ನಾಳೆಯಿಂದ ಭಾರತೀಯ ಕೋಸ್ಟ್ ಗಾರ್ಡ್‌ನ ನಾವಿಕ ಹುದ್ದೆಯ ಪರೀಕ್ಷೆ

ಹೊಸದಿಲ್ಲಿ: ನಾಳೆಯಿಂದ ಭಾರತೀಯ ಕೋಸ್ಟ್‌ ಗಾರ್ಡ್‌ನ ನಾವಿಕ ಹುದ್ದೆಯ ಪರೀಕ್ಷೆ ನಡೆಯಲಿದೆ. ವಾರಾಣಸಿ, ನೋಯ್ಡಾ, ಕೋಲ್ಕತ, ಭೋಪಾಲ್‌ ಹಾಗೂ ಜೋಧಪುರ ಪರೀಕ್ಷಾ ಕೇಂದ್ರಗಳಲ್ಲಿ ಪರೀಕ್ಷೆ ನಡೆಯಲಿದೆ. ಏಪ್ರಿಲ್ 6 ರಂದು ನಾವಿಕ ಹುದ್ದೆ ಪರೀಕ್ಷೆಗೆ ಪ್ರವೇಶ ಪತ್ರವನ್ನು ಕೋಸ್ಟ್‌ಗಾರ್ಡ್ ಬಿಡುಗಡೆ ಮಾಡಿತ್ತು.

ಏಪ್ರಿಲ್ 12ರಿಂದ ಮೇ 10ರವರೆಗೆ ಭಾರತೀಯ ಕೋಸ್ಟ್‌ ಗಾರ್ಡ್‌ನ ನಾವಿಕ ಹುದ್ದೆಯ ಪರೀಕ್ಷೆ ನಡೆಯಲಿದ್ದು, ಲಿಖಿತ ಪರೀಕ್ಷೆ ಆಬ್ಜೆಕ್ಟೀವ್‌ ವಿಧಾನದಲ್ಲಿರಲಿದೆ. 12ನೇ ತರಗತಿವರೆಗಿನ ಗಣಿತ, ಭೌತಶಾಸ್ತ್ರ, ರಸಾಯನ ಶಾಸ್ತ್ರ, ಇಂಗ್ಲೀಷ್‌ ಸಾಮಾನ್ಯ ಜ್ಞಾನವಿರಬೇಕು. ಜತೆಗೆ, ಸಾಮಾನ್ಯ ಜ್ಞಾನ, ಪ್ರಚಲಿತ ವಿದ್ಯಮಾನ, ಕ್ವಾಂಟಿಟೇಟೀವ್‌ ಆಪ್ಟಿಟ್ಯೂಡ್‌ ಮತ್ತು ರೀಸನಿಂಗ್‌ ಜ್ಞಾನ ಸಹ ಇರಬೇಕು.

ನಿರ್ದಿಷ್ಟ ಪರೀಕ್ಷಾ ಕೇಂದ್ರದಲ್ಲಿ ಹೆಚ್ಚು ಶೇಕಡಾವಾರು ಅಂಕಗಳನ್ನು ಪಡೆದ ಆಧಾರದ ಮೇಲೆ ಅಭ್ಯರ್ಥಿಗಳನ್ನು ಶಾರ್ಟ್‌ಲಿಸ್ಟ್‌ ಮಾಡಲಾಗುತ್ತದೆ. ಲಿಖಿತ ಪರೀಕ್ಷೆಯಲ್ಲಿ ಪಾಸಾದವರು ದೈಹಿಕ ಸಾಮರ್ಥ್ಯ ಪರೀಕ್ಷೆಗೆ ಒಳಗಾಗಬೇಕಿದೆ. ಈ ಪರೀಕ್ಷಾ ವಿಧಾನಕ್ಕೆ ಎರಡು ದಿನಗಳನ್ನು ತೆಗೆದುಕೊಳ್ಳಬಹುದು

ದೈಹಿಕ ಸಾಮರ್ಥ್ಯ ಪರೀಕ್ಷೆ ( ಫಿಸಿಕಲ್‌ ಫಿಟ್ನೆಸ್‌ ಟೆಸ್ಟ್‌ ) (PFT)
ಲಿಖಿತ ಪರೀಕ್ಷೆಯಲ್ಲಿ ಪಾಸಾದ ಎಲ್ಲ ಅಭ್ಯರ್ಥಿಗಳು ಸಹ ದೈಹಿಕ ಸಾಮರ್ಥ್ಯ ಪರೀಕ್ಷೆಗೆ ಒಳಗಾಗಬೇಕಿದೆ. ಇದಕ್ಕೆ ಅಭ್ಯರ್ಥಿಗಳು ಶೂ, ಟಿ - ಶರ್ಟ್, ಪ್ಯಾಂಟ್‌ ಮುಂತಾದ ಕ್ರೀಡಾ ಉಡುಪಿನಲ್ಲಿರಬೇಕು ಎಂದು ಭಾರತೀಯ ಕೋಸ್ಟ್‌ ಗಾರ್ಡ್‌ ಸಲಹೆ ನೀಡುತ್ತದೆ.

ದೈಹಿಕ ಸಾಮರ್ಥ್ಯ ಪರೀಕ್ಷೆಯಲ್ಲಿ ಏನೇನಿರುತ್ತೆ?
(i) 7 ನಿಮಿಷಗಳಲ್ಲಿ 1.6 ಕಿ.ಮೀ ಓಡಬೇಕಿದೆ
(ii) 20 ಸ್ಕ್ವಾಟ್‌ ಅಪ್ಸ್ ( ಉಠಕ್ ಬೈಠಕ್‌ )
(iii)10 ಫುಷಪ್‌ಗಳನ್ನು ಮಾಡಬೇಕಿದೆ