FDA, SDA ಇಲಾಖಾ ಆಧ್ಯತೆ ನೀಡಲು ದಿನಾಂಕ ವಿಸ್ತರಿಸಿ ಮತ್ತೊಮ್ಮೆ ಅವಕಾಶ

2017 ನೇ ಸಾಲಿನ ಪ್ರಥಮ ದರ್ಜೆ ಸಹಾಯಕ ಹಾಗೂ ದ್ವಿತೀಯ ದರ್ಜೆ ಸಹಾಯಕರ ಹುದ್ದೆಗಳ ನೇಮಕಾತಿಗೆ ಸಂಬಂಧಿಸಿದಂತೆ, ಅಭ್ಯರ್ಥಿಗಳಿಗೆ ಎರಡನೇ ಬಾರಿ ಇಲಾಖಾ ಆಧ್ಯತೆ ನೀಡಲು ಅವಕಾಶ ನೀಡಲಾಗಿದೆ.

KPSC ಯು ಈ ಹಿಂದೆ ಅಭ್ಯರ್ಥಿಗಳು ಆಯೋಗದ ವೆಬ್‌ಸೈಟ್‌ ಮೂಲಕ ಹುದ್ದೆಗಳ ಕರ್ತವ್ಯ ನಿರ್ವಹಣೆಗೆ ಇಲಾಖಾ ಆಧ್ಯತೆ ನೀಡಲು ಅಕ್ಟೋಬರ್ 05, 2019 ರ ವರೆಗೆ ಅವಕಾಶ ನೀಡಿತ್ತು. ಆದರೆ ಸುಮಾರು ಅಭ್ಯರ್ಥಿಗಳು ಕೊನೆ ದಿನಾಂಕದೊಳಗೆ ಆಧ್ಯತೆ ನೀಡದಿರುವುದನ್ನು ಗಮನಿಸಿ, ಈಗ ಮತ್ತೊಮ್ಮೆ ಕಾಲಾವಕಾಶ ನೀಡಿದೆ. ಪ್ರಸ್ತುತ ಅಕ್ಟೋಬರ್ 23, 2019 ವರೆಗೆ ಇಲಾಖಾ ಆಧ್ಯತೆ ನೀಡಬಹುದಾಗಿದೆ.

ಅಭ್ಯರ್ಥಿಗಳು ಅರ್ಜಿ ಸಲ್ಲಿಸುವಾಗ ನೀಡಿದ ಮೊಬೈಲ್ ನಂಬರ್ ಹಾಗೂ ಇ-ಮೇಲ್‌ ವಿಳಾಸ ವ್ಯತ್ಯಾಸವಿದ್ದಲ್ಲಿ, ಅಂಚೆ ಮುಖಾಂತರ ಮಾಹಿತಿಯನ್ನು ಆಯೋಗಕ್ಕೆ ದಿನಾಂಕ 21-10-2019 ರ ಒಳಗೆ ನೀಡಲು ಸೂಚಿಸಲಾಗಿತ್ತು. ಆದಾಗ್ಯೂ ಹಲವು ಅಭ್ಯರ್ಥಿಗಳು ಯಾವುದೇ ಮಾಹಿತಿ ನೀಡಿರುವುದಿಲ್ಲ. ಆದ್ದರಿಂದ ಆಯೋಗವು ಹಲವು ಅಭ್ಯರ್ಥಿಗಳಿಗೆ ಪತ್ರ ಕಳುಹಿಸುವ ಮೂಲಕ ಕೊನೆ ದಿನಾಂಕದೊಳಗೆ ಇಲಾಖಾ ಆಧ್ಯತೆ ನೀಡಲು, ಮಾಹಿತಿ ತಿಳಿಸಲು ಸೂಚನೆ ನೀಡಿದೆ.

ಅಭ್ಯರ್ಥಿಗಳು ಕೊನೆಯ ಬಾರಿಯೂ ಇಲಾಖಾ ಆಧ್ಯತೆ ನೀಡದೆ ಇದ್ದರೆ, ಆಯೋಗದ ನಿಯಮಾನುಸಾರವೇ ಇಲಾಖಾ ಹಂಚಿಕೆ ನೀಡಲಾಗುವುದು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಈಗಾಗಲೇ ಆನ್‌ಲೈನ್‌ ಮೂಲಕ ಇಲಾಖಾ ಆಧ್ಯತೆ ನೀಡಿರುವ ಅಭ್ಯರ್ಥಿಗಳು ಮತ್ತೊಮ್ಮೆ ಆನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶ ಇರುವುದಿಲ್ಲ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಪ್ರಕಟಣೆಗಾಗಿ ಕ್ಲಿಕ್‌ ಮಾಡಿ

ಇಲಾಖಾ ಆಧ್ಯತೆ ನೀಡಲು ಕ್ಲಿಕ್ ಮಾಡಿ