್ವಾಂಟಿಟಿ ಮ್ಯಾಟರ್ ಆಗುವುದಿಲ್ಲ. ಕ್ವಾಲಿಟಿ ಮಾತ್ರ ಮ್ಯಾಟರ್ ಆಗುತ್ತೆ. ಯಾರೇ ಆದರೂ ತಮ್ಮ ಅಧ್ಯಯನವನ್ನು ಗಂಟೆಗಳಲ್ಲಿ ಅಳೆಯಬಾರದು. ಎಷ್ಟು ಪರಿಣಾಮಕಾರಿಯಾಗಿ ಓದಿದ್ದೀರಿ ಎಂಬುದು ಮಾತ್ರ ಗಣನೆಗೆ ಬರುತ್ತೆ. ಅದೇ ನಿಮಗೆ ಯಶಸ್ಸು ನೀಡುವುದು.

ಯಾವುದೇ ಪರೀಕ್ಷೆಗೆ ದೀರ್ಘಕಾಲ ಓದಬೇಕು ಎಂಬ ನಿಯಮವೇನು ಇಲ್ಲ. ಬದಲಿಗೆ ಹೆಚ್ಚು ಕಾಲ ನೆನಪಿನಲ್ಲಿ ಉಳಿಯುವಂತೆ, ಹೆಚ್ಚು ಅಂಕಗಳನ್ನು ಪಡೆಯಲು ಉತ್ತರಿಸಬೇಕಾದ ಉತ್ತಮ ಮಾರ್ಗಗಳನ್ನು ತಿಳಿಯುವ ಹಾಗೆ ಸಿದ್ಧತೆ ನಡೆಸುವುದೇ ಒಂದು ಕಲೆ. ಆದ್ದರಿಂದ ಅಭ್ಯರ್ಥಿಗಳು ಯಾವ ಪರೀಕ್ಷೆಗಳಿಗೆ ಸಿದ್ಧತೆ ನಡೆಸಬೇಕು ಎಂದುಕೊಂಡಿದ್ದೀರೋ ಅದರಲ್ಲಿ ಪೂರ್ಣವಾಗಿ ಎಂಗೇಜ್‌ ಆಗಬೇಕು.

ಎಸ್‌ಬಿಐ ಮತ್ತು ಐಬಿಪಿಎಸ್‌ ಕ್ಲರ್ಕ್‌ ಪರೀಕ್ಷೆಗಳಿಗೆ ಈ ಕೆಳಗಿನ ಸಲಹೆಗಳು ಅನುಕೂಲವಾಗಿವೆ.

- ಮೊದಲಿಗೆ ಪಠ್ಯಕ್ರಮವನ್ನು ಸಂಪೂರ್ಣವಾಗಿ ಓದಿಕೊಳ್ಳಿ. ಇದು ಮುಖ್ಯ ಸಹ. ಕಾರಣ ಸಿಲ್ಲಾಬಸ್ ನೋಡುವುದರಿಂದ ಯಾವ ಟಾಪಿಕ್‌ಗಳನ್ನು ಹೆಚ್ಚು ಫೋಕಸ್ ಮಾಡಬೇಕು ಎಂದು ತಿಳಿಯುತ್ತದೆ.

- ಬೇಸಿಕ್‌ ಅರ್ಥ ಮಾಡಿಕೊಂಡ ನಂತರ, ಮೊದಲಿಗೆ ಸುಲಭ ಪ್ರಶ್ನೆಗಳನ್ನು ಪ್ರ್ಯಾಕ್ಟೀಸ್ ಮಾಡಿ. ನಿಧಾನವಾಗಿ ಹೈಯರ್ ಲೆವೆಲ್ ಪ್ರಶ್ನೆಗಳಿಗೆ ಉತ್ತರಿಸುತ್ತಾ ಅಭ್ಯಾಸ ಮಾಡಿ. ಪ್ರಶ್ನೆಗಳನ್ನು ಖಾಲಿ ಹುದ್ದೆಗಳ ನೇಮಕಾತಿಗೆ ಅನುಗುಣವಾಗಿ ಕಠಿಣವಾಗಿ ಪ್ರಿಪೇರ್ ಮಾಡಲಾಗುತ್ತದೆ.

- ಗಣಿತಕ್ಕೆ ಸಂಬಂಧಿಸಿದ ಪ್ರಶ್ನೆಗಳಿಗೆ ಹೆಚ್ಚು ಪ್ರ್ಯಾಕ್ಟೀಸ್ ಮಾಡಿ. ಆಗಾಗ ನಿಮ್ಮ ಹವ್ಯಾಸಗಳಲ್ಲಿ ತೊಡಗಿಕೊಂಡು ಮಾನಸಿಕ ಒತ್ತಡ, ಪರೀಕ್ಷೆಯ ಭಯ ದೂರವಿರಿಸಿ.

- ಮಾಕ್‌ ಟೆಸ್ಟ್‌ ತೆಗೆದುಕೊಳ್ಳಿ. ಪ್ರಶ್ನೆ ಪತ್ರಿಕೆಗಳನ್ನು ಅನಾಲೈಸ್‌ ಮಾಡಿರಿ. ಬ್ಯಾಂಕ್‌ ಹುದ್ದೆಗಳಿಗೆ ಸಾಮಾನ್ಯವಾಗಿ bankersadda, ixamBee, oliveboard ವೆಬ್‌ಸೈಟ್‌ಗಳಿಗೆ ಭೇಟಿ ನೀಡಿ ಅಣಕು ಪರೀಕ್ಷೆ ತೆಗೆದುಕೊಳ್ಳಿ.

- ನೀವು ಅಂದುಕೊಂಡ ಫಲಿತಾಂಶ ಮೊದಲನೇ ಪ್ರಯತ್ನದಲ್ಲಿ ಬರಲಿಲ್ಲ ಎಂದಲ್ಲಿ ಬೇಸರಗೊಳ್ಳದಿರಿ. ಕೆಲವು ಒಳ್ಳೆಯ ಫಲಿತಾಂಶಗಳು ಕೆಲವೊಮ್ಮೆ ಲೇಟಾಗಿ ಸಿಗುವುದು ಖಚಿತ. ತಾಳ್ಮೆಯಿಂದ ಓದು ಮುಂದುವರೆಸಿ.

- ಮತ್ತೊಬ್ಬರೊಂದಿಗೆ ನಿಮ್ಮನ್ನು ನೀವು ಹೋಲಿಸಿಕೊಳ್ಳದಿರಿ. ಅವರೊಂದಿಗೆ ಅವರ ಯಶಸ್ಸಿನೊಂದಿಗೆ ನಿಮ್ಮನ್ನು ಜಡ್ಜ್‌ ಮಾಡದಿರಿ. ಕಾರಣ ಪ್ರತಿಯೊಬ್ಬರು ಸಹ ಅವರದ್ದೇ ಆದ ಸ್ವಂತ ಕಷ್ಟ, ನಷ್ಟಗಳನ್ನು ಅನುಭವಿಸಿರುತ್ತಾರೆ.

- ನಿಮ್ಮ ಪ್ರವೃತ್ತಿ ಮತ್ತು ಸಾಮರ್ಥ್ಯಗಳ ಮೇಲೆ ನಂಬಿಕೆ ಇಡಿ. ನಿಮ್ಮ ಸಾಧನೆಯ, ಯಶಸ್ಸಿನ ಹಾದಿ ಧೀರ್ಘವಾಗಿರಬಹುದು ಅಷ್ಟೆ ಎಂದೇ ಭಾವಿಸಿ.

ಉದ್ಯೋಗ ಸ್ಥಳದಲ್ಲಿ ಸದಾ ಸಂತೋಷ ಕಾಪಾಡಿಕೊಳ್ಳಲು ಇಲ್ಲಿವೆ ಬೆಸ್ಟ್‌ ಸಲಹೆಗಳು