ಸಿಆರ್ಪಿಎಫ್ನಲ್ಲಿ ವೈದ್ಯರ ನೇಮಕಕ್ಕೆ ಜುಲೈ 30ರಂದು ಸಂದರ್ಶನ
ಕೇಂದ್ರ ಮೀಸಲು ಪೊಲೀಸ್ ಪಡೆ (ಸಿಆರ್ಪಿಎಫ್) ಸ್ಪೆಷಲಿಸ್ಟ್, ಡೆಂಟಲ್ ಸರ್ಜನ್ ಮತ್ತು ಜನರಲ್ ಡ್ಯೂಟಿ ಮೆಡಿಕಲ್ ಆಫೀಸರ್ ಹುದ್ದೆಗಳನ್ನು ನೇರ ಸಂದರ್ಶನದ ಮೂಲಕ ಭರ್ತಿ ಮಾಡಲಿದೆ.
Vijaya Karnataka 27 Jul 2019, 5:00 am
ಒಟ್ಟು ಹುದ್ದೆಗಳು 92
ಸಂದರ್ಶನ ನಡೆಯುವ ದಿನಾಂಕ: ಜುಲೈ 30, 2019
ಗುತ್ತಿಗೆಯಾಧರಿತ ನೇಮಕಾತಿ
ಹೆಚ್ಚಿನ ವಿವರಗಳಿಗೆ: https://crpf.gov.in
ಕೇಂದ್ರ ಮೀಸಲು ಪೊಲೀಸ್ ಪಡೆ (ಸಿಆರ್ಪಿಎಫ್) ಸ್ಪೆಷಲಿಸ್ಟ್, ಡೆಂಟಲ್ ಸರ್ಜನ್ ಮತ್ತು ಜನರಲ್ ಡ್ಯೂಟಿ ಮೆಡಿಕಲ್ ಆಫೀಸರ್ ಹುದ್ದೆಗಳನ್ನು ನೇರ ಸಂದರ್ಶನದ ಮೂಲಕ ಭರ್ತಿ ಮಾಡಲಿದೆ. ಇವು ಗುತ್ತಿಗೆಯಾಧರಿತ ಹುದ್ದೆಗಳಾಗಿದ್ದು, ಜುಲೈ 30ರಂದು ಸಂದರ್ಶನ ನಡೆಯಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಛತ್ತೀಸ್ಗಢ, ರಾಂಚಿ, ಶ್ರೀನಗರ, ಗುವಾಹತಿ, ಮಣಿಪುರ, ನಾಗ್ಪುರ ಮತ್ತು ಜಮ್ಮುವಿನಲ್ಲಿರುವ ಸಿಆರ್ಪಿಎಫ್ ಕಾಂಪೋಸಿಟ್ ಆಸ್ಪತ್ರೆಯಲ್ಲಿ ಖಾಲಿ ಇರುವ ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತದೆ.
ಜನರಲ್ ಡ್ಯೂಟಿ ಮೆಡಿಕಲ್ ಆಫೀಸರ್ : ಈ ಹುದ್ದೆಯ ಸಂದರ್ಶನದಲ್ಲಿ ಭಾಗವಹಿಸುವವರು ಎಂಬಿಬಿಎಸ್ ಮತ್ತು ಇಂಟರ್ನ್ಶಿಪ್ ಪೂರ್ಣಗೊಳಿಸಿರುವ ಅಭ್ಯರ್ಥಿಗಳು ಭಾಗವಹಿಸಬಹುದು.
ಸ್ಪೆಷಲಿಸ್ಟ್ : ಮೆಡಿಸಿನ್, ಸರ್ಜಿಕಲ್, ಗೈನಾಕಾಲಜಿ, ಅನಸ್ತೇಷಿಯಾಲಜಿ, ರೇಡಿಯೋಲಜಿ ಮತ್ತು ಪೆಥಾಲಜಿ ವಿಭಾಗಗಳಲ್ಲಿ ಸ್ಪೆಷಲಿಸ್ಟ್ಗಳನ್ನು ನೇಮಕ ಮಾಡಿಕೊಳ್ಳಲಾಗುತ್ತದೆ. ಎಂಬಿಬಿಎಸ್ ಬಳಿಕ ಸಂಬಂಧಪಟ್ಟ ವಿಷಯಗಳಲ್ಲಿ ಪೋಸ್ಟ್ ಗ್ರ್ಯಾಜುಯೇಟ್/ ಡಿಪ್ಲೊಮಾ ಮಾಡಿದವರು ಈ ಹುದ್ದೆಗಳ ಸಂದರ್ಶನದಲ್ಲಿ ಭಾಗವಹಿಸಬಹುದಾಗಿದೆ. ಪಿಜಿ ಡಿಗ್ರಿ ಬಳಿಕ ಒಂದೂವರೆ ವರ್ಷ/ ಪಿಜಿ ಡಿಪ್ಲೊಮಾ ಬಳಿಕ ಎರಡು ವರ್ಷಗಳ ಸೇವಾನುಭವ ಹೊಂದಿರಬೇಕು.
ಡೆಂಟಲ್ ಸರ್ಜನ್: ಡೆಂಟಲ್ ಸರ್ಜರಿಯಲ್ಲಿ ಪದವಿ ಮಾಡಿರುವ ಮತ್ತು ಡೆಂಟಲ್ ಕೌನ್ಸಿಲ್ ಆಫ್ ಇಂಡಿಯಾದಲಿ ಹೆಸರು ನೋಂದಾಯಿಸಿರುವ ಅಭ್ಯರ್ಥಿಗಳು ಸಂದರ್ಶನದಲ್ಲಿ ಭಾಗವಹಿಸಬಹುದು. ಬಿಡಿಎಸ್ ಎಗ್ಸಾಮ್ನಲ್ಲಿ ಕನಿಷ್ಠ ಶೇಕಡಾ 60 ಅಥವಾ ಅದಕ್ಕಿಂತ ಹೆಚ್ಚು ಅಂಕಗಳನ್ನು ಪಡೆದು ಪಾಸಾಗಿರಬೇಕು.