ಸಿಎಂಟಿಐನಲ್ಲಿ ಹುದ್ದೆಗಳಿಗೆ ನೇಮಕ: ಜೂನ್ 13ರಂದು ಸಂದರ್ಶನ

ಬೆಂಗಳೂರಿನ ಸೆಂಟ್ರಲ್‌ ಮ್ಯಾನ್ಯುಫ್ಯಾಕ್ಚರಿಂಗ್‌ ಟೆಕ್ನಾಲಜಿ ಇನ್‌ಸ್ಟಿಟ್ಯೂಟ್‌ (ಸಿಎಂಟಿಐ) ಪ್ರಾಜೆಕ್ಟ್ ಫೆಲೋ, ಪ್ರಾಜೆಕ್ಟ್ ಅಸಿಸ್ಟೆಂಟ್‌ ಸೇರಿದಂತೆ ವಿವಿಧ ಹುದ್ದೆಗಳನ್ನು ನೇರ ಸಂದರ್ಶನದ ಮೂಲಕ ಭರ್ತಿ ಮಾಡಲಿದೆ. ಒಟ್ಟು 54 ಹುದ್ದೆಗಳಿಗೆ ನೇಮಕ ನಡೆಯಲಿದೆ.

ಹೆವಿ ಇಂಡಸ್ಟ್ರೀಸ್‌ ಆ್ಯಂಡ್‌ ಪಬ್ಲಿಕ್‌ ಎಂಟರ್‌ಪ್ರೈಸಸ್‌ ಮಿನಿಸ್ಟ್ರಿ ಅಧೀನದಲ್ಲಿರುವ ಸಿಎಂಟಿಐ ಬೆಂಗಳೂರಿನ ತುಮಕೂರು ರಸ್ತೆಯಲ್ಲಿನ ತನ್ನ ಘಟಕದಲ್ಲಿ ಖಾಲಿ ಇರುವ ಹುದ್ದೆಗಳನ್ನು ಭರ್ತಿ ಮಾಡಲಿದೆ.

ಅರ್ಹತೆಗಳೇನು?

ಪ್ರಾಜೆಕ್ಟ್ ಫೆಲೋ: ಸಂಬಂಧಪಟ್ಟ ವಿಷಯಗಳಲ್ಲಿ ಬಿಇ/ಬಿಟೆಕ್‌/ಎಂಇ/ಎಂಟೆಕ್‌ ಅಥವಾ ಎಂಎಸ್‌ ವ್ಯಾಸಂಗ ಪೂರ್ಣಗೊಳಿಸಿರುವ ಅಭ್ಯರ್ಥಿಗಳು ಸಂದರ್ಶನದಲ್ಲಿ ಭಾಗವಹಿಸಬಹುದು.

ಪ್ರಾಜೆಕ್ಟ್ ಅಸಿಸ್ಟೆಂಟ್‌(ಐಐ): ಮೊದಲ ದರ್ಜೆಯಲ್ಲಿ ಡಿಪ್ಲೊಮಾ (ಮೆಕ್ಯಾನಿಕಲ್‌/ ಎಲೆಕ್ಟ್ರಾನಿಕ್ಸ್‌/ ಕಂಪ್ಯೂಟರ್‌ ಸೈನ್ಸ್‌/ ಸಿವಿಲ್‌) ಮತ್ತು ಬಿಎಸ್ಸಿ (ಪಿಸಿಎಂ) ವಿದ್ಯಾರ್ಹತೆ ಹೊಂದಿರಬೇಕು. ಜೂನ್‌ 10ರಂದು ಸಂದರ್ಶನ ನಡೆಯಲಿದೆ.

ಪ್ರಾಜೆಕ್ಟ್ ಅಸಿಸ್ಟೆಂಟ್‌(ಐ): ಈ ಹುದ್ದೆಗೆ ಜೂನ್‌ 13ರಂದು ಸಂದರ್ಶನ ನಡೆಯಲಿದೆ. ಫಿಟ್ಟರ್‌, ಟರ್ನರ್‌ ಅಥವಾ ಎಲೆಕ್ಟ್ರಿಷಿಯನ್‌ ವಿಷಯದಲ್ಲಿ ಮೊದಲ ದರ್ಜೆಯಲ್ಲಿ ಐಟಿಐ ಮಾಡಿದವರು ಸಂದರ್ಶನದಲ್ಲಿ ಭಾಗವಹಿಸಲು ಅರ್ಹರು.

ಡೇಟಾ ಎಂಟ್ರಿ ಆಪರೇಟರ್‌: ಬಿಎ/ಬಿಕಾಂ/ ಬಿಸಿಎ/ ಬಿಬಿಎ/ ಬಿಬಿಎಂ/ ಬಿಎಸ್ಸಿ ವ್ಯಾಸಂಗ ಪೂರ್ಣಗೊಳಿಸಿರುವ ಅಭ್ಯರ್ಥಿಗಳು ಸಂದರ್ಶನದಲ್ಲಿ ಭಾಗವಹಿಸಲು ಸೂಚಿಸಲಾಗಿದೆ. ಜೂನ್‌ 18ರಂದು ಸಂದರ್ಶನ ನಡೆಯಲಿದೆ.

ಅಭ್ಯರ್ಥಿಗಳ ಗಮನಕ್ಕೆ

*ಸಂದರ್ಶನದಲ್ಲಿ ಭಾಗವಹಿಸುವ ಅಭ್ಯರ್ಥಿಗಳು ನಿಗದಿತ ದಿನದಂದು ಬೆಳಗ್ಗೆ 9 ಗಂಟೆಯೊಳಗೆ ಹೆಸರು ನೋಂದಾಯಿಸಿರಬೇಕು.

*ಅರ್ಜಿ ನಮೂನೆಯು ವೆಬ್‌ನಲ್ಲಿ ಲಭ್ಯವಿದ್ದು, ಹೆಸರು ನೋಂದಾಯಿಸುವಾಗ ಭರ್ತಿ ಮಾಡಿದ ಅರ್ಜಿಯನ್ನೂ ದಾಖಲೆಗಳ ಜೊತೆಗೆ ಸಲ್ಲಿಸಬೇಕು.

*ನಿಗದಿತ ವಿದ್ಯಾರ್ಹತೆಯಲ್ಲಿ ಕನಿಷ್ಠ ಶೇಕಡಾ 60 ಅಥವಾ ಅದಕ್ಕಿಂತ ಹೆಚ್ಚು ಅಂಕ ಪಡೆದವರು ಮಾತ್ರ ಸಂದರ್ಶನದಲ್ಲಿ ಭಾಗವಹಿಸಲು ಅರ್ಹರು.

*ಸಂದರ್ಶನದಲ್ಲಿ ಭಾಗವಹಿಸುವವರಿಗೆ ಪ್ರಯಾಣ ಭತ್ಯೆ ಸೌಲಭ್ಯ ಇರುವುದಿಲ್ಲ

*ಆರಂಭದಲ್ಲಿ ಎರಡು ವರ್ಷದ ಅವಧಿಗೆ ಮಾತ್ರ ಗುತ್ತಿಗೆ ಆಧಾರದಲ್ಲಿ ನೇಮಕ

ಪ್ರಾಜೆಕ್ಟ್ ಫೆಲೋ, ಅಸಿಸ್ಟೆಂಟ್‌, ಡಿಇಒ ಹುದ್ದೆಗಳಿಗೆ ನೇಮಕ

ಬೆಂಗಳೂರು: ಸಿಎಂಟಿಐನಲ್ಲಿ ಸಂದರ್ಶನ

*ಒಟ್ಟು ಹುದ್ದೆಗಳು 54

ಸಂದರ್ಶನ ನಡೆಯುವ ಸ್ಥಳ: ಸಿಎಂಟಿಐ, ತುಮಕೂರು ರಸ್ತೆ, ಬೆಂಗಳೂರು- 560022

ಹೆಚ್ಚಿನ ಮಾಹಿತಿಗೆ ಅಧಿಕೃತ ವೆಬ್‌ಸೈಟ್‌ ನೋಡಿ