ಕರ್ನಾಟಕ ಸ್ಟೇಟ್ ಏಡ್ಸ್‌ ಪ್ರಿವೆನ್‌ಷನ್ ಸೊಸೈಟಿ ವಿವಿಧ ಹುದ್ದೆಗಳನ್ನು ಗುತ್ತಿಗೆ ಆಧಾರದ ಮೇಲೆ ನೇಮಕಾತಿ ಮಾಡಲು, ಅಧಿಸೂಚನೆ ಹೊರಡಿಸಿದೆ. ಹುದ್ದೆಗಳ ವಿವರ ಮತ್ತು ಇತರೆ ಹೆಚ್ಚಿನ ಮಾಹಿತಿ ಕೆಳಗಿನಂತಿದೆ.

ಹುದ್ದೆಗಳ ವಿವರ

1. ಅಸಿಸ್ಟಂಟ್ ಡೈರೆಕ್ಟರ್(ವಾಲೆಂಟರಿ ಬ್ಲಡ್ ಡೊನೇಷನ್) : 1

2. ಅಸಿಸ್ಟಂಟ್ ಡೈರೆಕ್ಟರ್(ಟಾರ್ಗೆಟೆಡ್ ಇಂಟರ್‌ವೆನ್ಷನ್): 1

3. ಉಸ್ತುವಾರಿ ಮತ್ತು ಮೇಲ್ವಿಚಾರಕ ಅಧಿಕಾರಿ : 1

4. ಅಸಿಸ್ಟಂಟ್ ಡೈರೆಕ್ಟರ್ (ಮೆಟೀರಿಯಲ್ ಮ್ಯಾನೇಜ್ಮೆಂಟ್) : 1

5. ಹಣಕಾಸು ಸಹಾಯಕ : 3

6. ಜಿಲ್ಲಾ ಉಸ್ತುವಾರಿ ಅಧಿಕಾರಿ: 8

Karnataka PSI Jobs: ಪೊಲೀಸ್ ಸಬ್‌-ಇನ್ಸ್‌ಪೆಕ್ಟರ್ ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನ

ವಿದ್ಯಾರ್ಹತೆ ಮತ್ತು ಇತರೆ ಅರ್ಹತೆಗಳು

ಅಸಿಸ್ಟಂಟ್ ಡೈರೆಕ್ಟರ್ ಹುದ್ದೆಗಳಿಗೆ ಅಂಗೀಕೃತ ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿಯನ್ನು ಸಮಾಜ ವಿಜ್ಞಾನ/ ಸೋಶಿಯಾಲಜಿ / ಸೋಶಿಯಲ್ ವರ್ಕ್‌ ವಿಷಯಗಳಲ್ಲಿ ಪಡೆದಿರಬೇಕು. ಇತರೆ ಹುದ್ದೆಗಳಿಗೂ ಅಧಿಸೂಚನೆಯಲ್ಲಿ ಸೂಚಿಸಿದ ಶೈಕ್ಷಣಿಕ ಅರ್ಹತೆಗಳನ್ನು ಹೊಂದಿರಬೇಕು. ಎಲ್ಲಾ ಹುದ್ದೆಗಳಿಗೂ ಕನಿಷ್ಠ 2-3 ವರ್ಷ ಕಾರ್ಯಾನುಭವವನ್ನು ಆಯಾ ಹುದ್ದೆಗಳಿಗೆ ನಿಗದಿಪಡಿಸಿದಂತೆ ಹೊಂದಿರಬೇಕು.

ವೇತನ ಎಷ್ಟು?

- ಹಣಕಾಸು ಸಹಾಯಕ ಹುದ್ದೆಗೆ ಮಾಸಿಕ ರೂ.17,000.

- ಜಿಲ್ಲಾ ಉಸ್ತುವಾರಿ ಹುದ್ದೆಗೆ ಮಾಸಿಕ ರೂ.16,200.

- ಇತರೆ ಎಲ್ಲಾ ಹುದ್ದೆಗಳಿಗೆ ಮಾಸಿಕ ರೂ.25,000.

ಆಯುಷ್‌ ಇಲಾಖೆಯಡಿ ಹಾಸನ ಜಿಲ್ಲೆಯಾದ್ಯಂತ ವಿವಿಧ ಹುದ್ದೆಗಳ ನೇಮಕ

ಆಯ್ಕೆ ವಿಧಾನ

ನೇರ ಸಂದರ್ಶನದ ಮೂಲಕ ಆಯ್ಕೆ ಮಾಡಲಾಗುತ್ತದೆ. ವಿದ್ಯಾರ್ಹತೆ ಮತ್ತು ಕಾರ್ಯಾನುಭವಗಳನ್ನು ಪರಿಗಣಿಸಿ ಸಂದರ್ಶನದ ಮೂಲಕ ನೇಮಕಾತಿ ಮಾಡಿಕೊಳ್ಳಲಾಗುತ್ತದೆ.

ಸಂದರ್ಶನ ಯಾವಾಗ?

1 ರಿಂದ 4 ಸೀರಿಯಲ್‌ ಸಂಖ್ಯೆಯ ವರೆಗಿನ ಹುದ್ದೆಗಳಿಗೆ ದಿನಾಂಕ 05-11-2019 ರಂದು ನೇರ ಸಂದರ್ಶನ ನಡೆಸಲಾಗುತ್ತದೆ.

5 ಮತ್ತು 6 ಸೀರಿಯಲ್‌ ಸಂಖ್ಯೆ ಹುದ್ದೆಗಳಿಗೆ ದಿನಾಂಕ 06-11-2019 ರಂದು ನೇರ ಸಂದರ್ಶನ ನಡೆಸಲಾಗುತ್ತದೆ.

ಮೇಲೆ ತಿಳಿಸಿದ ದಿನಾಂಕಗಳಂದು ನೇರ ಸಂದರ್ಶನಕ್ಕೆ ಹಾಜರಾಗಲು ವಿದ್ಯಾರ್ಹತೆ ಮತ್ತು ಕಾರ್ಯಾನುಭವದ ಪ್ರಮಾಣ ಪತ್ರಗಳ ಜೊತೆಗೆ ಭರ್ತಿ ಮಾಡಿದ ಅರ್ಜಿಯನ್ನು ತೆಗೆದುಕೊಂಡು ಹೋಗಬೇಕು.

ಸಂದರ್ಶನ ನಡೆಯುವ ವಿಳಾಸ: ಪ್ರಾಜೆಕ್ಟ್‌ ಡೈರೆಕ್ಟರ್ ಕಛೇರಿ, ಕರ್ನಾಟಕ ಸ್ಟೇಟ್ ಏಡ್ಸ್‌ ಪ್ರಿವೆನ್ಷನ್, ಸರ್ ಸಿ.ವಿ.ರಾಮನ್ ಜೆನೆರಲ್ ಹಾಸ್ಪಿಟಲ್, 2ನೇ ಮಹಡಿ, 80 ಫೀಟ್ ರೋಡ್, ಇಂದಿರಾನಗರ್, ಬೆಂಗಳೂರು. ಈ ಕಛೇರಿಯಲ್ಲಿ ಸಂದರ್ಶನ ದಿನಾಂಕದಂದು ಬೆಳಿಗ್ಗೆ 10 ಗಂಟೆಗೆ ಅಭ್ಯರ್ಥಿಗಳು ತಮ್ಮ ಹೆಸರು ರಿಜಿಸ್ಟರ್ ಮಾಡಿಸಬೇಕು.

ಹುದ್ದೆಗಳಿಗೆ ಮೇಲೆ ತಿಳಿಸಿದ ಶೈಕ್ಷಣಿಕ ಅರ್ಹತೆ ಪೂರೈಸುವ, 40 ವರ್ಷ ವಯೋಮಿತಿ ಮೀರದ ಅಭ್ಯರ್ಥಿಗಳು ನೇರ ಸಂದರ್ಶನಕ್ಕೆ ಹಾಜರಾಗಬಹುದು. ಈ ಹುದ್ದೆಗಳನ್ನು ಮಾರ್ಚ್‌ 2020 ರ ವರೆಗೆ ಪ್ರಾಥಮಿಕವಾಗಿ ಗುತ್ತಿಗೆ ಆಧಾರದ ಮೇಲೆ ನೇಮಕ ಮಾಡಿಕೊಳ್ಳಲಾಗುತ್ತದೆ. ನಂತರದಲ್ಲಿ ಹುದ್ದೆಗಳನ್ನು ಮುಂದುವರೆಸುವ ಅವಕಾಶ ಇರುತ್ತದೆ. ಇತರೆ ಹೆಚ್ಚಿನ ಮಾಹಿತಿಗಳನ್ನು ಕೆಳಗೆ ನೀಡಿದ ಅಧಿಸೂಚನೆ ಲಿಂಕ್‌ ಕ್ಲಿಕ್ ಮಾಡಿ ತಿಳಿಯಬಹುದು.

ಅಧಿಸೂಚನೆಗಾಗಿ ಕ್ಲಿಕ್ ಮಾಡಿ