ಒಎನ್‌ಜಿಸಿಯಲ್ಲಿ ಉದ್ಯೋಗಾವಕಾಶ: ಅರ್ಜಿ ಸಲ್ಲಿಕೆಗೆ ಇಂದೇ ಡೆಡ್‌ಲೈನ್‌

ಸಾರ್ವಜನಿಕ ಉದ್ಯಮ'ಆಯಿಲ್‌ ಆ್ಯಂಡ್‌ ನ್ಯಾಚುರಲ್‌ ಗ್ಯಾಸ್‌ ಲಿಮಿಟೆಡ್‌ ' (ಒಎನ್‌ಜಿಸಿ) ಎಕ್ಸಿಕ್ಯುಟಿವ್‌, ಪಿಆರ್‌ಒ ಮತ್ತು ಅಸಿಸ್ಟೆಂಟ್‌ ಲೀಗಲ್‌ ಅಡ್ವೈಸರ್‌ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲಿದೆ. ಆಸಕ್ತರು ಅರ್ಜಿ ಸಲ್ಲಿಸಲು ಏಪ್ರಿಲ್‌ 9ರೊಳಗೆ ಅಂದರೆ ಇವತ್ತೇ ಡೆಡ್‌ಲೈನ್‌ ಆಗಿದೆ. ಇನ್ನೂ ಅರ್ಜಿ ಸಲ್ಲಿಸದವರು ಆನ್‌ಲೈನ್‌ ಮೂಲಕ ಕೊನೆ ಗಳಿಗೆಯಲ್ಲಿ ಅರ್ಜಿ ಸಲ್ಲಿಸಬಹುದು.

ಅರ್ಹತೆಗಳೇನು?

ಎಕ್ಸಿಕ್ಯುಟಿವ್‌ (20 ಹುದ್ದೆ): ಎಂಬಿಎ ಜೊತೆಗೆ ಪರ್ಸೋನೆಲ್‌ ಮ್ಯಾನೇಜ್‌ಮೆಂಟ್‌/ ಎಚ್‌ಆರ್‌ಸಿ/ಎಚ್‌ಆರ್‌ಎಂನಲ್ಲಿ ತಜ್ಞತೆ ಅಥವಾ ಸ್ನಾತಕೋತ್ತರ ಪದವಿ ( ಪರ್ಸೋನೆಲ್‌ ಮ್ಯಾನೇಜ್‌ಮೆಂಟ್‌/ಐಆರ್‌/ ಲೇಬರ್‌ ವೆಲ್‌ಫೇರ್‌) ಅಥವಾ ಎರಡು ವರ್ಷ ಪೂರ್ಣಾವಧಿ ಪೋಸ್ಟ್‌ ಗ್ರ್ಯಾಜುಯೇಟ್‌ ಡಿಪ್ಲೊಮಾ (ಪಿಎಂ/ಐಆರ್‌/ಲೇಬರ್‌ ವೆಲ್‌ಫೇರ್‌) ಅಥವಾ ಐಐಎಂನಿಂದ ಎರಡು ವರ್ಷದ ಪಿಜಿಡಿಎಂ ಪೂರ್ಣಗೊಳಿಸಿದವರು ಅರ್ಜಿ ಸಲ್ಲಿಸಬಹುದು.

ಪಬ್ಲಿಕ್‌ ರಿಲೇಷನ್‌ ಆಫೀಸರ್‌ (03 ಹುದ್ದೆಗಳು): ಸ್ನಾತಕೋತ್ತರ ಪದವಿ ಅಥವಾ ಎರಡು ವರ್ಷದ ಡಿಪ್ಲೊಮಾ (ಪಬ್ಲಿಕ್‌ ರಿಲೇಷನ್ಸ್‌/ ಜರ್ನಲಿಸಂ/ ಮಾಸ್‌ ಕಮ್ಯುನಿಕೇಷನ್‌) ಓದಿರುವವರು ಅರ್ಜಿ ಸಲ್ಲಿಸಬಹುದು.

ಅಸಿಸ್ಟೆಂಟ್‌ ಲೀಗಲ್‌ ಅಡ್ವೈಸರ್‌(09 ಹುದ್ದೆ): ಕನಿಷ್ಠ ಶೇಕಡಾ 60 ಅಂಕಗಳೊಂದಿಗೆ ಕಾನೂನು ಪದವಿ ಮತ್ತು ಮೂರು ವರ್ಷ ವಕೀಲರಾಗಿ ಸೇವೆ ಸಲ್ಲಿಸಿರಬೇಕು.

ಅರ್ಹತೆ: ಎಕ್ಸಿಕ್ಯುಟಿವ್‌ ಮತ್ತು ಪಬ್ಲಿಕ್‌ ರಿಲೇಷನ್‌ ಆಫೀಸರ್‌ ಹುದ್ದೆಗೆ 2019ರ ಜೂನ್‌ನಲ್ಲಿ ನಡೆಯಲಿರುವ ನೆಟ್‌ (ರಾಷ್ಟ್ರೀಯ ಅರ್ಹತಾ ಪರೀಕ್ಷೆ) ಬರೆದು ತೇರ್ಗಡೆಯಾಗಿರಬೇಕು. ಲೀಗಲ್‌ ಅಡ್ವೈಸರ್‌ ಹುದ್ದೆಗೆ 2019ರ ಕ್ಲಾಟ್‌ (ಸಿಎಲ್‌ಎಟಿ) ಅರ್ಹತೆ ಪಡೆದಿರಬೇಕಾಗಿರುವುದು ಕಡ್ಡಾಯ.

ವಯೋಮಿತಿ: ಯಾವುದೇ ಹುದ್ದೆಗೆ ಅರ್ಜಿ ಸಲ್ಲಿಸಬೇಕಾದರೂ ಗರಿಷ್ಠ ವಯೋಮಿತಿ 30 ವರ್ಷ. ನಿಯಮಾನುಸಾರ ಒಬಿಸಿ ಅಭ್ಯರ್ಥಿಗಳಿಗೆ ಮೂರು ವರ್ಷ ಹಾಗೂ ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳಿಗೆ ಐದು ವರ್ಷ ವಯೋಮಿತಿ ಸಡಿಲಿಕೆ ನೀಡಲಾಗುತ್ತದೆ.

ಒಎನ್‌ಜಿಸಿಯಲ್ಲಿ ಉದ್ಯೋಗಾವಕಾಶ ವಿವರ

ಹುದ್ದೆಗಳ ಸಂಖ್ಯೆ: 31

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಏಪ್ರಿಲ್‌ 9, 2019

ನೋಂದಣಿ ಶುಲ್ಕ: 370 ರೂ. (ಎಸ್‌ಸಿ/ಎಸ್‌ಟಿ/ವಿಕಲಚೇತನರಿಗೆ ವಿನಾಯ್ತಿ)

ಸಂದರ್ಶನ ನಡೆಯುವ ದಿನಾಂಕ: ಆಗಸ್ಟ್‌, 2019

ಹೆಚ್ಚಿನ ವಿವರಗಳಿಗೆ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ಕೊಡಿ