ಸಿಬಿಎಸ್‌ಇ ಸಿಟಿಇಟಿ ಪರೀಕ್ಷೆ: ಕೀ ಉತ್ತರ ಪ್ರಕಟ

ಹೊಸದಿಲ್ಲಿ: ಸೆಂಟ್ರಲ್‌ ಬೋರ್ಡ್‌ ಆಫ್‌ ಸೆಕೆಂಡರಿ ಎಜುಕೇಷನ್‌ (ಸಿಬಿಎಸ್‌ಇ) ಜುಲೈ 7ರಂದು ನಡೆಸಿದ್ದ 'ಸೆಂಟ್ರಲ್‌ ಟೀಚರ್‌ ಎಲಿಜಿಬಿಲಿಟಿ ಟೆಸ್ಟ್‌'ನ (ಸಿಟಿಇಟಿ) ಕೀ ಉತ್ತರವನ್ನು ಸಿಬಿಎಸ್‍‌ಸಿ ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಿದೆ.

ಅಭ್ಯರ್ಥಿಗಳ ಒಎಂಆರ್‌ ಶೀಟ್‌ಅನ್ನೂ ಸಿಬಿಎಸ್‌ಇ ಅಧಿಕೃತ ವೆಬ್‌ಸೈಟ್‌ಗೆ ಅಪ್‌ಲೋಡ್‌ ಮಾಡಲಾಗಿದ್ದು, ಅಭ್ಯರ್ಥಿಗಳು ವೆಬ್‌ಸೈಟ್‌ನಲ್ಲಿ ರೋಲ್‌ ನಂಬರ್‌ ಮತ್ತು ಜನ್ಮ ದಿನಾಂಕದೊಂದಿಗೆ ಲಾಗಿನ್‌ ಆಗಿ ಒಎಂಆರ್‌ ಶೀಟ್‌ ಡೌನ್‌ಲೋಡ್‌ ಮಾಡಿಕೊಳ್ಳಬಹುದಾಗಿದೆ. ಅಂತೆಯೇ ಕೀ ಉತ್ತರಗಳನ್ನೂ ಪರಿಶೀಲಿಸಬಹುದಾಗಿದೆ.

ಅಧಿಕೃತ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾದ ಸಿಬಿಎಸ್‌ಇ ಸಿಟಿಇಟಿ ಪರೀಕ್ಷೆ ಕೀ ಉತ್ತರಗಳಿಗೆ ಸಂಬಂಧಿಸಿ ಯಾವುದೇ ಆಕ್ಷೇಪಣೆಗಳು ಇದ್ದಲ್ಲಿ ಸಲ್ಲಿಸಲು ಅವಕಾಶ ನೀಡಲಾಗಿತ್ತು, ಜುಲೈ 26ರ ಮಧ್ಯಾಹ್ನ 12 ಗಂಟೆಯ ಒಳಗೆ ಆನ್‌ಲೈನ್‌ನಲ್ಲಿ ತಮ್ಮ ಆಕ್ಷೇಪಣೆ ಸಲ್ಲಿಸಲು ಕೋರಲಾಗಿತ್ತು. ಇದಕ್ಕೆ ಲಿಂಕ್‌ ಅನ್ನೂ ಒದಗಿಸಲಾಗಿತ್ತು.

ಸಿಬಿಎಸ್‌ಇ ಸಿಟಿಇಟಿ ಪರೀಕ್ಷೆ ಕೀ ಉತ್ತರ ಹೆಚ್ಚಿನ ಮಾಹಿತಿಗೆ ವೆಬ್‌: http://cbse.nic.in/