ಕ್ಯಾಶ್‌ ಮ್ಯಾನೇಜ್ಮೆಂಟ್ ಸರ್ವೀಸ್'ನಿಂದ 2 ತಿಂಗಳಲ್ಲಿ 1000 ಎಂಪ್ಲಾಯ್‌ಗಳ ನೇಮಕ

ಕ್ಯಾಶ್‌ ಮ್ಯಾನೇಜ್ಮೆಂಟ್ ಸರ್ವೀಸ್ ಒದಗಿಸುವ ಸಿಎಂಎಸ್‌ ಮುಂದಿನ ಎರಡು ತಿಂಗಳಲ್ಲಿ 1000 ಉದ್ಯೋಗಿಗಳನ್ನು ನೇಮಕ ಮಾಡುವ ಪ್ಲಾನ್‌ ಮಾಡಿದೆ. ಈ ನೇಮಕಾತಿಯಲ್ಲಿ ಆಯ್ಕೆ ಆಗುವ ಪ್ರತಿ ಉದ್ಯೋಗಿಗೆ ಮಾಸಿಕ ರೂ.30,000 ವೇತನ ನೀಡಲಿದೆಯಂತೆ.

ಸಿಎಂಎಸ್ ತನ್ನ ಪಾಲುದಾರಿಕೆ ಬ್ಯಾಂಕ್‌ಗಳಾದ ಎನ್‌ಬಿಎಫ್‌ಸಿಎಸ್‌ ಮತ್ತು ಮೈಕ್ರೋಫೈನಾನ್ಸ್‌ ಸಂಸ್ಥೆಗಳೊಂದಿಗೆ ನಗದು ಸಂಗ್ರಹಿಸುವ ಸೇವೆಯನ್ನು ವಿಸ್ತರಿಸಲಿದೆ ಎಂದು ಕಂಪನಿ ಅಧಿಕೃತ ಮೂಲಗಳು ತಿಳಿಸಿವೆ.

ಸಿಎಂಎಸ್ ಇನ್ಫೊ ಸಿಸ್ಟಮ್ಸ್‌(ಸಿಎಂಎಸ್), ಮಹಿಂದ್ರಾ ಫೈನಾನ್ಸ್‌, ಎಲ್‌ ಅಂಡ್ ಟಿ ಫೈನಾನ್ಸ್‌, ಹಿರೊ ಫಿನ್‌ಕಾರ್ಪ್ ಸೇರಿದಂತೆ ಹಲವು ಕಂಪನಿಗಳೊಂದಿಗೆ ಕ್ಯಾಶ್‌ ಮತ್ತು ಚೆಕ್ ಸಂಗ್ರಹಕ್ಕಾಗಿ ಸಹಿ ಮಾಡಿದೆ.

UPSC Jobs: ಫ್ಯಾಕಲ್ಟಿ ಮತ್ತು ಇತರೆ ಹುದ್ದೆಗಳ ನೇಮಕಾತಿಗೆ ಅಧಿಸೂಚನೆ, ಅರ್ಜಿ ಆಹ್ವಾನ

ಸಿಎಂಸ್‌ನ ಹಿರಿಯ ಉಪಾಧ್ಯಕ್ಷ ಮತ್ತು ಕ್ಯಾಶ್‌ ಬ್ಯುಸಿನೆಸ್ ಹೆಡ್‌ ಆಗಿರುವ ಅನುಷ್ ರಾಘವನ್‌, "1,15,000 ಎಟಿಎಂ ನೆಟ್‌ವರ್ಕ್‌ ವ್ಯಾಪಿಸುವುದರೊಂದಿಗೆ ಮತ್ತು ಶೇಕಡ.98.3 ರಷ್ಟು ಭಾರತದಾದ್ಯಂತದ ಜಿಲ್ಲೆಗಳಲ್ಲಿ ರಿಟೇಲ್‌ ಔಟ್‌ಲೆಟ್ಸ್‌ಗಳನ್ನು ವಿಸ್ತರಿಸುವುದರೊಂದಿಗೆ ಕಂಪನಿಯು ಆರ್ಥಿಕತೆಯ ಸರಪಳಿಯ ಬ್ಯಾಕ್‌ಬೋನ್‌ ಆಗಿದೆ," ಎಂದಿದ್ದಾರೆ.

"NBFCs ಗೆ ಕೊಡುಗೆ ನೀಡಲು ಆರಂಭಿಸಿದ ನಂತರ, ಟ್ರಾವೆಲ್‌, ಎಜುಕೇಷನ್‌ ಕ್ಷೇತ್ರಗಳಲ್ಲೂ ಕ್ಯಾಶ್‌ ಪಿಕಪ್‌ಗಾಗಿ ಮುನ್ನೂಡುತ್ತಿದ್ದೇವೆ. ಇನ್ಸುರೆನ್ಸ್‌ ಇಂಡಸ್ಟ್ರಿಯಲ್ಲೂ ಚೆಕ್‌ ಸಂಗ್ರಹ ಸೇವೆಗಳನ್ನು ವಿಸ್ತರಿಸುವಲ್ಲಿ ಪ್ಲಾನ್‌ ಮಾಡಲಾಗುತ್ತಿದೆ," ಎಂದಿದ್ದಾರೆ ಅನುಶ್‌.

ಸಿಎಂಎಸ್‌ ಮುಂದಿನ ಎರಡು ತಿಂಗಳಲ್ಲಿ 1000 ಉದ್ಯೋಗಿಗಳನ್ನು ನೇಮಕ ಮಾಡಿಕೊಳ್ಳಲಿದೆ. ಹಾಗೂ ಪ್ರಸಕ್ತ ಹಣಕಾಸು ವರ್ಷದಲ್ಲಿ ಸೇವೆಯನ್ನು ಇನ್ನಷ್ಟು ವಿಸ್ತರಿಸುವ ಮತ್ತು ಎಂಪ್ಲಾಯ್‌ಗಳನ್ನು ನೇಮಿಸಿಕೊಳ್ಳಲಾಗುತ್ತದೆ. ಕ್ಯಾಶ್‌ ಕಲೆಕ್ಷನ್‌ ಹೊರತುಪಡಿಸಿ, ಸಿಎಂಎಸ್‌, NBFCs ಮತ್ತು MFIs ಗೆ ಇತರೆ ಸೇವೆಗಳಾದ ಕೆವೈಸಿ ಹಾಗೂ ತಂತ್ರಜ್ಞಾನ ಅಗತ್ಯ ಸೇವೆಗಳನ್ನು ನೀಡಲಿದೆ. ಇಂತಹ ಕರ್ತವ್ಯ ನಿರ್ವಹಿಸುವ ಉದ್ಯೋಗಿಗಳಿಗೆ ಮಾಸಿಕ ರೂ.30,000 ವರೆಗೆ ವೇತನ ನೀಡಲಾಗುತ್ತದೆ ಎಂದು ಅನುಶ್ ಹೇಳಿದ್ದಾರೆ.

ಯುಪಿಎಸ್ಸಿ ಪ್ರಿಲಿಮ್ಸ್ ಪರೀಕ್ಷೆ 2020: ಮುಂದೂಡಲು ಸಾಧ್ಯವಿಲ್ಲದ ಕುರಿತು ಕಾರಣ ಕೇಳಿದ ಸುಪ್ರೀಂಕೋರ್ಟ್