ನ್ಯಾಷನಲ್‌ ಸೆಂಟರ್‌ ಫಾರ್‌ ಬಯೋಲಾಜಿಕಲ್‌ ಸೈನ್ಸ್‌ನಲ್ಲಿ ವಿವಿಧ ಹುದ್ದೆ: ಅರ್ಜಿಗಳಿಗೆ ಆಹ್ವಾನ

ಬೆಂಗಳೂರಿನ ನ್ಯಾಷನಲ್‌ ಸೆಂಟರ್‌ ಫಾರ್‌ ಬಯೋಲಾಜಿಕಲ್‌ ಸೈನ್ಸ್‌ (ಎನ್‌ಸಿಬಿಎಸ್‌) ವಿವಿಧ ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಹ ಅಭ್ಯರ್ಥಿಗಳಿಂದ ಅರ್ಜಿಗಳನ್ನು ಆಹ್ವಾನಿಸಿದೆ. ಅರ್ಜಿ ಸಲ್ಲಿಸಲು ಮೇ 15 ಕೊನೆಯ ದಿನ. ಆಸಕ್ತರು ಮೇ 15ರೊಳಗೆ ಅರ್ಜಿ ಕಳುಹಿಸಬಹುದು.

ಕೋ-ಆರ್ಡಿನೇಟರ್‌ ಹುದ್ದೆಯ ಅಭ್ಯರ್ಥಿಗಳು ಪದವಿ ಓದಿರಬೇಕು. ಜೆಆರ್‌ಎಫ್‌/ ರಿಸರ್ಚ್‌ ಅಸಿಸ್ಟೆಂಟ್‌ ಹುದ್ದೆಯ ಅಭ್ಯರ್ಥಿಗಳು ಬಯೋಲಾಜಿಕಲ್‌ ಸೈನ್ಸ್‌ ಅಥವಾ ಪೂರಕ ವಿಷಯಗಳಲ್ಲಿ ಎಂಎಸ್ಸಿ ಮಾಡಿರಬೇಕು. ಮಾಲೆಕ್ಯುಲರ್‌ ಬಯೋಲಜಿ ಮತ್ತು ವೈರಾಲಜಿಯಲ್ಲಿ ಸಂಶೋಧನಾನುಭವ ಇದ್ದರೂ ಅರ್ಜಿ ಕಳುಹಿಸಬಹುದು.

ರಿಸರ್ಚ್‌ ಫೆಲೋ/ ಲ್ಯಾಬ್‌ ಸೈಂಟಿಸ್ಟ್‌ ಹುದ್ದೆಯ ಅಭ್ಯರ್ಥಿಗಳು ಸ್ನಾತಕೋತ್ತರ ಪದವಿ (ಲೈಫ್‌ ಸೈನ್ಸ್‌) ಅಥವಾ ಪದವಿ ಜೊತೆಗೆ ಎರಡು ವರ್ಷ ಮೆಡಿಕಲ್‌ ಲ್ಯಾಬೋರೇಟರಿ ಅಥವಾ ರಿಸರ್ಚ್‌ಗೆ ಸಂಬಂಧಪಟ್ಟಂತೆ ಕೆಲಸ ಮಾಡಿರಬೇಕು. ಪೋಸ್ಟ್‌ ಡಾಕ್ಟರಲ್‌ ಹುದ್ದೆಗೆ ಪಿಎಚ್‌.ಡಿ ವಿದ್ಯಾರ್ಹತೆ ನಿಗದಿಪಡಿಸಲಾಗಿದೆ. ವಿವರಗಳಿಗೆ: https://www.ncbs.res.in/