ಯುಪಿಎಸ್‌ಸಿ ವೈದ್ಯಕೀಯ ಸೇವೆಯಲ್ಲಿವೆ 965 ಹುದ್ದೆಗಳು, ಅರ್ಜಿ ಸಲ್ಲಿಸಿ

ಹೊಸದಿಲ್ಲಿ: ಯಪಿಎಸ್‌ಸಿ ಕಂಬೈನ್ಡ್‌ ಮೆಡಿಕಲ್‌ ಸರ್ವಿಸ್‌ ಎಕ್ಸಾಮ್‌ 2019ರ ನೋಟಿಫಿಕೇಷನ್‌ಅನ್ನು ಬಿಡುಗಡೆ ಮಾಡಿದೆ. ಆಸಕ್ತ ಅಭ್ಯರ್ಥಿಗಳು ಕಂಬೈನ್ಡ್‌ ಮೆಡಿಕಲ್‌ ಸರ್ವಿಸ್‌ ಹುದ್ದೆಗೆ ಪರೀಕ್ಷೆ ಎದುರಿಸಬಹುದು.

ಯುಪಿಎಸ್‌ಸಿ ಸಿಎಂಎಸ್‌ ಪರೀಕ್ಷೆ 2019 ಪರೀಕ್ಷೆ ಎದುರಿಸಲು ಆಸಕ್ತ ಅಭ್ಯರ್ಥಿಗಳು ಯುಪಿಎಸ್‌ಇನ ಅಧಿಕೃತ ವೆಬ್‌ಸೈಟ್‌ upsc.gov.in ಮತ್ತು upsconline.nic.in ಮೂಲಕ ಅರ್ಜಿ ಸಲ್ಲಿಸಬಹುದು.

ಯುಪಿಎಸ್‌ಸಿ ಸಿಎಂಎಸ್‌ ಪರೀಕ್ಷೆ ಬರೆಯಲು ಏಪ್ರಿಲ್‌ 10, 2019, ಬುಧವಾರ ಅರ್ಜಿಗಳನ್ನು ಬಿಡುಗಡೆ ಮಾಡಲಾಗಿದೆ. ಅಭ್ಯರ್ಥಿಗಳು ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ ಮೇ 6, 2019ರ ಸಂಜೆ 6 ಗಂಟೆಯವರೆಗೆ ಸಮಯಾವಕಾಶ ನೀಡಲಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಯುಪಿಎಸ್‌ಸಿ ಸಿಎಂಎಸ್‌ನಲ್ಲಿ ಖಾಲಿಯಿರುವ ಒಟ್ಟು 965 ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಜಿ ಆಹ್ವಾನಿಸಲಾಗಿದೆ.

ಯುಪಿಎಸ್‌ಸಿ ಸಿಎಂಎಸ್‌ 2019 ಅರ್ಜಿ ಸಲ್ಲಿಕೆ ಹೇಗೆ?

• ಯುಪಿಎಸ್‌ಸಿ ಅಧಿಕೃತ ವೆಬ್‌ಸೈಟ್‌ upsconline.nic.in ಮೂಲಕ ಭೇಟಿ ನೀಡಿ. ಅರ್ಜಿ ಭರ್ತಿ ಮಾಡಲು ಇರುವ ಸೂಚನೆಗಳನ್ನು ಓದಿ
• ನಿಮ್ಮ ವೈಯಕ್ತಿಕ ಮಾಹಿತಿಯನ್ನು ದಾಖಲಿಸಿ
• ಸ್ಕಾನ್‌ ಮಾಡಿದ ಆಧಾರ್‌ ಕಾರ್ಡ್‌, ಮತದಾನ ಚೀಟಿ, ಪಾನ್‌ ಕಾರ್ಡ್‌, ಪಾಸ್‌ಪೋರ್ಟ್‌, ಡ್ರೈವಿಂಗ್‌ ಲೈಸೆನ್ಸ್‌ ಅಥವಾ ಇತರ ಯಾವುದೇ ಅಧಿಕೃತ ರಾಜ್ಯ/ಕೇಂದ್ರ ಸರಕಾರ ಅನುಮೋದಿಸಿದ ಹಕ್ಕು ಪತ್ರದ ಫೋಟೋಕಾಪಿಯನ್ನು ಅಪ್‌ಲೋಡ್‌ ಮಾಡಿ.
• ಐಡಿ ಪ್ರೂಫ್‌ಅನ್ನು ಮುಂದಿನ ಪರಿಶೀಲನೆಗೆ ಬಳಕೆ ಮಾಡಲಾಗುತ್ತದೆ.
• ಪರೀಕ್ಷೆಗೆ ಹಾಜರಾದಾಗ ಮತ್ತು ವೈಯಕ್ತಿಕ ಪರೀಕ್ಷೆ ಎದುರಿಸುವಾಗ ಈ ಫೋಟೋಕಾಪಿ ಬಳಕೆಯಾಗುತ್ತದೆ.
• ಅರ್ಜಿಯ ಶುಲ್ಕ ಪಾವತಿಸಿ