ಸರ್ವಿಸಸ್‌ ಸೆಲೆಕ್ಷನ್‌ ಬೋರ್ಡ್‌ ಸಂದರ್ಶನ, ಇಲ್ಲಿದೆ ಮಾಹಿತಿ

ಹೊಸದಿಲ್ಲಿ: ಯುಪಿಎಸ್‌ಸಿ ಎನ್‌ಡಿಎ ಮತ್ತು ಎನ್‌ಎ (1) ಲಿಖಿತ ಪರೀಕ್ಷೆಯಲ್ಲಿ ಉತ್ತೀರ್ಣಗೊಂಡ ಅಭ್ಯರ್ಥಿಗಳಿಗೆ ಸಿಬ್ಬಂದಿ ಆಯ್ಕೆ ಮಂಡಳಿ (ಸರ್ವಿಸಸ್‌ ಸೆಲೆಕ್ಷನ್‌ ಬೋರ್ಡ್‌, ಎಸ್‌ಎಸ್‌ಬಿ) ಸಂದರ್ಶನ ನಡೆಸಲಿದೆ. ಇದೀಗ ಯುಪಿಎಸ್‌ಸಿ ಎನ್‌ಡಿಎ & ಎನ್‌ಎ ಪರೀಕ್ಷೆ (1)ರ ಫಲಿತಾಂಶವನ್ನು ಪ್ರಕಟಿಸಿದ್ದು, ಸಂದರ್ಶನ ದಿನಾಂಕವನ್ನು ಶೀಘ್ರದಲ್ಲೆ ಪ್ರಕಟಿಸಲಿದೆ.

ಎಸ್ಎಸ್‌ಬಿ ನಡೆಸುವ ಸಂದರ್ಶನದ ದಿನಾಂಕವನ್ನು ತಿಳಿಯಲು ಅಧಿಕೃತ ವೆಬ್‌ಸೈಟ್‌ ಪರಿಶೀಲಿಸಲು ಕೋರಲಾಗಿದೆ.

ಎಸ್‌ಎಸ್‌ಬಿ ಸಂದರ್ಶನಕ್ಕೆ ಅಗಮಿಸುವ ಅಭ್ಯರ್ಥಿಗಳು ನೆನಪಿಲ್ಲಿಡಬೇಕಾದ ಪ್ರಮುಖ ಅಂಶಗಳಿವು.
- ವಯಸ್ಸು ಮತ್ತು ಶಿಕ್ಷಣ ಆಹರ್ತೆಗಳನ್ನು ದೃಢೀಕರಿಸುವ ಮೂಲ ದಾಖಲಾತಿಗಳು ಸಂದರ್ಶನಕ್ಕೆ ಬಂದಾಗ ತರಬೇಕು.
- ಫಲಿತಾಂಶದ ಪ್ರಿಂಟ್‌ ಪ್ರತಿಯನ್ನು ಸಂದರ್ಶನಕ್ಕೆ ಹಾಜರಾದಾಗ ತರಬೇಕು.
- ಆಯೋಗದ ಅಧಿಕೃತ ವೆಬ್‌ಸೈಟ್‌ನಲ್ಲಿ ಸಿಗುವ ಫಲಿತಾಂಶ ಪಟ್ಟಿಯನ್ನು ಡೌನ್‌ಲೋಡ್‌ ಅಥವಾ ಪ್ರಿಂಟ್‌ ತೆಗೆದುಕೊಳ್ಳಬಹುದು.

ಏಪ್ರಿಲ್‌ 21, 2019ರಂದು ಕೇಂದ್ರ ಲೋಕಸೇವಾ ಆಯೋಗವು ರಾಷ್ಟ್ರೀಯ ಭದ್ರತಾ ಅಕಾಡೆಮಿ ಮತ್ತು ನೌಕಾ ಅಕಾಡೆಮಿ ಪರೀಕ್ಷೆ (1) 2019 ಲಿಖಿತ ಪರೀಕ್ಷೆಯನ್ನು ನಡೆಸಿತ್ತು.

ರಕ್ಷಣಾ ಸಚಿವಾಲಯದ ಸೇನಾ ಪಡೆ, ನೌಕಾ ಪಡೆ ಮತ್ತು ವಾಯು ಪಡೆಗಳಿಗೆ ನೇಮಕಾತಿ ಸಂಬಂಧ ಸರ್ವಿಸಸ್‌ ಸೆಲೆಕ್ಷನ್‌ ಬೋರ್ಡ್‌ ಸಂದರ್ಶನ ನಡೆಯಲಿದೆ.

ರಾಷ್ಟ್ರೀಯ ಭದ್ರತಾ ಅಕಾಡೆಮಿಯ 143ನೇ ಕೋರ್ಸ್‌ ಮತ್ತು ಭಾರತೀಯ ನೌಕಾ ಅಕಾಡೆಮಿ ಕೋರ್ಸ್‌ (ಐಎನ್‌ಎಸಿ) ಪ್ರವೇಶವು ಜನವರಿ 2, 2020ಕ್ಕೆ ಆರಂಭಗೊಳ್ಳಲಿದೆ. ಯುಪಿಎಸ್‌ಸಿ ಎನ್‌ಡಿಎ & ಎನ್‌ಎ (1) ಫಲಿತಾಂಶವು ಆಯೋಗದ ಅಧಿಕೃತ ವೆಬ್‌ಸೈಟ್‌ https://upsc.gov.in/ ನಲ್ಲಿ ಲಭ್ಯವಿದೆ.

ರಾಷ್ಟ್ರೀಯ ಭದ್ರತಾ ಅಕಾಡೆಮಿ ಮತ್ತು ನೌಕಾ ಅಕಾಡೆಮಿ ಪರೀಕ್ಷೆ (1) ಏಪ್ರಿಲ್‌ 21, 2019ರಂದು ಯುಪಿಎಸ್‌ಸಿ ನಡೆಸಿತ್ತು.

ಯುಪಿಎಸ್‌ಸಿ ಎನ್‌ಡಿಎ & ಎನ್‌ಎ (1) ಲಿಖಿತ ಪರೀಕ್ಷೆ ಫಲಿತಾಂಶ ಪ್ರಕಟ