ಕೊಡಗು ಮೆಡಿಕಲ್‌ ಕಾಲೇಜಿನಲ್ಲಿ ಜಾಬ್ಸ್: ನಾಳೆ ಸಂದರ್ಶನ

ಮಡಿಕೇರಿಯಲ್ಲಿರುವ 'ಕೊಡಗು ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ'ಯು (ಕಿಮ್ಸ್‌) ವಿವಿಧ ವಿಭಾಗಗಳಲ್ಲಿ ಖಾಲಿ ಇರುವ ಬೋಧಕ ಹುದ್ದೆಗಳನ್ನು ನೇರ ಸಂದರ್ಶನದ ಮೂಲಕ ಭರ್ತಿ ಮಾಡುತ್ತಿದ್ದು, ನಾಳೆ (ಮೇ 29) ಸಂದರ್ಶನ ನಡೆಯಲಿದೆ. ಅರ್ಜಿ ಸಲ್ಲಿಕೆಗೆ ಮೇ 25ರವರೆಗೆ ಅವಕಾಶ ನೀಡಲಾಗಿತ್ತು.

ಮೇ 29ರಂದು ಸಂದರ್ಶನ ನಡೆಯಲಿದ್ದು, ಇನ್ನೂ ಅರ್ಜಿ ಸಲ್ಲಿಸದೇ ಇರುವ ಅಭ್ಯರ್ಥಿಗಳು ಈ ಅವಕಾಶ ಬಳಸಿಕೊಳ್ಳಬಹುದಾಗಿದೆ. ಎರಡು ಮಹಿಳಾ ವೈದ್ಯಾಧಿಕಾರಿ ಹುದ್ದೆಗಳು ಸೇರಿದಂತೆ ಒಟ್ಟು 57 ಹುದ್ದೆಗಳಿಗೆ ನೇಮಕ ನಡೆಯಲಿದೆ.

ಅನಸ್ತೇಷಿಯಾಲಜಿ, ರೇಡಿಯಾಲಜಿ ಮತ್ತು ಡೆಂಟಿಸ್ಟ್ರಿ ವಿಭಾಗಗಳಲ್ಲಿ ಒಟ್ಟು 3 ಪ್ರೊಫೆಸರ್‌ ಹುದ್ದೆಗಳಿಗೆ, ಜನರಲ್‌ ಮೆಡಿಸಿನ್‌, ಡರ್ಮಟಾಲಜಿ, ಅಪ್ತಲ್ಮಾಲಜಿ, ಒಬಿಜಿ ಮತ್ತು ರೇಡಿಯೋಲಜಿ ವಿಭಾಗದಲ್ಲಿ 7 ಸಹ ಪ್ರಾಧ್ಯಾಪಕರ ಹುದ್ದೆಗಳಿಗೆ, ಜನರಲ್‌ ಮೆಡಿಸಿನ್‌, ಪೆಥಾಲಜಿ, ಕಮ್ಯೂನಿಟಿ ಮೆಡಿಸಿನ್‌, ಮೈಕ್ರೊಬಯೋಲಜಿ, ಇಎನ್‌ಟಿ, ಪೀಡಿಯಾಟ್ರಿಕ್ಸ್‌, ಟಿಬಿ ಆ್ಯಂಡ್‌ ಚೆಸ್ಟ್‌, ಜನರಲ್‌ ಸರ್ಜರಿ, ಆರ್ಥೋಪೆಡಿಕ್ಸ್‌, ಅಪ್ತಲ್ಮಾಲಜಿ, ಒಬಿಜಿ, ರೇಡಿಯೋಲಜಿ ಮತ್ತು ಡೆಂಟಿಸ್ಟ್ರಿ ವಿಭಾಗದಲ್ಲಿ 18 ಸಹಾಯಕ ಪ್ರಾಧ್ಯಾಪಕರ ಹುದ್ದೆಗಳಿಗೆ ನೇಮಕ ನಡೆಯಲಿದೆ.

ಇನ್ನು ಜನರಲ್‌ ಮೆಡಿಸಿನ್‌, ಪೀಡಿಯಾಟ್ರಿಕ್ಸ್‌, ಡರ್ಮಟಾಲಜಿ, ಸೈಕಿಯಾಟ್ರಿ, ಜನರಲ್‌ ಸರ್ಜರಿ, ಆರ್ಥೋಪೆಡಿಕ್ಸ್‌, ಅಪ್ತಲ್ಮಾಲಜಿ, ಟಿಬಿ ಆ್ಯಂಡ್‌ ಚೆಸ್ಟ್‌, ಒಬಿಜಿ ಮತ್ತು ರೇಡಿಯಾಲಜಿ ವಿಭಾಗದಲ್ಲಿ 25 ಸೀನಿಯರ್‌ ರೆಸಿಡೆಂಟ್‌ ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ. ಹೆಚ್ಚಿನ ಮಾಹಿತಿಗೆ ಅಧಿಕೃತ ವೆಬ್‌ಸೈಟ್‌ ನೋಡಿ.