ಕೊಪ್ಪಳದಲ್ಲಿ ಸೈನಿಕ ಹುದ್ದೆಗಳ ನೇಮಕಾತಿ ರ‍್ಯಾಲಿ: ಆನ್‌ಲೈನ್‌ ಅರ್ಜಿ ಆಹ್ವಾನ

ಬೆಳಗಾಂ ಆರ್ಮಿ ನೇಮಕಾತಿ ಕಛೇರಿಯು, ನವೆಂಬರ್ 05 ರಿಂದ ನವೆಂಬರ್ 16 ವರೆಗೆ ಕೊಪ್ಪಳದ ಸರ್ಕಾರಿ ಯೂತ್ ಅಂಡ್ ಸ್ಪೋರ್ಟ್‌ ಡಿಪಾರ್ಟ್‌ಮೆಂಟ್ ಸ್ಟೇಡಿಯಂನಲ್ಲಿ ನೇಮಕಾತಿ ರ‍್ಯಾಲಿ ನಡೆಸಲು ನಿರ್ಧರಿಸಿ, ಅಧಿಸೂಚನೆ ಹೊರಡಿಸಿದೆ.

ಈ ಆರ್ಮಿ ನೇಮಕಾತಿ ರ್ಯಾಲಿಯನ್ನು ಕರ್ನಾಟಕದ ಬೆಳಗಾಂ, ಬೀದರ್, ಗುಲ್ಬರ್ಗ, ರಾಯಚೂರು, ಯಾದವಗಿರಿ ಜಿಲ್ಲೆಗಳಲ್ಲಿಯ ಅರ್ಹ ಅಭ್ಯರ್ಥಿಗಳಿಗೆ ನವೆಂಬರ್ 05 ರಿಂದ ನವೆಂಬರ್ 16 ವರೆಗೆ ನಡೆಸಲು ನಿಶ್ಚಯಿಸಲಾಗಿದೆ.

DRDOದಲ್ಲಿನ 224 ಹುದ್ದೆಗಳಿಗೆ ಅರ್ಜಿ ಆಹ್ವಾನ: SSLC, PUC ಪಾಸಾದವರು ಅರ್ಜಿ ಸಲ್ಲಿಸಿ

ಭಾರತೀಯ ಮಿಲಿಟರಿಗೆ ಸೇರಿ ದೇಶ ಸೇವೆ ಮಾಡಲು ಆಸಕ್ತಿ ಇರುವ ಯುವಕರಿಗೆ ಇದೊಂದು ಉತ್ತಮ ಅವಕಾಶವಾಗಿದ್ದು, ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸುವುದು ಕಡ್ಡಾಯವಾಗಿದೆ.

ಅರ್ಜಿ ಸಲ್ಲಿಸಲು ಆರಂಭಿಕ ದಿನಾಂಕ : ಸೆಪ್ಟೆಂಬರ್ 10, 2019

ಅರ್ಜಿ ಸಲ್ಲಿಸಲು ಕೊನೆಯ ದಿನಾಂಕ: ಅಕ್ಟೋಬರ್ 24, 2019

ಪ್ರವೇಶ ಪತ್ರ ಬಿಡುಗಡೆ ದಿನಾಂಕ: ಅಕ್ಟೋಬರ್ 30, 31, 2019

ಕೊಪ್ಪಳ ಆರ್ಮಿ ನೇಮಕಾತಿ ರ‍್ಯಾಲಿ ಸ್ಥಳ: ಗವರ್ನಮೆಂಟ್ ಯೂತ್ ಅಂಡ್ ಸ್ಪೋರ್ಟ್ಸ್‌ ದಿಪಾರ್ಟ್‌ಮೆಂಟ್(GYSD) ಸ್ಟೇಡಿಯಂ, ಕೊಪ್ಪಳ

ಅಭ್ಯರ್ಥಿಗಳು ಪ್ರವೇಶ ಪತ್ರವನ್ನು ವೆಬ್‌ಸೈಟ್‌ ವಿಳಾಸ www.joinindianarmy.nic.in ಗೆ ಭೇಟಿ ನೀಡಿ ಡೌನ್‌ಲೋಡ್ ಮಾಡಿಕೊಳ್ಳಲು ಸೂಚಿಸಲಾಗಿದೆ.

ಭಾರತೀಯ ಸೇನೆಯ ಈ ಕೆಳಗಿನ ಸೇವೆಗಳಿಗೆ ಆನ್‌ಲೈನ್‌ ಅರ್ಜಿ ಸಲ್ಲಿಸಬಹುದು. ಹುದ್ದೆಗಳ ಹೆಸರು ಮತ್ತು ವಿದ್ಯಾರ್ಹತೆ ವಿವರ ಈ ಕೆಳಗಿನಂತಿದೆ.

ಸೋಲ್ಜರ್ ಜೆನೆರಲ್ ಡ್ಯೂಟಿ(ಎಲ್ಲಾ ಸೇನೆ): ಕನಿಷ್ಟ ಶೇ.45 ಅಂಕಗಳೊಂದಿಗೆ 10ನೇ ತರಗತಿ ಪಾಸ್ ಮಾಡಿರುವ ಯುವಕರು ಅರ್ಜಿ ಸಲ್ಲಿಸಬಹುದು.

ಸೋಲ್ಜರ್ ಟೆಕ್ನಿಕಲ್ : ಭೌತಶಾಸ್ತ್ರ, ಕೆಮಿಸ್ಟ್ರಿ, ಗಣಿತ ಮತ್ತು ಇಂಗ್ಲಿಷ್ ವಿಷಯಗಳ ಸೈನ್ಸ್ ವಿಭಾಗದಲ್ಲಿ ಶೇ.50 ಅಂಕಗಳೊಂದಿಗೆ ಪಿಯುಸಿ ಪಾಸ್‌ ಮಾಡಿರುವವರು ಅರ್ಜಿ ಸಲ್ಲಿಸಬಹುದು.

ಸೋಲ್ಜರ್ ಟೆಕ್ನಿಕಲ್(ಏವಿಯೇಷನ್/ ಅಮ್ಯುನಿಷನ್ ಎಕ್ಸಾಮಿನರ್): ಭೌತಶಾಸ್ತ್ರ, ಕೆಮಿಸ್ಟ್ರಿ, ಗಣಿತ ಮತ್ತು ಇಂಗ್ಲಿಷ್ ವಿಷಯಗಳ ಸೈನ್ಸ್ ವಿಭಾಗದಲ್ಲಿ ಶೇ.50 ಅಂಕಗಳೊಂದಿಗೆ ಪಿಯುಸಿ ಪಾಸ್‌ ಆದವರು ಅರ್ಜಿ ಸಲ್ಲಿಸಬಹುದು.

ಸೋಲ್ಜರ್ ಟೆಕ್ನಿಕಲ್ ನರ್ಸಿಂಗ್ ಅಸಿಸ್ಟಂಟ್ : ಭೌತಶಾಸ್ತ್ರ, ಕೆಮಿಸ್ಟ್ರಿ, ಬಯೋಲಜಿ ಮತ್ತು ಇಂಗ್ಲಿಷ್ ವಿಷಯಗಳ ಸೈನ್ಸ್ ವಿಭಾಗದಲ್ಲಿ ಶೇ.50 ಅಂಕಗಳೊಂದಿಗೆ ಪಿಯುಸಿ ಪಾಸ್‌ ಮಾಡಿರುವವರು ಅರ್ಜಿ ಸಲ್ಲಿಸಬಹುದು.

ಪ್ರಸಾರ ಭಾರತಿಯಲ್ಲಿ ಪೋಸ್ಟ್‌ ಪ್ರೊಡಕ್ಷನ್‌ ಅಸಿಸ್ಟಂಟ್ ಹುದ್ದೆ: ಪಿಯುಸಿ, ವಿಡಿಯೋ ಎಡಿಟಿಂಗ್ ಅರ್ಹತೆ

ಸೋಲ್ಜರ್ ಕ್ಲರ್ಕ್ / ಸ್ಟೋರ್ ಕೀಪರ್ / ಟೆಕ್ನಿಕಲ್ / ಇನ್ವೆಂಟರಿ ಮ್ಯಾನೇಜ್ಮೆಂಟ್ : ಕಲಾ ವಿಭಾಗ, ಸೈನ್ಸ್, ಕಾಮರ್ಸ್ ಯಾವುದೇ ವಿಭಾಗದಲ್ಲಿ ಶೇ.60 ಅಂಕಗಳೊಂದಿಗೆ ಪಿಯುಸಿ ಪಾಸ್ ಮಾಡಿರಬೇಕು.

ಸೋಲ್ಜರ್ ಟ್ರೇಡ್ಸ್‌ಮನ್(ಎಲ್ಲಾ ಸೇನೆ): ಎಸ್‌ಎಸ್‌ಎಲ್‌ಸಿ ಪಾಸ್‌ ಆಗಿರಬೇಕು. ಪ್ರತಿ ವಿಷಯಗಳಲ್ಲಿ ಶೇ.33 ಅಂಕಗಳನ್ನು ಪಡೆದಿರಬೇಕು.

ಸೋಲ್ಜರ್ ಟ್ರೇಡ್ಸ್‌ಮನ್(ಎಲ್ಲಾ ಸೇನೆ): 8 ನೇ ತರಗತಿ ಪಾಸ್ ಆಗಿರಬೇಕು.

ದೈಹಿಕ ಮಾನದಂಡಗಳು :ಯಾವುದೇ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಕನಿಷ್ಟ 166 ಸೆಂ.ಮೀ ಎತ್ತರ, ಕನಿಷ್ಟ 50 ಕೆಜಿ ತೂಕ, ಕನಿಷ್ಟ 77 ಸೆಂ.ಮೀ ಎದೆ ಸುತ್ತಳತೆ(5ಸೆಂ.ಮೀ ವಿಸ್ತರಿಸಬಹುದಾದ) ದೈಹಿಕ ಮಾನದಂಡಗಳನ್ನು ಹೊಂದಿರಬೇಕು.

ವಯೋಮಿತಿ: ಮೇಲಿನ ಯಾವುದೇ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಲು ಕನಿಷ್ಟ 17 ವರ್ಷ 6 ತಿಂಗಳು ವಯಸ್ಸಾಗಿರಬೇಕು ಸೋಲ್ಜರ್ ಜೆನೆರಲ್ ಡ್ಯೂಟಿ ಹುದ್ದೆಗೆ ಗರಿಷ್ಟ 21 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದೆ. ಉಳಿದವುಗಳಿಗೆ ಗರಿಷ್ಟ ವಯೋಮಿತಿ 23 ವರ್ಷ ವಯೋಮಿತಿ ಮೀರದವರು ಅರ್ಜಿ ಸಲ್ಲಿಸಬಹುದು.

ದೈಹಿಕ ಮಾನದಂಡಗಳಲ್ಲಿ ಅರ್ಹತೆ ಪಡೆದ ಅಭ್ಯರ್ಥಿಗಳನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ. ಎರಡು ಹಂತಗಳಲ್ಲಿ ಅರ್ಹತೆ ಪಡೆದವರು ಸಾಮಾನ್ಯ ಪ್ರವೇಶ ಪರೀಕ್ಷೆಯನ್ನು ಎದುರಿಸಬೇಕಾಗುತ್ತದೆ.

ಅರ್ಜಿ ಸಲ್ಲಿಸಿದ ಅಭ್ಯರ್ಥಿಗಳು ನೇಮಕಾತಿ ರ‍್ಯಾಲಿ ಸ್ಥಳಕ್ಕೆ ಪ್ರವೇಶ ಪತ್ರದ ಜೊತೆಗೆ, 20 ಫೋಟೋ ಕಾಪಿಗಳು, ಅಗತ್ಯ ವಿದ್ಯಾರ್ಹತೆ ಅಂಕಪಟ್ಟಿಗಳು(ಮೂಲ ಅಂಕಪಟ್ಟಿಗಳು), ಜಾತಿ ಪ್ರಮಾಣ ಪತ್ರ, ಮೀಸಲಾತಿ ಕೋರುವ ಪ್ರಮಾಣ ಪತ್ರ, ಆದಾಯ ಪ್ರಮಾಣ ಪತ್ರ, ವ್ಯಾಸಂಗ ಪ್ರಮಾಣ ಪತ್ರ, ಕ್ಯಾರೆಕ್ಟರ್ ಸರ್ಟಿಫಿಕೇಟ್, ಗ್ರಾಮ ಲೆಕ್ಕಿಗರಿಂದ ಪಡೆದ ಅವಿವಾಹಿತ ಸರ್ಟಿಫಿಕೇಟ್ ಗಳನ್ನು ರ‍್ಯಾಲಿ ಸ್ಥಳಕ್ಕೆ ತರಬೇಕು.

ತಂದೆ-ತಾಯಿ ಹೊರತುಪಡಿಸಿ ಇತರೆ ಪೋಷಕರೊಂದಿಗೆ ವಾಸವಿದ್ದಲ್ಲಿ ರಿಲೇಷನ್‌ಶಿಪ್ ಸರ್ಟಿಫಿಕೇಟ್, ಎನ್‌ಸಿಸಿ ಪ್ರಮಾಣ ಪತ್ರ, ಸ್ಪೋರ್ಟ್‌ ಸರ್ಟಿಫಿಕೇಟ್ ಗಳು ಇದ್ದಲ್ಲಿ ರ‍್ಯಾಲಿ ಸ್ಥಳದಲ್ಲಿ ಸಬ್‌ಮಿಟ್‌ ಮಾಡಬಹುದು.

ಕೊಪ್ಪಳ ರ‍್ಯಾಲಿ ನೇಮಕಾತಿ ಅಧಿಸೂಚನೆಗಾಗಿ ಕ್ಲಿಕ್ ಮಾಡಿ