ಶಿಕ್ಷಕರ ಪರೀಕ್ಷೆ: ಸಿಟಿಇಟಿ ಪ್ರವೇಶ ಪತ್ರ ಬಿಡುಗಡೆ, ಜುಲೈ 7ಕ್ಕೆ ಪರೀಕ್ಷೆ

ಹೊಸದಿಲ್ಲಿ: ಕೇಂದ್ರೀಯ ಪ್ರೌಢ ಶಿಕ್ಷಣ ಮಂಡಳಿ (ಸಿಬಿಎಸ್‌ಇ) ಶಿಕ್ಷಕರ ಪರೀಕ್ಷೆ ಸಿಟಿಇಟಿ 2019ರ ಪ್ರವೇಶ ಪತ್ರವನ್ನು ಬಿಡುಗಡೆ ಮಾಡಿದೆ. ಸಿಬಿಎಸ್‌ಇ ಸಿಟಿಇಟಿ 2019ರ ಪರೀಕ್ಷೆಯು ಜುಲೈ 7, 2019ರಂದು ಎರಡು ಪಾಳಿಯಲ್ಲಿ ನಡೆಯಲಿದೆ.

ಸಿಬಿಎಸ್‌ಇ ಅಧಿಕೃತ ವೆಬ್‌ಸೈಟ್‌ನಲ್ಲಿ ಸಿಟಿಇಟಿ 2019 ಪ್ರವೇಶ ಪತ್ರ ಬಿಡುಗಡೆಯಾಗಿದ್ದು, ಅಭ್ಯರ್ಥಿಗಳು ಡೌನ್‌ಲೋಡ್‌ ಮತ್ತು ಪ್ರಿಂಟ್‌ ತೆಗೆದುಕೊಳ್ಳಬಹುದಾಗಿದೆ. ಅಭ್ಯರ್ಥಿಗಳು ಸಿಟಿಇಟಿ ಅಡ್ಮಿಟ್‌ ಕಾರ್ಡ್‌ ಡೌನ್‌ಮಾಡಲು ಅಧಿಕೃತ ವೆಬ್‌ಸೈಟ್ ‌http://ctet.nic.in/ಗೆ ಭೇಟಿ ನೀಡಬಹುದು ಅಥವಾ ಕೆಳಗೆ ನೀಡಲಾಗಿರುವ ಲಿಂಕ್‌ ಮೂಲಕ ನೇರವಾಗಿ ಅಡ್ಮಿಟ್‌ ಕಾರ್ಡ್‌ಅನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬಹುದಾಗಿದೆ.

ಪರೀಕ್ಷೆಗೆ ಹಾಜರಾಗುವ ವೇಳೆ ಅಭ್ಯರ್ಥಿಗಳು ಪ್ರವೇಶ ಪತ್ರ ಮತ್ತು ಸರಕಾರ ಅನುಮೋದಿತ ಐಡಿ ಕಾರ್ಡ್‌ ಕಡ್ಡಾಯವಾಗಿ ತರಬೇಕು.

ಸಿಟಿಇಟಿ 2019 ಅಡ್ಮಿಟ್‌ ಕಾರ್ಡ್‌ ನೇರವಾಗಿ ಡೌನ್‌ಲೋಡ್‌ ಮಾಡಲು ಇಲ್ಲಿ ಕ್ಲಿಕ್‌ ಮಾಡಿ

ಸಿಟಿಇಟಿ 2019 ಪ್ರವೇಶ ಪತ್ರ ಡೌನ್‌ಲೋಡ್‌ ಮಾಡುವುದು ಹೇಗೆ?
1. ಸಿಟಿಇಟಿ ಅಧಿಕೃತ ವೆಬ್‌ಸೈಟ್‌ - http://ctet.nic.in/ ಗೆ ಭೇಟಿ ನೀಡಿ.
2. ಹೋಮ್‌ ಪೇಜ್‌ನಲ್ಲಿ ಕಾಣಿಸಿಕೊಳ್ಳುವ 'CTET 2019 admit card' ಎಂಬ ಲಿಂಕ್‌ ಮೇಲೆ ಕ್ಲಿಕ್‌ ಮಾಡಿ.
3. ಸಿಟಿಇಟಿ ವೆಬ್‌ಸೈಟ್‌ನ ಹೊಸ ಪೇಜ್‌ ಕಾಣಿಸುತ್ತದೆ.
4. ಸಿಟಿಇಟಿ ಕ್ರಮ ಸಂಖ್ಯೆ ಮತ್ತು ಜನ್ಮ ದಿನಾಂಕವನ್ನು ನಮೂದಿಸುವ ಮೂಲಕ ಲಾಗ್‌ಇನ್‌ ಆಗಿ.
5. ಸಿಟಿಇಟಿ 2019 ಅಡ್ಮಿಟ್‌ ಕಾರ್ಡ್‌ ಪರದೆ ಮೇಲೆ ಕಾಣಿಸಿಕೊಳ್ಳುತ್ತದೆ.
6. ಡೌನ್‌ಲೋಡ್‌ ಮಾಡಿಕೊಳ್ಳಿ ಮತ್ತು ಭವಿಷ್ಯದ ಬಳಕೆಗಾಗಿ ಸಿಟಿಇಟಿ 2019 ಅಡ್ಮಿಟ್‌ ಕಾರ್ಡ್‌ಅನ್ನು ಪ್ರಿಂಟ್‌ ತೆಗೆದುಕೊಳ್ಳಿ.

ಜುಲೈ ತಿಂಗಳಲ್ಲಿ ಭಾರತದಾದ್ಯಂತ 97 ನಗರಗಳ 2200 ಕೇಂದ್ರಗಳಲ್ಲಿ ಸಿಬಿಎಸ್‌ಇಯ ಸಿಟಿಇಟಿ 2019 ಪರೀಕ್ಷೆ ನಡೆಯಲಿದೆ.