ಕೆಇಎ ಇಂದ 4 ನಿಗಮಗಳ ಹುದ್ದೆಗೆ ಪರೀಕ್ಷೆ: ಪ್ರವೇಶ ಪತ್ರ, ವಿಶೇಷ ಮಾರ್ಗಸೂಚಿ ಪ್ರಕಟ

ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಸರ್ಕಾರದ ನಾಲ್ಕು ನಿಗಮಗಳ ಹುದ್ದೆ ನೇಮಕಾತಿಗೆ ಸಂಬಂಧಿಸಿದಂತೆ, ಇದೀಗ ಪರೀಕ್ಷೆಯ ಪ್ರವೇಶ ಪತ್ರ ಹಾಗೂ ವಿಶೇಷ ಮಾರ್ಗಸೂಚಿಗಳನ್ನು ಬಿಡುಗಡೆ ಮಾಡಿದೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರವು ಅಕ್ಟೋಬರ್ 28, 29 ರಂದು ಕೆಲವು ಪರೀಕ್ಷೆ ನಡೆಸುತ್ತಿದೆ. ಈ ಪರೀಕ್ಷೆಗೆ ಹಾಜರಾಗುವವರಿಗೆ ಅಡ್ಮಿಟ್‌ ಕಾರ್ಡ್‌ ಬಿಡುಗಡೆ ಮಾಡಿದೆ. ಅಲ್ಲದೇ ಕೆಲವು ವಿಶೇಷ ಮಾರ್ಗಸೂಚಿಗಳನ್ನು ಸಹ ಪ್ರಕಟಿಸಿದೆ. ಇವುಗಳ ಕುರಿತು ಹೆಚ್ಚಿನ ಡೀಟೇಲ್ಸ್‌ ಕೆಳಗಿನಂತಿದೆ.

ಪ್ರವೇಶ ಪತ್ರ ಡೌನ್‌ಲೋಡ್‌ ಮಾಡುವುದು ಹೇಗೆ?
- ಕೆಇಎ ವೆಬ್‌ಸೈಟ್‌ ಗೆ ಭೇಟಿ ನೀಡಿ.
- ತೆರೆದ ಮುಖಪುಟದಲ್ಲಿ 'ನೇಮಕಾತಿ >> ಕೆಎಸ್‌ಇಡಿಸಿ / ಕೆಎಫ್‌ಸಿಎಸ್‌ಸಿ / ಕೆಬಿಸಿಡಬ್ಲ್ಯೂಬಿ / ಎಂಎಸ್‌ಐಎಲ್‌-2023' ಎಂದಿರುವ ಲಿಂಕ್‌ ಮೇಲೆ ಕ್ಲಿಕ್ ಮಾಡಿ.
- ನಂತರ ತೆರೆಯುವ ವೆಬ್‌ಪೇಜ್‌ನಲ್ಲಿ ಅಡ್ಮಿಟ್‌ ಕಾರ್ಡ್‌ ಲಿಂಕ್‌ ಕ್ಲಿಕ್ ಮಾಡಿ.
- ಈ ಹಂತದಲ್ಲಿ ತೆರೆಯಲಾದ ವೇಬ್‌ಪೇಜ್‌ನಲ್ಲಿ ಅರ್ಜಿ ಸಲ್ಲಿಸಿರುವ ಇಲಾಖೆ, ಅರ್ಜಿ ಸಂಖ್ಯೆ, ಅಭ್ಯರ್ಥಿ ತನ್ನ ಹೆಸರಿನ ಮೊದಲ 4 ಅಕ್ಷರ ನೀಡಿ 'Submit' ಎಂದಿರುವಲ್ಲಿ ಕ್ಲಿಕ್ ಮಾಡಿ.
- ಪ್ರವೇಶ ಪತ್ರ ಪ್ರದರ್ಶಿತವಾಗುತ್ತದೆ. ಡೌನ್‌ಲೋಡ್‌ ಮಾಡಿ ಪ್ರಿಂಟ್ ತೆಗೆದುಕೊಳ್ಳಿ.

ಕೆಪಿಎಸ್‌ಸಿ ನಡೆಸಲಾಗುವ ಮುಂದಿನ ದಿನಗಳ ಪರೀಕ್ಷೆಗಳಿಗೆ ಮಹತ್ವದ ಮಾಹಿತಿ ಪ್ರಕಟ

ಯಾವೆಲ್ಲ ಇಲಾಖೆಗಳ ಹುದ್ದೆಗೆ ಪರೀಕ್ಷೆ?
ಕರ್ನಾಟಕ ರಾಜ್ಯ ವಿದ್ಯುನ್ಮಾನ ಅಭಿವೃದ್ಧಿ ನಿಗಮ ನಿಯಮಿತ.
ಕರ್ನಾಟಕ ಆಹಾರ ಮತ್ತು ನಾಗರೀಕ ಸರಬರಾಜು ನಿಗಮ.
ಕರ್ನಾಟಕ ಕಟ್ಟಡ ನಿರ್ಮಾಣ ಕಾರ್ಮಿಕರ ಕಲ್ಯಾಣ ಮಂಡಳಿ.
ಮೈಸೂರು ಸೇಲ್ಸ್‌ ಇಂಟರ್‌ನ್ಯಾಷನಲ್ ಲಿಮಿಟೆಡ್‌.

ಕೆಲವು ಪರೀಕ್ಷೆಗೆ ವೇಳಾಪಟ್ಟಿ ಇನ್ನು ಬಿಡುಗಡೆ ಆಗಿಲ್ಲ
ಕೆಇಎ ಕೆಲವು ಪರೀಕ್ಷೆಗಳ ವೇಳಾಪಟ್ಟಿಯನ್ನು ಇನ್ನು ಬಿಡುಗಡೆ ಮಾಡಿಲ್ಲ, ಅಂತಹ ಪರೀಕ್ಷೆಗಳನ್ನು ಮುಂದಿನ ದಿನಗಳಲ್ಲಿ ನಡೆಸಲಿದ್ದು, ನಂತರದ ದಿನಗಳಲ್ಲಿ ಬಿಡುಗಡೆ ಗೊಳಿಸಲಾಗುವುದು ಎಂದಿದೆ.

ಪರೀಕ್ಷೆಗೆ ಹಾಜರಾಗುವವರಿಗೆ ವಿಶೇಷ ಹಾಗೂ ಪ್ರಮುಖ ಮಾರ್ಗಸೂಚಿಗಳು ಕೆಳಗಿನಂತಿವೆ.
ಹಿಜಾಬ್ ಧರಿಸುವವರಿಗೆ 1 ಗಂಟೆ ಮುನ್ನ ಹಾಜರಾಗಲು ಸೂಚನೆ
ಕೆಇಎ ವಿಶೇಷ ಮಾರ್ಗಸೂಚಿಗಳ ಪೈಕಿ ಹಿಜಾಬ್‌ ಧರಿಸಿ ಬರುವವರು ಪರೀಕ್ಷೆ ಕೇಂದ್ರಕ್ಕೆ 1 ಗಂಟೆ ಮುನ್ನವೇ ಹಾಜರಾಗಲು ಸೂಚಿಸಿದೆ. ಈ ಮೊದಲು ಪರೀಕ್ಷೆ ಕೇಂದ್ರಕ್ಕೆ ಹಿಜಾಬ್ ಧರಿಸಿ ಬರುವವರಿಗೆ ಪ್ರವೇಶಾವಕಾಶ ಇರಲಿಲ್ಲ. ಅದರೆ ಈ ಬಾರಿ ಬಿಡುಗಡೆ ಮಾಡಿರುವ ಡ್ರೆಸ್‌ಕೋಡ್‌ನಲ್ಲಿ ಹಿಜಾಬ್ ಧರಿಸಿದರೆ ಪರೀಕ್ಷಾ ಕೇಂದ್ರಕ್ಕೆ ಒಂದು ಗಂಟೆ ಮುಂಚಿತವಾಗಿ ಹಾಜರಾಗಿ, ತಪಾಸಣೆಗೆ ಒಳಪಡಬೇಕು ಎಂದು ಮಾರ್ಗಸೂಚಿಯಲ್ಲಿ ಹೇಳಲಾಗಿದೆ.

2017, 2018ನೇ ಸಾಲಿನ FDA ಹುದ್ದೆಗಳಿಗೆ ಹೆಚ್ಚುವರಿ ಪಟ್ಟಿ ಪ್ರಕಟಿಸಿದ ಕೆಪಿಎಸ್‌ಸಿ

ಮಾರ್ಗಸೂಚಿಗಳು
ಪುರುಷ ಅಭ್ಯರ್ಥಿಗಳು ಅರ್ಧ ತೋಳಿನ ಶರ್ಟ್‌ಗಳನ್ನು ಧರಿಸಬೇಕು.
ಸರಳ ಪ್ಯಾಂಟ್‌ ಧರಿಸಬೇಕು.
ಕುರ್ತಾ ಪೈಜಾಮ, ಜೀನ್ಸ್‌ ಪ್ಯಾಂಟ್ ಧರಿಸುವಂತಿಲ್ಲ.
ಶೂ ಹಾಕುವಂತಿಲ್ಲ.
ಮಹಿಳಾ ಅಭ್ಯರ್ಥಿಗಳು ಕಸೂತಿ, ಹೂ, ಬ್ರೂಚ್‌ ಅಥವಾ ಬಟನ್ ಇರುವ ಬಟ್ಟೆ ಧರಿಸಬಾರದು.
ಪರೀಕ್ಷೆ ಮುಗಿಯುವವರೆಗೂ ಹೊರಗೆ ಹೋಗುವಂತಿಲ್ಲ.
ಇಲೆಕ್ಟ್ರಾನಿಕ್ಸ್‌ ಗ್ಯಾಜೆಟ್‌ಗಳನ್ನು ತರುವಂತಿಲ್ಲ.

ಪರೀಕ್ಷೆ ಕೇಂದ್ರಕ್ಕೆ ತರಬೇಕಾದ ವಸ್ತುಗಳು
ಪರೀಕ್ಷೆ ಪ್ರವೇಶ ಪತ್ರ.
ಎರಡು ಪಾಸ್‌ಪೋರ್ಟ್‌ ಅಳತೆಯ ಫೋಟೋ.
ಸರ್ಕಾರದಿಂದ ಮಾನ್ಯತೆಯ ಗುರುತಿನ ಚೀಟಿಗಳು.

ಅಭ್ಯರ್ಥಿಗಳು ಪಾರದರ್ಶಕ ಕುಡಿಯುವ ನೀರಿನ ಬಾಟಲಿ ತೆಗೆದುಕೊಂಡು ಬರಲು ಅವಕಾಶ ನೀಡಲಾಗಿದೆ.

ಬೆಂಗಳೂರು ನಿಮ್ಹಾನ್ಸ್‌ನಲ್ಲಿ 161 ನರ್ಸಿಂಗ್ ಆಫೀಸರ್ ನೇಮಕ: ವೇತನ ರೂ.34,800 ವರೆಗೆ.