ಎಲ್‌ಐಸಿಯ 590 ಎಎಒ ಹುದ್ದೆಗಳ ಪರೀಕ್ಷೆಗೆ ಪ್ರವೇಶ ಪತ್ರ ಇಂದು ಬಿಡುಗಡೆ ಸಾಧ್ಯತೆ

ಹೊಸದಿಲ್ಲಿ: ಭಾರತೀಯ ಜೀವವಿಮಾ ನಿಗಮದಲ್ಲಿ ಸಹಾಯಕ ಆಡಳಿತಾತ್ಮಕ ಅಧಿಕಾರಿ (ಎಎಒ) ಹುದ್ದೆಗಳ ಪರೀಕ್ಷೆಗೆ ಇಂದು ಪ್ರವೇಶ ಪತ್ರ ಬಿಡುಗಡೆ ಮಾಡುವ ಸಾಧ್ಯತೆ ಇದೆ.

ಎಎಒ ಪರೀಕ್ಷೆಗೆ ಅರ್ಜಿ ಸಲ್ಲಿಸಿರುವ ಆಸಕ್ತ ಅಭ್ಯರ್ಥಿಗಳು ಅಡ್ಮಿಟ್‌ ಕಾರ್ಡ್‌ಅನ್ನು ಡೌನ್‌ಲೋಡ್‌ ಮಾಡಿಕೊಳ್ಳಲು ಎಲ್‌ಐಸಿಯ ಅಧಿಕೃತ ವೆಬ್‌ಸೈಟ್‌ licindia.inಗೆ ಭೇಟಿ ನೀಡಿ. ಅಥವಾ ಐಬಿಪಿಎಸ್‌ ವೆಬ್‌ಸೈಟ್‌ ibpsonline.ibps.inನಲ್ಲಿ ಅಭ್ಯರ್ಥಿಗಳು ಲಾಗ್‌ಇನ್‌ ಆಗುವ ಮೂಲಕ ಪ್ರವೇಶ ಪತ್ರವನ್ನು ಡೌನ್‌ಲೋಡ್‌ ಮಾಡಿಕೊಳ್ಳಬಹುದು.

ಎಎಒ ಪರೀಕ್ಷೆಗೆ ಸೋಮವಾರ ಅಡ್ಮಿಟ್‌ ಕಾರ್ಡ್‌ ಬಿಡುಗಡೆಯಾದಲ್ಲಿ ಅಭ್ಯರ್ಥಿಗಳಿಗೆ ಪ್ರವೇಶ ಪತ್ರ ಡೌನ್‌ಲೋಡ್‌ ಮಾಡಿಕೊಳ್ಳಲು ಏಪ್ರಿಲ್‌ 30, 2019 ರ ವರೆಗೆ ಅವಕಾಶ ಕಲ್ಪಿಸಲಾಗಿದೆ.

ಭಾರತೀಯ ಜೀವವಿಮಾ ನಿಗಮದ ಎಎಒ ಹುದ್ದೆಗಳಿಗೆ ಪರೀಕ್ಷೆಯು ಮೇ 4 ಮತ್ತು 5 ರಂದು ನಡೆಯಲಿದೆ. ಅರ್ಜಿ ಸಲ್ಲಿಕೆ ಕಾರ್ಯವು ಮಾರ್ಚ್‌ 2, 2019ರಂದು ಆರಂಭಗೊಂಡಿತ್ತು. ಅರ್ಜಿಗಳನ್ನು ಮಾರ್ಚ್‌ 22, 2019ರ ವರೆಗೆ ಸ್ವೀಕರಿಸಲಾಗಿದೆ. ಭಾರತೀಯ ಜೀವವಿಮಾ ನಿಗಮದಲ್ಲಿ ಖಾಲಿಯಿರುವ 590 ಹುದ್ದೆಗಳಿಗೆ ನೇಮಕಗೊಳಿಸಲು ಪರೀಕ್ಷೆ ನಡೆಸಲಾಗುತ್ತಿದೆ.