ಕೇಂದ್ರ ಸರ್ಕಾರಿ ನೌಕರರಿಗೆ ಬಂಪರ್ ಗಿಫ್ಟ್‌

ಕೊರೊನಾ ಬಿಕ್ಕಟ್ಟಿನ ಸಂದರ್ಭದಲ್ಲೂ ಕೇಂದ್ರ ಸರ್ಕಾರ, ಕೇಂದ್ರ ಸರ್ಕಾರಿ ವಲಯದ ನೌಕರರಿಗೆ ಶುಭ ಸುದ್ದಿಯೊಂದನ್ನು ನೀಡಿದೆ. ದಸರಾ ದೀಪಾವಳಿ ಹಬ್ಬದ ಬೋನಸ್ ವಿತರಣೆಗೆ ಸಚಿವ ಸಂಪುಟ ಬುಧವಾರ ಒಪ್ಪಿಗೆ ನೀಡಿದೆ.

ಸುಮಾರು 30.67 ಲಕ್ಷ ಪತ್ರಾಂಕಿತ ಅಧಿಕಾರಿಗಳು ಮತ್ತು ನೌಕರರ ಖಾತೆಗೆ ವಿಜಯದಶಮಿಗೆ (ಅಕ್ಟೋಬರ್.26) ಮುನ್ನ ಬೋನಸ್ ಜಮಾ ಮಾಡಲಾಗುತ್ತದೆ. ಇದರಿಂದ ಕೇಂದ್ರ ಸರ್ಕಾರಕ್ಕೆ ರೂ.3.737 ಕೋಟಿ ವೆಚ್ಚವಾಗಲಿದೆ ಎಂದು ಸಚಿವ ಪ್ರಕಾಶ್ ಜಾವಡೇಕರ್ ತಿಳಿಸಿದ್ದಾರೆ.

ಉತ್ಪಾದಕತೆ ಆಧಾರಿತ ಬೋನಸ್‌ಗೆ (ಪಿಎಲ್‌ಬಿ) ಅರ್ಹರಾಗಿರುವ ರೈಲ್ವೆ ಇಲಾಖೆ, ಅಂಚೆ ಇಲಾಖೆ, ಇಪಿಎಫ್‌ಒ, ಇಸಿಐಸಿಎಂ ವಾಣಿಜ್ಯ ಇಲಾಖೆಗಳಲ್ಲಿನ 16.97 ಲಕ್ಷ ನೌಕರರಿಗೆ ರೂ.2.791 ಕೋಟಿ ಹಾಗೂ ಪಿಎಲ್‌ಬಿಯೇತರ ವ್ಯಾಪ್ತಿಯಲ್ಲಿನ 13.70 ಲಕ್ಷ ನೌಕರರಿಗೆ ರೂ.946 ಕೋಟಿ ಬೋನಸ್ ದೊರೆಯಲಿದೆ.

ಕೆಪಿಎಸ್‌ಸಿ ಪರೀಕ್ಷಾ ಅಕ್ರಮ ಹಿನ್ನೆಲೆ ಎಸ್‌ಡಿಎ, ಎಫ್‌ಡಿಎ ಅಭ್ಯರ್ಥಿ ಆಯ್ಕೆ ರದ್ದು

ಇದೇ ವೇಳೆ ಕೇಂದ್ರ ಸರ್ಕಾರವು 1989ರ ಪಂಚಾಯತ್ ರಾಜ್ ಕಾಯ್ದೆಯನ್ನು ಜಮ್ಮು-ಕಾಶ್ಮೀರದಲ್ಲಿ ಜಾರಿಗೊಳಿಸುವುದಕ್ಕೆ ಒಪ್ಪಿಗೆ ನೀಡುವ ಕುರಿತು, ಜಮ್ಮು-ಕಾಶ್ಮೀರದಲ್ಲಿ ಬೆಳೆದ 12 ಲಕ್ಷ ಟನ್ ಸೇಬನ್ನು ನಾಫೆಡ್ ಮೂಲಕ 2020-21 ರಲ್ಲೂ ಖರೀದಿಸಲು ನಿರ್ಧಾರ ತೆಗೆದುಕೊಳ್ಳಲಾಗಿದೆ.