ಕೋವಿಡ್ ಮಧ್ಯೆಯೂ 2 ಲಕ್ಷ ಹೊಸ ಉದ್ಯೋಗ

ಕೊರೊನಾ ಬಿಕ್ಕಟ್ಟಿನ ಪರಿಣಾಮ ಉದ್ಯೋಗ ಕಡಿತ, ವೇತನ ಕಡಿತದ ಸುದ್ದಿಗಳೇ ಕೇಳಿಸುತ್ತಿವೆ. ಆದರೆ, ಕೆಲವು ಅಂಕಿಅಂಶಗಳು ಹೊಸ ಭರವಸೆ ಹುಟ್ಟಿಸುವಂತಿವೆ. ಎಕನಾಮಿಕ್ ಟೈಮ್ಸ್‌ ವಿಶ್ಲೇಷಣೆ ಮತ್ತು ಮಾಹಿತಿ ಪ್ರಕಾರ, ಕೊರೊನಾ ಅವಧಿಯಲ್ಲಿ ಅಂದರೆ ಕಳೆದ ನಾಲ್ಕು ವಾರಗಳಲ್ಲಿ 2 ಲಕ್ಷದಲ್ಲಿ ಶೇ.25 ರಷ್ಟು ಹೊಸ ಉದ್ಯೋಗಗಳು ಸೃಷ್ಟಿಯಾಗಿವೆ.

ಅಮೆಜಾನ್, ಗೂಗಲ್, ಐಬಿಎಂ, ಕ್ಯಾಪ್‌ಜೆಮಿನಿ, ವಾಲ್‌ ಮಾರ್ಟ್‌, ಟೆಕ್‌ ಮಹೀಂದ್ರಾ, ಗ್ರೋಫರ್ಸ್‌, ಬೈಜೂಸ್, ಫ್ಲಿಪ್‌ಕಾರ್ಟ್‌, ಬಿಗ್ ಬಾಸ್ಕೆಟ್, ಮೊದಲಾದ ಕಂಪನಿಗಳು ಉದ್ಯೋಗಾವಕಾಶಗಳನ್ನು ಸೃಷ್ಟಿಸಿವೆ. ಈ ಕುರಿತ ಜಾಹೀರಾತುಗಳನ್ನು ಲಿಂಕ್ಡ್‌ಇನ್‌ನಲ್ಲಿನ ತಮ್ಮ ಅಧಿಕೃತ ಪುಟಗಳಲ್ಲಿ ಪ್ರಕಟಿಸಿವೆ.

ಹೊಸ 2 ಲಕ್ಷ ಉದ್ಯೋಗಾವಕಾಶಗಳ ಪೈಕಿ ಬೆಂಗಳೂರಿನಲ್ಲಿ ಶೇ.20, ದಿಲ್ಲಿಯಲ್ಲಿ ಶೇ.8 ಮತ್ತು ಚೆನ್ನೈನಲ್ಲಿ ಶೇ.7 ರಷ್ಟು ಅವಕಾಶಗಳಿವೆ ಎಂದು ಕ್ಲಿಫಿನೊ ಅಧ್ಯಯನದಲ್ಲಿ ಹೇಳಲಾಗಿದೆ. ಸೀನಿಯರ್ ಸಾಫ್ಟ್‌ವೇರ್ಸ್‌ ಎಂಜಿನಿಯರ್, ಪ್ರೋಗ್ರಾಮರ್‌ಗಳಿಗೆ ಹೆಚ್ಚಿನ ಬೇಡಿಕೆ ಇದೆ. ತಾಂತ್ರಿಕೇತರ ವಲಯದಲ್ಲಿ ಸೇಲ್ಸ್‌ ಎಕ್ಸಿಕ್ಯೂಟೀವ್ಸ್‌ಗೆ ಭಾರಿ ಡಿಮಾಂಡ್ ಕಂಡುಬಂದಿದೆ.

ಕೊರೊನಾ ಎಫೆಕ್ಟ್‌ ಹಿನ್ನೆಲೆಯಲ್ಲಿ ಐಟಿ ಕಂಪನಿಗಳು ಜಾಬ್ ಆಫರ್‌ ಕ್ಯಾನ್ಸಲ್ ಮಾಡುತ್ತವೆಯೇ?

ನೇಮಕಾತಿ ನಿಲ್ಲಿಸಿಲ್ಲ

"ನಾವು ನೇಮಕ ಪ್ರಕ್ರಿಯೆ ನಿಲ್ಲಿಸಿಲ್ಲ, ಅನಿಶ್ಚಿತ ಕಾಲದಲ್ಲಿ ಪ್ರಕ್ರಿಯೆಗಳು ಮಂದಗತಿಯಲ್ಲಿವೆ. ಆದಾಗ್ಯೂ ಉತ್ತಮ ಉದ್ಯೋಗಿಗಳಿಗಾಗಿ ಹುಡುಕಾಟ ಮುಂದುವರೆದಿದೆ," ಎಂದು ಡೆಲೊಯಿಟ್ ನ ಪ್ರತಿಭಾಶೋಧ ವಿಭಾಗದ ಮುಖ್ಯಾಧಿಕಾರಿ ಎಸ್‌.ವಿ.ನಾಥನ್ ತಿಳಿಸಿದ್ದಾರೆ. "ನೇಮಕ ಪ್ರಕ್ರಿಯೆಗಳು ಮುಂದುವರೆದಿದೆ," ಎಂದು ಕ್ಯಾಪ್‌ಜೆಮಿನಿ ವಕ್ತಾರರು ಹೇಳಿದ್ದಾರೆ. ಹೊಸ ಕೌಶಲದ ಉದ್ಯೋಗಿಗಳನ್ನು ಹುಡುಕುತ್ತಿರುವುದಾಗಿ ಟೆಕ್ ಮಹೀಂದ್ರಾ ಸಹ ಮಾಹಿತಿ ನೀಡಿದೆ.

ಮುಂದಿನ 2 ವರ್ಷಗಳ ಕಾಲ ಯಾವುದೇ ನೇಮಕಾತಿ ಮಾಡುವುದಿಲ್ಲವೇ?

ಇತರೆ ಮುಖ್ಯಾಂಶಗಳು

- 80 ಸಾವಿರ ಎಂಟ್ರಿ ಲೆವೆಲ್ ಹುದ್ದೆಗಳು ಖಾಲಿ ಇವೆ. ಈಗತಾನೇ ಪದವಿ ಮುಗಿಸಿರುವ ಮಂದಿಗೆ ಇದೊಂದು ಖುಷಿ ಸಮಾಚಾರ.

- ಹೊಸ ಉದ್ಯೋಗಗಳಲ್ಲಿ ಶೇ.40 ರಷ್ಟು ಜೂನಿಯರ್ ಮತ್ತು ಮಿಡ್-ಸೀನಿಯರ್ ಮಟ್ಟದ ಹುದ್ದೆಗಳು ಖಾಲಿ ಇವೆ.

- ಪ್ರಮುಖ ಕಂಪನಿಗಳು ಜಾಹೀರಾತು ನೀಡಿರುವ 2 ಲಕ್ಷ ಉದ್ಯೋಗಗಳ ಪೈಕಿ ಶೇ.91 ರಷ್ಟು ಜಾಬ್‌ಗಳ ಪೂರ್ಣಾವಧಿ ಹುದ್ದೆಗಳಾಗಿವೆ. ಉಳಿದವು ಪಾರ್ಟ್‌ ಟೈಮ್ ಕೆಲಸಗಳಾಗಿವೆ.

- ಒಟ್ಟು ಉದ್ಯೋಗಾವಕಾಶಗಳಲ್ಲಿ ಶೇ.79 ರಷ್ಟು ಐಟಿ ಸಂಬಂಧಿ ಸೇವೆಗಳ ಹುದ್ದೆಗಳೇ ಇವೆ.

- ಇ-ಕಾಮರ್ಸ್‌, ಬ್ಯಾಂಕಿಂಗ್, ಇನ್ಷೂರೆನ್ಸ್‌, ಫೈನಾನ್ಷಿಯಲ್ ಸರ್ವೀಸ್, ವಲಯದಲ್ಲಿ ಶೇ.15 ರಷ್ಟು ಅರ್ಜಿ ಆಹ್ವಾನಿಸಲಾಗಿದೆ.