ಹೊಸದಿಲ್ಲಿ: ಭ್ರಷ್ಟಾಚಾರ ಮತ್ತು ಕ್ರಿಮಿನಲ್ ಪ್ರಕರಣಗಳಲ್ಲಿ ಶಿಕ್ಷೆಗೊಳಗಾದ ಐಎಎಸ್, ಐಪಿಎಸ್ ಮತ್ತು ಐಎಫ್‌ಎಸ್ ಅಧಿಕಾರಿಗಳ ಅಮಾನತು ಆದೇಶಗಳನ್ನು ಯಾವ ಕಾರಣಕ್ಕೂ ಮರುಪರಿಶೀಲಿಸಲು ಅವಕಾಶ ನೀಡದಂತಹ ಕಠಿಣ ನಿಯಮ ರೂಪಿಸಲು ಕೇಂದ್ರ ಸರಕಾರ ಸಿದ್ಧತೆ ನಡೆಸಿದೆ.

ಭ್ರಷ್ಟಾಚಾರ ಹಾಗೂ ಕ್ರಿಮಿನಲ್ ಪ್ರಕರಣಗಳಲ್ಲಿ ಕೋರ್ಟ್‌ನಿಂದ ದೋಷಿ ಎಂದು ಕರೆಸಿಕೊಂಡ ಐಎಎಸ್, ಐಪಿಎಸ್, ಐಎಫ್‌ಎಸ್‌ ಅಧಿಕಾರಿಗಳ ಅಮಾನತು ಆದೇಶವನ್ನು ನ್ಯಾಯಾಲಯದಿಂದ ಅಂತಿಮ ಆದೇಶ ಬರುವವರೆಗೂ ಮರುಪರಿಶೀಲಿಸಲು ಸಮಿತಿಗಳಿಗೆ ಅವಕಾಶ ನೀಡದಿರಲು 'ಅಖಿಲ ಭಾರತ ಸೇವೆಗಳ ನಿಯಮಗಳು-1969'ರ ನಿಯಮ 3ಕ್ಕೆ ಬದಲಾವಣೆ ತರಲು ಸಿಬ್ಬಂದಿ ಮತ್ತು ತರಬೇತಿ ಸಚಿವಾಲಯ ಚಿಂತನೆ ನಡೆಸಿದೆ.

ಈ ಸಂಬಂಧ ಅದು ಪ್ರತಿಕ್ರಿಯೆ ಕೋರಿ ಗೃಹ ಸಚಿವಾಲಯ, ರಾಜ್ಯ ಸರಕಾರಗಳ ಪ್ರಧಾನ ಕಾರ್ಯದರ್ಶಿಗಳಿಗೆ ಪತ್ರ ಬರೆದಿದೆ. ಮೇ 15ರೊಳಗೆ ಸಲಹೆ ಕಳುಹಿಸುವಂತೆ ಗಡುವು ವಿಧಿಸಿದೆ.

70 ಸಾವಿರ ಖಾಸಗಿ ಉದ್ಯೋಗಗಳು, 40 ಸಾವಿರ ಸರ್ಕಾರಿ ಉದ್ಯೋಗಗಳಲ್ಲಿ ಯಾವುವು ಬೆಟರ್? ಏಕೆ?