ಜವಳಿ ನಿಗಮದಲ್ಲಿ ಮ್ಯಾನೇಜರ್‌ ಹುದ್ದೆಗೆ ಉದ್ಯೋಗಾವಕಾಶ: ಅರ್ಜಿ ಸಲ್ಲಿಸಲು ಇಂದೇ ಡೆಡ್‌ಲೈನ್‌

ಹೊಸದಿಲ್ಲಿ: ಭಾರತ ಸರಕಾರದ ಅಧೀನದಲ್ಲಿರುವ ಸಾರ್ವಜನಿಕ ವಲಯದ ಪ್ರಮುಖ ರಾಷ್ಟ್ರೀಯ ಜವಳಿ ನಿಗಮ ನಿಯಮಿತ (ನ್ಯಾಷನಲ್‌ ಟೆಕ್ಸ್‌ಟೈಲ್‌ ಕಾರ್ಪೋರೇಷನ್‌ ಲಿಮಿಟೆಡ್‌) ವಿವಿಧ ಮ್ಯಾನೇಜರ್‌ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳುತ್ತಿದೆ. ಒಟ್ಟು 109 ಹುದ್ದೆಗಳು ಖಾಲಿ ಇದ್ದು, ಇದುವರೆಗೆ ಅರ್ಜಿ ಸಲ್ಲಿಸದ ಆಸಕ್ತರು ಇಂದೇ (ಏಪ್ರಿಲ್‌ 12ರೊಳಗೆ) ಅರ್ಜಿ ಕಳುಹಿಸಬೇಕು.

ಅರ್ಹತೆಗಳೇನು?

ಟೆಕ್ನಿಕಲ್‌ ವಿಭಾಗದ ಜನರಲ್‌ ಮ್ಯಾನೇಜರ್‌, ಡೆಪ್ಯುಟಿ ಜನರಲ್‌ ಮ್ಯಾನೇಜರ್‌, ಸೀನಿಯರ್‌ ಮ್ಯಾನೇಜರ್‌ ಮತ್ತು ಮ್ಯಾನೇಜರ್‌ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವವರು ಎಂಜಿನಿಯರಿಂಗ್‌ ಪದವಿ (ಟೆಕ್ಸ್‌ಟೈಲ್‌ ಎಂಜಿನಿಯರಿಂಗ್‌/ ಟೆಕ್ಸ್‌ ಟೈಲ್ಸ್‌ ಟೆಕ್ನಾಲಜಿ) ಪದವಿ ಅಥವಾ ಇದೇ ವಿಷಯಗಳಲ್ಲಿ ಡಿಪ್ಲೊಮಾ ಮಾಡಿರಬೇಕು. ಫೈನಾನ್ಸ್‌ ವಿಭಾಗದ ಸೀನಿಯರ್‌ ಮ್ಯಾನೇಜರ್‌, ಮ್ಯಾನೇಜರ್‌, ಜಾಯಿಂಟ್‌ ಮ್ಯಾನೇಜರ್‌ ಮತ್ತು ಡೆಪ್ಯುಟಿ ಮ್ಯಾನೇಜರ್‌ ಹುದ್ದೆಗಳ ಅಭ್ಯರ್ಥಿಗಳು ಸಿಎ/ಐಸಿಡಬ್ಲ್ಯೂಎ ತೇರ್ಗಡೆಯಾಗಿರಬೇಕು. ಎಚ್‌ಆರ್‌ ವಿಭಾಗದ ಹುದ್ದೆಗಳಿಗೆ ಎಂಬಿಎ (ಎಚ್‌ಆರ್‌)/ಎಂಎಸ್‌ಡಬ್ಲ್ಯೂ ಅಥವಾ ತತ್ಸಮಾನ ವಿದ್ಯಾರ್ಹತೆ ಹೊಂದಿರಬೇಕು. ಅಸೆಟ್‌ ಮ್ಯಾನೇಜ್‌ಮೆಂಟ್‌ ವಿಭಾಗ ಮತ್ತು ಲೀಗಲ್‌ ವಿಭಾಗದ ಸೀನಿಯರ್‌ ಮ್ಯಾನೇಜರ್‌ ಮತ್ತು ಜಾಯಿಂಟ್‌ ಮ್ಯಾನೇಜರ್‌ ಹುದ್ದೆಗೆ ಎಲ್‌ಎಲ್‌ಬಿ ವ್ಯಾಸಂಗ ಪೂರ್ಣಗೊಳಿಸಿದವರು ಅರ್ಜಿ ಸಲ್ಲಿಸಬಹುದು. ಮಾರ್ಕೆಟಿಂಗ್‌ ವಿಭಾಗದ ಹುದ್ದೆಗಳಿಗೆ ಅರ್ಜಿ ಸಲ್ಲಿಸುವವರು ಎಂಬಿಎ (ಮಾರ್ಕೆಟಿಂಗ್‌) ವಿದ್ಯಾರ್ಹತೆ ಹೊಂದಿರಬೇಕು.

ಅನುಭವ ಕಡ್ಡಾಯ: ಜನರಲ್‌ ಮ್ಯಾನೇಜರ್‌ ಹುದ್ದೆಗೆ 16 ವರ್ಷ, ಡೆಪ್ಯುಟಿ ಜನರಲ್‌ ಮ್ಯಾನೇಜರ್‌ ಹುದ್ದೆಗೆ 14 ವರ್ಷ, ಸೀನಿಯರ್‌ ಮ್ಯಾನೇಜರ್‌ ಹುದ್ದೆಗೆ 10 ವರ್ಷ ಹಾಗೂ ಮ್ಯಾನೇಜರ್‌ ಹುದ್ದೆಗೆ 8 ವರ್ಷಗಳ ಸೇವಾನುಭವ ಇರಬೇಕು. ಜಾಯಿಂಟ್‌ ಮ್ಯಾನೇಜರ್‌ ಹುದ್ದೆಗೆ 5 ವರ್ಷ, ಡೆಪ್ಯುಟಿ ಮ್ಯಾನೇಜರ್‌ ಹುದ್ದೆಗೆ 3 ವರ್ಷಗಳ ಸೇವಾನುಭವ ಇರಬೇಕು.

ಅರ್ಜಿ ಶುಲ್ಕ: ನಿಗದಿತ 300 ರೂ. ಶುಲ್ಕವನ್ನು 'ನ್ಯಾಷನಲ್‌ ಟೆಕ್ಸ್‌ಟೈಲ್‌ ಕಾರ್ಪೋರೇಷನ್‌ ಲಿಮಿಟೆಡ್‌, ದಿಲ್ಲಿ' ಹೆಸರಿನಲ್ಲಿ ಡಿಡಿ ಪಡೆದು ಪಾವತಿಸಬೇಕು. ಎಸ್‌ಸಿ/ಎಸ್‌ಟಿ ಮತ್ತು ವಿಕಲಚೇತನ ಅಭ್ಯರ್ಥಿಗಳಿಗೆ ಶುಲ್ಕ ವಿನಾಯ್ತಿ ನೀಡಲಾಗಿದೆ.

ಒಟ್ಟು ಹುದ್ದೆಗಳು - 109

ಅರ್ಜಿ ಸಲ್ಲಿಸಲು ಕೊನೇದಿನ: ಏಪ್ರಿಲ್‌ 12, 2019 ( ಇಂದು ರಾತ್ರಿಯವರೆಗೆ )

ಅರ್ಜಿ ಸಲ್ಲಿಸಲು ವಿಳಾಸ, ಹೆಚ್ಚಿನ ವಿವರಗಳಿಗೆ ಅಧಿಕೃತ ವೆಬ್‌ಸೈಟ್‌ ನೋಡಿ