ಆರ್‌ಆರ್‌ಬಿ ಜೆಇ ಪರೀಕ್ಷೆ 2019: ಮೇ 22ರಿಂದ ಮೊದಲ ಹಂತದ ಸಿಬಿಟಿ

ಹೊಸದಿಲ್ಲಿ: ರೈಲ್ವೆ ನೇಮಕಾತಿ ಮಂಡಳಿ ಜೂನಿಯರ್ ಎಂಜಿನಿಯರ್ (ಇನ್ಫಾರ್ಮೇಶನ್‌ ಟೆಕ್ನಾಲಜಿ), ಡಿಪೋಟ್‌ ಮೆಟಿರೀಯಲ್ ಸೂಪರಿಟೆಂಡೆಂಟ್‌ (ಡಿಎಂಎಸ್‌) ಹಾಗೂ ಕೆಮಿಕಲ್ ಮತ್ತು ಮೆಟಾಲರ್ಜಿಕಲ್‌ ಅಸಿಸ್ಟೆಂಟ್ (ಸಿಎಂಎ) ಪರೀಕ್ಷೆಯ ದಿನಾಂಕವನ್ನು ಬಿಡುಗಡೆ ಮಾಡಿದೆ.

ಜೂನಿಯರ್ ಎಂಜಿನಿಯರ್ (ಐಟಿ), ಡಿಎಂಎಸ್‌ ಹಾಗೂ ಸಿಎಂಎ ಪ್ರಥಮ ಹಂತದ ಕಂಪ್ಯೂಟರ್ ಆಧಾರಿತ ಪರೀಕ್ಷೆ (ಸಿಬಿಟಿ) ಮೇ 22, 2019ರಿಂದ ಆರಂಭವಾಗಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಇನ್ನು, ಈ ಪರೀಕ್ಷೆಯ ಪ್ರವೇಶ ಪತ್ರವನ್ನು ಪರೀಕ್ಷೆಗೂ 4 ದಿನಗಳ ಮೊದಲು ಬಿಡುಗಡೆ ಮಾಡಲಾಗುವುದು ಎಂಬುದನ್ನು ಅಭ್ಯರ್ಥಿಗಳು ಗಮನದಲ್ಲಿಟ್ಟುಕೊಳ್ಳಬೇಕಾಗಿದೆ. ಪ್ರವೇಶಪತ್ರದಲ್ಲಿ ಪರೀಕ್ಷೆಯ ದಿನಾಂಕ, ನಗರ ಹಾಗೂ ಸೆಷನ್‌ ಬಗ್ಗೆಯೂ ಪ್ರಕಟಣೆ ಹೊರಡಿಸಲಾಗುತ್ತೆ ಎಂದು ತಿಳಿದುಬಂದಿದೆ.

ಜನವರಿ 2019 ರಲ್ಲಿ ಆರ್‌ಆರ್‌ಬಿ ಜೆಇ (ಐಟಿ), ಡಿಎಂಎಸ್‌ ಹಾಗೂ ಸಿಎಂಎಗೆ ನೇಮಕಾತಿ ಕರೆದಿತ್ತು.

ಪ್ರಥಮ ಹಂತದ ಕಂಪ್ಯೂಟರ್ ಆಧಾರಿತ ಪರೀಕ್ಷೆ (ಸಿಬಿಟಿ) 90 ನಿಮಿಷಗಳ ಕಾಲಾವಕಾಶ ಇರಲಿದ್ದು, ಈ ಅವಧಿಯಲ್ಲಿ ಅಭ್ಯರ್ಥಿಗಳು 100 ವಸ್ತುನಿಷ್ಠ ರೀತಿಯ ಮಲ್ಟಿಪಲ್ ಚಾಯ್ಸ್ ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ.

ವಿಶೇಷ ಸೂಚನೆ:
ಅಭ್ಯರ್ಥಿಗಳು ತಮ್ಮ ಒರಿಜಿನಲ್‌ ಐಡಿ ಪ್ರೂಫ್‌, ಇ - ಕಾಲ್‌ ಲೆಟರ್ ಹಾಗೂ ಪಾಸ್‌ಪೋರ್ಟ್ ಸೈಜ್‌ ಬಣ್ಣದ ಫೋಟೋಗ್ರಾಫ್‌ ಅನ್ನು ಪರೀಕ್ಷೆಗೆ ತೆಗೆದುಕೊಂಡುಹೋಗಬೇಕಾಗುತ್ತದೆ. ಐಡಿ ಪ್ರೂಫ್‌ನ ಫೋಟೋ ಕಾಪಿ ಅಥವಾ ಲ್ಯಾಮಿನೇಟೆಡ್‌ ಕಾಪಿಯನ್ನು ತೆಗೆದುಕೊಂಡು ಹೋದರೆ ಅವರನ್ನು ಪರೀಕ್ಷಾ ಹಾಲ್‌ ಒಳಗೆ ಬಿಟ್ಟುಕೊಳ್ಳುವುದಿಲ್ಲ ಎಂದು ಪ್ರಕಟಣೆಯಲ್ಲಿ ಎಚ್ಚರಿಕೆ ನೀಡಲಾಗಿದೆ.