ಆ್ಯಪ್ನಗರ

ಸಿಎ, ಎಂಬಿಬಿಎಸ್‌ ಪದವೀಧರರಿಗೆ ಎಚ್‌ಎಎಲ್‌ನಲ್ಲಿದೆ ಜಾಬ್ಸ್‌: ಅರ್ಜಿ ಸಲ್ಲಿಕೆಗೆ ನಾಳೆ ಡೆಡ್‌ಲೈನ್‌

ಬೆಂಗಳೂರು, ಕೋರ್ವ ಮತ್ತು ಕೋರಪತ್‌ ಎಚ್‌ಎಎಲ್‌ ಘಟಕಗಳಲ್ಲಿ ನೇಮಕ ನಡೆಯಲಿದೆ. ಇದು ವಿಶೇಷ ನೇಮಕಾತಿಯಾಗಿದ್ದು, ಆಯಾ ಹುದ್ದೆಗನುಸಾರ ಎಸ್‌ಸಿ/ಎಸ್‌ಟಿ ಮತ್ತು ಒಬಿಸಿ ಅಭ್ಯರ್ಥಿಗಳು ಮಾತ್ರ ಅರ್ಜಿ ಸಲ್ಲಿಸಲು ಅರ್ಹರಾಗಿರುತ್ತಾರೆ.

Vijaya Karnataka Web 1 May 2019, 12:16 pm
ನವರತ್ನ ಕೆಟಗರಿಯಲ್ಲಿ ಬರುವ ದೇಶದ ಪ್ರಮುಖ ಸಾರ್ವಜನಿಕ ಉದ್ಯಮ 'ಹಿಂದೂಸ್ತಾನ್‌ ಏರೋನಾಟಿಕ್ಸ್‌ ಲಿಮಿಟೆಡ್‌' (ಎಚ್‌ಎಎಲ್‌) ಮ್ಯಾನೇಜರ್‌, ಫೈನಾನ್ಸ್‌ ಆಫೀಸರ್‌ ಸೇರಿದಂತೆ ವಿವಿಧ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲಿದೆ. ಆಸಕ್ತರು ಮೇ 2ರೊಳಗೆ ಅರ್ಜಿ ಸಲ್ಲಿಸುವಂತೆ ಸೂಚಿಸಲಾಗಿದೆ.
Vijaya Karnataka Web hal


ಬೆಂಗಳೂರು, ಕೋರ್ವ ಮತ್ತು ಕೋರಪತ್‌ ಎಚ್‌ಎಎಲ್‌ ಘಟಕಗಳಲ್ಲಿ ನೇಮಕ ನಡೆಯಲಿದೆ. ಇದು ವಿಶೇಷ ನೇಮಕಾತಿಯಾಗಿದ್ದು, ಆಯಾ ಹುದ್ದೆಗನುಸಾರ ಎಸ್‌ಸಿ/ಎಸ್‌ಟಿ ಮತ್ತು ಒಬಿಸಿ ಅಭ್ಯರ್ಥಿಗಳು ಮಾತ್ರ ಅರ್ಜಿ ಸಲ್ಲಿಸಲು ಅರ್ಹರಾಗಿರುತ್ತಾರೆ.

ಅರ್ಹತೆಗಳೇನು?
ಮ್ಯಾನ್ಯೂಫ್ಯಾಕ್ಚರಿಂಗ್‌ ಮತ್ತು ಸ್ಟೋರ್ಸ್‌ ವಿಭಾಗದಲ್ಲಿನ ಮ್ಯಾನೇಜರ್‌ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ಎಂಜಿನಿಯರಿಂಗ್‌ /ಟೆಕ್ನಾಲಜಿ ವಿಭಾಗದಲ್ಲಿ ಪೂರ್ಣಾವಧಿ ಪದವಿ ಅಥವಾ ಮೆಕ್ಯಾನಿಕಲ್‌/ಪ್ರೊಡಕ್ಷನ್‌ ಎಂಜಿನಿಯರಿಂಗ್‌ ವಿಷಯದಲ್ಲಿ ಪದವಿ ಮಾಡಿದವರು ಅರ್ಜಿ ಸಲ್ಲಿಸಬಹುದು. ಮ್ಯಾನೇಜರ್‌ ಹುದ್ದೆಗೆ ಮೂರು ವರ್ಷಗಳ ಸೇವಾನುಭವ ಕಡ್ಡಾಯ.

ಫೈನಾನ್ಸ್‌ ಆಫೀಸರ್‌: ಪದವಿ ಜೊತೆಗೆ ಸಿಎ/ಐಸಿಡಬ್ಲ್ಯೂಎ ವ್ಯಾಸಂಗ ಪೂರ್ಣಗೊಳಿಸಿರುವವರು ಅರ್ಜಿ ಸಲ್ಲಿಸಲು ಅರ್ಹರು. ಈ ಹುದ್ದೆಗೆ ಒಂದು ವರ್ಷದ ಸೇವಾನುಭವ ನಿಗದಿಪಡಿಸಲಾಗಿದೆ.

ಸೀನಿಯರ್‌ ಮೆಡಿಕಲ್‌ ಆಫೀಸರ್‌: ಪೂರ್ಣಾವಧಿ ಎಂಬಿಬಿಎಸ್‌ ಜೊತೆಗೆ ಜನರಲ್‌ ಮೆಡಿಸಿನ್‌ನಲ್ಲಿ ಪೋಸ್ಟ್‌ ಗ್ರ್ಯಾಜುಯೇಟ್‌ ಡಿಗ್ರಿ (ಎಂಡಿ/ಡಿಎನ್‌ಬಿ) ಓದಿದವರು ಅರ್ಜಿ ಸಲ್ಲಿಸಬಹುದು. ಜನರಲ್‌ ಡ್ಯೂಟಿ ಮೆಡಿಕಲ್‌ ಆಫೀಸರ್‌ ಹುದ್ದೆಯ ಅಭ್ಯರ್ಥಿಗಳು ಎಂಬಿಬಿಎಸ್‌ ಮತ್ತು ಒಂದು ವರ್ಷದ ಸೇವಾನುಭವ ಹೊಂದಿರಬೇಕು.

ಅರ್ಜಿ ಶುಲ್ಕ: ಎಸ್‌ಸಿ/ಎಸ್‌ಟಿ ಮತ್ತು ವಿಕಲಚೇತನ ಅಭ್ಯರ್ಥಿಗಳಿಗೆ ಶುಲ್ಕ ವಿನಾಯ್ತಿ ನೀಡಲಾಗಿದೆ. ಉಳಿದ ಅಭ್ಯರ್ಥಿಗಳು 550 ರೂ. (50 ರೂ. ಬ್ಯಾಂಕ್‌ ಚಾರ್ಜ್‌ ಸೇರಿ) ಪಾವತಿಸಬೇಕು. ಹೆಚ್ಚಿನ ವಿವರಗಳಿಗೆ ಅಧಿಕೃತ ವೆಬ್‌ಸೈಟ್‌ https://hal-india.co.in/CAREERS/M__206 ಗೆ ಭೇಟಿ ಕೊಡಿ
  • ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಮೇ 2, 2019
  • ಅರ್ಜಿ ಸಲ್ಲಿಸಲು ವಿಳಾಸ ಇಂತಿದೆ: Chief Manager (HR) Recruitment Section, HR Department Hindustan Aeronautics Limited Corporate Office, 15/1 Cubbon Road Bangalore – 560 001

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ