ಭಾರತ್‌ ಪೆಟ್ರೋ ರಿಸೋರ್ಸ್‌ ಲಿಮಿಟೆಡ್‌ನಲ್ಲಿ ಉದ್ಯೋಗ: ಇಂದಿನಿಂದ ಅರ್ಜಿ ಸಲ್ಲಿಕೆಗೆ ಅವಕಾಶ

ಭಾರತ್‌ ಪೆಟ್ರೋರಿಸೋರ್ಸ್‌ ಲಿಮಿಟೆಡ್‌ (ಬಿಪಿಆರ್‌ಎಲ್‌)ನಲ್ಲಿ ವಿವಿಧ ಹುದ್ದೆಗಳಿದ್ದು, ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ. ಇಲ್ಲಿ ಜಿಯೋಲಜಿಸ್ಟ್‌, ಜಿಯೋಫಿಸಿಸ್ಟ್‌, ಪೆಟ್ರೊಫಿಸಿಸ್ಟ್‌, ಡ್ರಿಲ್ಲಿಂಗ್‌ ಎಂಜಿನಿಯರ್‌, ರಿಸರ್ವರ್‌ ಎಂಜಿನಿಯರ್‌, ಪ್ರೊಡಕ್ಷನ್‌ ಎಂಜಿನಿಯರ್‌, ಫೆಸಿಲಿಟೀಸ್‌ ಎಂಜಿನಿಯರ್‌, ಬಿಸ್ನೆಸ್‌ ಡೆವಲಪ್‌ಮೆಂಟ್‌ ಮತ್ತು ಎಂಐಎಸ್‌ ಎಕ್ಸಿಕ್ಯೂಟಿವ್‌, ಫೈನಾನ್ಸ್‌ ಮ್ಯಾನೇಜರ್‌, ಇಂಟರ್ನಲ್‌ ಅಡಿಟ್‌ ಮ್ಯಾನೇಜರ್‌ ಹುದ್ದೆಗಳಿವೆ.

ವಿದ್ಯಾರ್ಹತೆ: ಆಯಾ ಹುದ್ದೆಗಳಿಗೆ ತಕ್ಕಂತೆ ಜಿಯೋಫಿಸಿಕ್ಸ್‌ ಅಥವಾ ಅಪ್ಲೈಡ್‌ ಜಿಯೋಫಿಸಿಕ್ಸ್‌ ಸ್ನಾತಕೋತ್ತರ ಪದವಿ, ಪೆಟ್ರೋಲಿಯಂ ಎಂಜಿನಿಯರಿಂಗ್‌ ಪದವಿ ಅಥವಾ ಜಿಯೊಲಜಿ ಸ್ನಾತಕೋತ್ತರ, ಮೆಕ್ಯಾನಿಕಲ್‌ ಎಂಜಿನಿಯರಿಂಗ್‌ ಪದವಿ, ಪೆಟ್ರೋಲಿಯಂ ಟೆಕ್ನಾಲಜಿ ಪದವಿ, ಎಲೆಕ್ಟ್ರಿಕಲ್‌ ಎಂಜಿನಿಯರಿಂಗ್‌, ಎಂಬಿಎ (ಫೈನಾನ್ಸ್‌/ಇಂಟರ್‌ನ್ಯಾಷನಲ್‌ ಬಿಸ್ನೆಸ್‌), ಸಿಎ ಇತ್ಯಾದಿ ವಿದ್ಯಾರ್ಹತೆ ಬಯಸಲಾಗಿದೆ.

ವಯೋಮಿತಿ: ಜಿಯೊಲಜಿಸ್ಟ್‌, ಜಿಯೋಫಿಸಿಸ್ಟ್‌, ರಿಸರ್ವರ್‌ ಎಂಜಿನಿಯರ್‌, ಪ್ರೊಡಕ್ಷನ್‌ ಎಂಜಿನಿಯರ್‌, ಎಂಐಎಸ್‌ ಎಕ್ಸಿಕ್ಯುಟಿವ್‌ಗೆ ಗರಿಷ್ಠ 30 ವರ್ಷ, ಪೆಟ್ರೊಫಿಸಿಸ್ಟ್‌, ಫೆಸಿಲಿಟೀಸ್‌ ಎಂಜಿನಿಯರ್‌ಗೆ ಗರಿಷ್ಠ 38, ಡ್ರಿಲ್ಲಿಂಗ್‌ ಎಂಜಿನಿಯರ್‌ಗೆ ಗರಿಷ್ಠ 33, ಫೈನಾನ್ಸ್‌ ಮತ್ತು ಇಂಟರ್ನಲ್‌ ಅಡಿಟ್‌ ಹುದ್ದೆಗಳಿಗೆ ಗರಿಷ್ಠ 42 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದೆ.

ವೇತನ: ಆಯ್ಕೆಯಾದ ಅಭ್ಯರ್ಥಿಗಳಿಗೆ ಅವರ ಅರ್ಹತೆಗೆ ತಕ್ಕಂತೆ ಉತ್ತಮ ವೇತನ ನೀಡಲಾಗುತ್ತದೆ. ವಾರ್ಷಿಕ ಕನಿಷ್ಠ ಸಿಟಿಸಿಯು 14ರಿಂದ 25 ಲಕ್ಷ ರೂ. ನಡುವೆ ಇರುತ್ತದೆ.

ಅರ್ಜಿ ಸಲ್ಲಿಕೆ: ಆನ್‌ಲೈನ್‌ ಮೂಲಕ ಮಾತ್ರ ಅರ್ಜಿ ಸಲ್ಲಿಸಲು ಅವಕಾಶವಿದೆ. ಅರ್ಜಿ ಸಲ್ಲಿಸಲು ಮೇ 1ರಿಂದ ಜೂನ್‌ 15ರವರೆಗೆ ಮಾತ್ರ ಅವಕಾಶವಿರುತ್ತದೆ. ಆಸಕ್ತ ಅಭ್ಯರ್ಥಿಗಳು ಮೇ 1ರಿಂದ ಭಾರತ್‌ ಪೆಟ್ರೊರಿಸೋರ್ಸಸ್‌ ವೆಬ್‌ಸೈಟ್‌ಗೆ http://bharatpetroresources.com/Careers/Careers.aspx ಭೇಟಿ ನೀಡಬಹುದು.