ಸಿಐಎಸ್‌ಎಫ್‌ ಹೆಡ್‌ ಕಾನ್ಸ್‌ಟೇಬಲ್ ಪ್ರವೇಶ ಪತ್ರ ನಾಳೆ ಬಿಡುಗಡೆ: ವಿವರಗಳಿಗೆ ಇಲ್ಲಿ ನೋಡಿ

ಹೊಸದಿಲ್ಲಿ: ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ ನಾಳೆ (ಜೂನ್ 1, 2019ರಂದು) ಹೆಡ್‌ ಕಾನ್ಸ್‌ಟೇಬಲ್‌ ಹುದ್ದೆಗಳಿಗೆ ಸಿಐಎಸ್‌ಎಫ್‌ ಪ್ರವೇಶ ಪತ್ರ 2019ವನ್ನು ಬಿಡುಗಡೆ ಮಾಡಲಿದೆ. ಸಿಐಎಸ್‌ಎಫ್‌ ಅಧಿಕೃತ ವೆಬ್‌ಸೈಟ್ cisfrectt.inನಲ್ಲಿ ಪರೀಕ್ಷೆಗೆ ಹಾಜರಾಗುತ್ತಿರುವ ಅಭ್ಯರ್ಥಿಗಳು ತಮ್ಮ ಪ್ರವೇಶ ಪತ್ರವನ್ನು ಡೌನ್ಲೋಡ್‌ ಮಾಡಿಕೊಳ್ಳಬಹುದು.

ಲಿಖಿತ ಪರೀಕ್ಷೆಯ ದಿನಾಂಕವನ್ನು ಭದ್ರತಾ ಪಡೆ ಇನ್ನೂ ಬಿಡುಗಡೆ ಮಾಡಿಲ್ಲ. ಆದರೆ, ಪರೀಕ್ಷೆಗೆ ಹಾಜರಾಗಲಿರುವ ಅಭ್ಯರ್ಥಿಗಳು ಜೂನ್ 1, 2019ರಿಂದ ಪ್ರವೇಶ ಪತ್ರವನ್ನು ಡೌನ್‌ಲೋಡ್‌ ಮಾಡಬಹುದು.

ಲಿಖಿತ ಪರೀಕ್ಷೆ ಕಂಪ್ಯೂಟರ್ ಆಧಾರಿತ ಪರೀಕ್ಷೆ ಮಾದರಿಯಲ್ಲಿರಲಿದೆ. ವಸ್ತುನಿಷ್ಠ ಮಾದರಿಗೆ 100 ಅಂಕಗಳಿರಲಿದ್ದು, ಪರೀಕ್ಷೆಗೆ 2 ಗಂಟೆ ಸಮಯಾವಕಾಶವಿದೆ. 100 ಪ್ರಶ್ನೆಗಳನ್ನು ಒಳಗೊಂಡಿರಲಿದ್ದು ಸಾಮಾನ್ಯ ಜ್ಞಾನ, ಅರಿಥ್‌ಮೆಟಿಕ್ ಮತ್ತು ಸಾಮಾನ್ಯ ಇಂಗ್ಲಿಷ್ ಅಥವಾ ಹಿಂದಿ ಪ್ರಶ್ನೆಗಳನ್ನು ಹೊಂದಿರಲಿದೆ. ಸಾಮಾನ್ಯ ವರ್ಗದವರಿಗೆ ಅಥವಾ ಮಾಜಿ ಸೈನಿಕರಿಗೆ ಪರೀಕ್ಷೆಯಲ್ಲಿ ಪಾಸಾಗಲು ಶೇ. 35ರಷ್ಟು ಅಂಕಗಳು ಬೇಕಿದ್ದು, ಎಸ್‌ಸಿ, ಎಸ್‌ಟಿ ಅಥವಾ ಒಬಿಸಿ ವರ್ಗದವರು ಶೇ. 33 ಅಂಕಗಳಿಸಬೇಕಿದೆ.

ಸಿಐಎಸ್‌ಎಫ್‌ ಪ್ರವೇಶ ಪತ್ರ 2019: ಡೌನ್ಲೋಡ್‌ ಮಾಡುವ ಹಂತಗಳು
1. ಸಿಐಎಸ್‌ಎಫ್‌ ಅಧಿಕೃತ ವೆಬ್‌ಸೈಟ್‌ cisfrectt.inಗೆ ಭೇಟಿ ಕೊಡಿ
2. ಅಗತ್ಯವಿರುವ ಮಾಹಿತಿ ನೀಡಿ ಅಕೌಂಟ್‌ಗೆ ಲಾಗಿನ್ ಆಗಿ
3. ನಿಮ್ಮ ಪ್ರವೇಶ ಪತ್ರ ಲಭ್ಯವಾಗಲಿದೆ
4. ಪ್ರವೇಶ ಪತ್ರವನ್ನು ಡೌನ್ಲೋಡ್‌ ಮಾಡಿ ಪ್ರಿಂಟ್‌ ಔಟ್‌ ತೆಗೆದುಕೊಳ್ಳಬಹುದು

ಹೆಚ್ಚುವರಿ ಮಾಹಿತಿಗೆ ಸಿಐಎಸ್‌ಎಫ್‌ ಅಧಿಕೃತ ವೆಬ್‌ಸೈಟ್ ನೋಡಿ