ಸರ್ಕಾರಿ ನೌಕರರ ಅಮಾನತಿಗೆ ಮತ್ತಷ್ಟು ಕಟ್ಟುನಿಟ್ಟು ನಿಯಮಗಳು: ಆದೇಶ ಪ್ರಕಟ

ಕರ್ನಾಟಕ ರಾಜ್ಯ ಸರ್ಕಾರವು ಆರ್ಥಿಕ ಅನಗತ್ಯ ಹೊರೆ , ನೌಕರರಿಗೆ ಕಿರುಕುಳ ತಪ್ಪಿಸಲು ಅಮಾನತು ನಿಯಮಗಳನ್ನು ಮತ್ತಷ್ಟು ಕಟ್ಟುನಿಟ್ಟುಗೊಳಿಸಿದ್ದು, ಸಂಬಂಧಿಸಿದ ನೀತಿಗಳನ್ನು ತಿದ್ದುಪಡಿ ಮಾಡಿದ ಅಧಿಕೃತ ಆದೇಶ ಪ್ರಕಟಿಸಿದೆ.

ಅಧಿಕಾರ ದುರ್ಬಳಕೆ, ಕರ್ತವ್ಯಲೋಪ ಹಾಗೂ ಇತರೆ ಆರೋಪಗಳಡಿ ಅಮಾನತಾದ ಸರ್ಕಾರಿ ಉದ್ಯೋಗಿಗಳ ವಿರುದ್ಧ ದೋಷಾರೋಪ ಪಟ್ಟಿ ಸಲ್ಲಿಸಲು 6 ತಿಂಗಳು ಗಡುವು ವಿಧಿಸಲಾಗಿದೆ. ಸಕ್ಷಮ ಪ್ರಾಧಿಕಾರ ಇದರಲ್ಲಿ ವಿಫಲವಾದರೆ 6 ತಿಂಗಳು ಅವಧಿ ಪೂರ್ಣಗೊಂಡ ದಿನಾಂಕದಿಂದ ಅಮಾನತು ಆದೇಶ ತನ್ನಿಂದ ತಾನೇ (ಡೀಮ್ಡ್) ರದ್ದಾಗಲಿದೆ, ಹಾಗೂ ಲೋಕಾಯುಕ್ತ ಪ್ರಕರಣಗಳಿಗೂ ಇದೇ ನಿಯಮವನ್ನು ಅನ್ವಯಿಸಲಾಗಿದೆ ಎಂದು ಆದೇಶದಲ್ಲಿ ತಿಳಿಸಲಾಗಿದೆ.

ಕರ್ನಾಟಕ ನಾಗರಿಕ ಸೇವಾ (ವರ್ಗೀಕರಣ, ನಿಯಂತ್ರಣ ಮತ್ತು ಮೇಲ್ಮನವಿ) ನಿಯಮಗಳು, 1957 ರ ನಿಯಮ 10 ಕ್ಕೆ ಕೆಲವು ತಿದ್ದುಪಡಿಗಳನ್ನು ಮಾಡಲಾಗಿದ್ದು, ಸಿಬ್ಬಂದಿ ಮತ್ತು ಆಡಳಿತ ಸುಧಾರಣೆ ಇಲಾಖೆ ಈ ಕುರಿತು ಬುಧವಾರ ಆದೇಶಿಸಿದೆ.

ರಾಮನಗರ ಜಿಲ್ಲೆಯಲ್ಲಿ ಅಂಗನವಾಡಿ ಕಾರ್ಯಕರ್ತೆ, ಸಹಾಯಕಿಯರ ಉದ್ಯೋಗಾವಕಾಶ

ಸರ್ಕಾರಿ ನೌಕರರು ಅಮಾನತುಗೊಂಡ 6 ತಿಂಗಳ ಒಳಗೆ ಅಪಾದಿತ ನೌಕರನ ವಿರುದ್ಧ ಸಂಬಂಧಿಸಿದ ಇಲಾಖೆ ವಿಚಾರಣೆ ಪ್ರಾರಂಭಿಸಬೇಕು ಇಲ್ಲವೇ ನ್ಯಾಯಾಲಯಕ್ಕೆ ದೋಷಾರೋಪ ಪಟ್ಟಿ ಸಲ್ಲಿಸಬೇಕು ಎಂದು ತಿದ್ದುಪಡಿ ನಿಯಮದಲ್ಲಿ ಸೂಚಿಸಲಾಗಿದೆ. ಈ ಅವಧಿಯೊಳಗೆ ತೀರ್ಮಾನ ಕೈಗೊಳ್ಳಲು ವಿಫಲವಾದರೆ ಅವಧಿ ಪೂರ್ಣಗೊಂಡ ದಿನಾಂಕದಿಂದ ಸ್ವಯಂಚಾಲಿತ (ಡೀಮ್ಡ್‌) ಆಧಾರದಲ್ಲಿ ಅಮಾನತು ರದ್ದಾಗಲಿದೆ.

ಅಮಾನತನಿಗೆ ಸಂಬಂಧಿಸಿದ ಪ್ರಮುಖ ಕ್ರಮಗಳು

- ಭ್ರಷ್ಟಾಚಾರ ಆರೋಪದಡಿ ಲೋಕಾಯುಕ್ತ ದಾಖಲಿಸಿಕೊಂಡ ಪ್ರಕರಣಗಳಿಗೂ ಇದೇ ನಿಯಮ ಅನ್ವಯಿಸಲಾಗಿದೆ.

- ಅಮಾನತು ರದ್ದಾದ ಬಳಿಕ ಅಂತಹ ನೌಕರನ ನೇಮಕ ಪ್ರಾಧಿಕಾರದಿಂದ ಸ್ಥಳ ನಿಯುಕ್ತಿ ಆದೇಶವನ್ನು ತಕ್ಷಣವೇ ಕೋರಬೇಕು. ಇಲ್ಲವಾದರೆ ಕರ್ತವ್ಯಕ್ಕೆ ಅನಧಿಕೃತ ಗೈರಾಗಿದ್ದಾನೆ ಎಂದು ಪರಿಗಣಿಸಬೇಕು.

- ನಿಗದಿತ ಅವಧಿಯೊಳಗೆ ಇಲಾಖೆ ವಿಚಾರಣೆ ಪ್ರಾರಂಭ ಇಲ್ಲವೇ ದೋಷಾರೋಪ ಪಟ್ಟಿ ಸಲ್ಲಿಸದಿದ್ದರೆ ಅಂತಹ ನೌಕರನನ್ನು ಪ್ರಾರಂಭ ಇಲ್ಲವೇ ದೋಷಾರೋಪ ಪಟ್ಟಿ ಸಲ್ಲಿಸದಿದ್ದರೆ ಅಂತಹ ನೌಕರರನ್ನು ಮರು ಸೇವೆಗೆ ನಿಯುಕ್ತಿ ಕುರಿತು ಸಕ್ಷಮ ಪ್ರಾಧಿಕಾರಿಯು ನಿರ್ಧರಿಸಬಹುದಾಗಿದೆ.

- ಅಮಾನತು ತೆರವಾದ ಬಳಿಕ ಆ ನೌಕರನು ಯಾವ ಹುದ್ದೆ / ಸ್ಥಾನದಲ್ಲಿದ್ದಾಗ ಅಮಾನತಾಗಿದ್ದನೋ ಮತ್ತದೆ ಹುದ್ದೆ / ಸ್ಥಾನದಲ್ಲಿ ನೇಮಿಸುವಂತಿಲ್ಲ.

ದಲಾಯತ್ ಹುದ್ದೆಗಳಿಗೆ ಅರ್ಜಿ ಆಹ್ವಾನ: ವಿದ್ಯಾರ್ಹತೆ 4ನೇ ತರಗತಿ