ಮುಕ್ತ ವಿದ್ಯಾಲಯದಲ್ಲಿ ಗ್ರೂಪ್‌ ಎ,ಬಿ,ಸಿ ಹುದ್ದೆಗಳ ನೇಮಕ, ಇಲ್ಲಿದೆ ಸಂಪೂರ್ಣ ವಿವರ

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಮೇ 17, 2019

ಸಹಾಯವಾಣಿ ಸಂಖ್ಯೆ: 1800ಧಿ-180ಧಿ-9393

ಭಾರತ ಸರಕಾರದ ಶಾಲಾ ಶಿಕ್ಷಣ ಮತ್ತು ಸಾಕ್ಷರತೆ, ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯದ ಸ್ವಾಯತ್ತ ಸಂಸ್ಥೆಯಾದ ರಾಷ್ಟ್ರೀಯ ಮುಕ್ತ ವಿದ್ಯಾಲಯ ಶಿಕ್ಷಣ ಸಂಸ್ಥೆ (ಎನ್‌ಐಒಎಸ್‌) ವಿವಿಧ ಗ್ರೂಪ್‌ ಎ, ಬಿ, ಸಿ ಹುದ್ದೆಗಳಿಗೆ ನೇಮ ಮಾಡಿಕೊಳ್ಳಲಿದೆ. ಜಗತ್ತಿನ ಅತಿದೊಡ್ಡ ಮುಕ್ತ ವಿದ್ಯಾಲಯ ಎಂಬ ಖ್ಯಾತಿ ಪಡೆದ, ಕರ್ನಾಟಕ ಸೇರಿದಂತೆ ದೇಶಾದ್ಯಂತ 6 ಸಾವಿರಕ್ಕೂ ಹೆಚ್ಚು ಅಧ್ಯಯನ ಕೇಂದ್ರಗಳನ್ನು ಹೊಂದಿರುವ ಎನ್‌ಐಒಎಸ್‌ನ ಹುದ್ದೆಗಳಿಗೆ ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಬಹುದಾಗಿದೆ.

ಹುದ್ದೆಗಳ ವಿವರ

ಗ್ರೂಪ್‌-ಎ ಹುದ್ದೆಗಳು: ನಿರ್ದೇಶಕ(ಮೌಲ್ಯಮಾಪನ)-1, ಉಪ ನಿರ್ದೇಶಕ(ಶೈಕ್ಷಣಿಕ)-2, ಉಪ ನಿರ್ದೇಶಕ(ಖಾತೆ)-1, ಶೈಕ್ಷಣಿಕ ಅಧಿಕಾರಿ-11 ಹುದ್ದೆಗಳಿವೆ. ರಕ್ಷಣಾ ಅಧ್ಯಯನ, ಇಂಗ್ಲಿಷ್‌, ಲಲಿತ ಕಲೆ, ಭಾಷಾಶಾಸ್ತ್ರ, ಮನೋವಿಜ್ಞಾನ, ಸಂಸ್ಕೃತ, ವಿಜ್ಞಾನ, ಸಮಾಜ ವಿಜ್ಞಾನ, ವಿಶೇಷ ವಿಜ್ಞಾನ, ವಿಶೇಷ ಶಿಕ್ಷಣ, ಯೋಗ ವಿಷಯಗಳಲ್ಲಿ ತಲಾ ಒಂದೊಂದು ಶೈಕ್ಷಣಿಕ ಅಧಿಕಾರಿ ಹುದ್ದೆಗಳಿವೆ.

ಗ್ರೂಪ್‌-ಬಿ ಹುದ್ದೆಗಳು: ಸಹಾಯಕ ಲೆಕ್ಕಪರಿಶೋಧಕ ಅಧಿಕಾರಿ-1, ಇಡಿಪಿ ಮೇಲ್ವಿಚಾರಕ-37 ಹುದ್ದೆಗಳಿವೆ.

ಗ್ರೂಪ್‌-ಸಿ ಹುದ್ದೆಗಳು: ಕಿರಿಯ ಸಹಾಯಕ-37 ಹುದ್ದೆಗಳಿವೆ.

ನೇಮಕ ಸ್ವರೂಪ: ಡೈರೆಕ್ಟರ್‌ (ಮೌಲ್ಯಮಾಪನ), ಅಕಾಡೆಮಿಕ್‌ ಆಫೀಸರ್‌, ಇಡಿಪಿ ಸೂಪರ್‌ವೈಸರ್‌, ಜೂನಿಯರ್‌ ಅಸಿಸ್ಟೆಂಟ್‌ ಹುದ್ದೆಗಳನ್ನು ನೇರ ನೇಮಕದ ಮೂಲಕ ಭರ್ತಿ ಮಾಡಲಾಗುತ್ತದೆ. ಉಳಿದ ಹುದ್ದೆಗಳನ್ನು ಡೆಪ್ಯೂಟೇಷನ್‌ ಆಧಾರದಲ್ಲಿ ಭರ್ತಿ ಮಾಡಲಾಗುತ್ತದೆ.

ವಿದ್ಯಾರ್ಹತೆ: ನಿರ್ದೇಶಕ (ಮೌಲ್ಯಮಾಪನ)- ಸ್ನಾತಕೋತ್ತರ ಪದವಿ, ಅಕಾಡೆಮಿಕ್‌ ಆಫೀಸರ್‌- ಸಂಬಂಧಪಟ್ಟ ವಿಷಯಗಳಲ್ಲಿ ಸ್ನಾತಕೋತ್ತರ, ಇಡಿಪಿ ಸೂಪರ್‌ವೈಸರ್‌- ಪದವಿ, ಕಂಪ್ಯೂಟರ್‌ ಅಪ್ಲಿಕೇಷನ್‌/ಹಾರ್ಡ್‌ವೇರ್‌ ಎಂಜಿನಿಯರಿಂಗ್‌ನಲ್ಲಿ ಗ್ರಾಜುಯೇಟ್‌ ಡಿಪ್ಲೊಮಾ, ಜೂನಿಯರ್‌ ಅಸಿಸ್ಟೆಂಟ್‌ ಹುದ್ದೆಗೆ ಸೀನಿಯರ್‌ ಸೆಕೆಂಡರಿ ವಿದ್ಯಾರ್ಹತೆ ಬಯಸಲಾಗಿದೆ. ಪ್ರತಿಗಂಟೆಗೆ 6 ಸಾವಿರ ಕೀ ಟೈಪಿಸುವ ಸಾಮರ್ಥ್ಯ‌ ಹೊಂದಿರಬೇಕು. ಹಿಂದಿ ಮತ್ತು ಇಂಗ್ಲಿಷ್‌ ಜ್ಞಾನವಿರಬೇಕು.

ಅರ್ಜಿ ಶುಲ್ಕ: ಸಾಮಾನ್ಯ ಮತ್ತು ಒಬಿಸಿ ಅಭ್ಯರ್ಥಿಗಳು ಗ್ರೂಪ್‌ ಎ ಹುದ್ದೆಗಳಿಗೆ 750 ರೂ., ಗ್ರೂಪ್‌ ಬಿ ಮತ್ತು ಸಿ ಹುದ್ದೆಗಳಿಗೆ 500 ರೂ. ಅರ್ಜಿ ಶುಲ್ಕ ಪಾವತಿಸಬೇಕು. ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳು ಗ್ರೂಪ್‌ ಎ ಮತ್ತು ಬಿ ಹುದ್ದೆಗೆ 250 ರೂ. ಮತ್ತು ಗ್ರೂಪ್‌ ಸಿ ಹುದ್ದೆಗೆ 150 ರೂ. ಅರ್ಜಿ ಶುಲ್ಕ ಪಾವತಿಸಬೇಕು.

ಅರ್ಜಿ ಸಲ್ಲಿಕೆ: ಆನ್‌ಲೈನ್‌ ಮೂಲಕ ಮಾತ್ರ ಅರ್ಜಿ ಸಲ್ಲಿಸಲು ಅವಕಾಶವಿದೆ. ಅರ್ಜಿ ಸಲ್ಲಿಸುವ ಮೊದಲು ಇತ್ತೀಚಿನ ಎರಡು ಪಾಸ್‌ಪೋರ್ಟ್‌ ಗಾತ್ರದ ಭಾವಚಿತ್ರಗಳನ್ನು ಸಿದ್ಧವಾಗಿಟ್ಟುಕೊಳ್ಳಿ. ಸಂಬಂಧಪಟ್ಟ ದಾಖಲೆ ಪತ್ರಗಳನ್ನು ಅಪ್ಲೋಡ್‌ ಮಾಡಲು ಇರುವುದರಿಂದ ಅವುಗಳನ್ನು ಸ್ಕ್ಯಾ‌ನ್‌ ಮಾಡಿಟ್ಟುಕೊಂಡು ಸಿದ್ಧವಾಗಿಟ್ಟುಕೊಳ್ಳಿ. ಅರ್ಜಿ ಸಲ್ಲಿಸಲು ಮತ್ತು ಹೆಚ್ಚಿನ ಮಾಹಿತಿ ಪಡೆಯಲು ಎನ್‌ಐಒಎಸ್‌ ವೆಬ್‌ಸೈಟ್‌ಗೆ ಭೇಟಿ ನೀಡಿರಿ.