ಕರ್ನಾಟಕ ಲೋಕಸೇವಾ ಆಯೋಗ ಬಿಡುಗಡೆ ಮಾಡಿರುವ 2018ನೇ ಸಾಲಿನ ದ್ವಿತೀಯ ದರ್ಜೆ ಸಹಾಯಕರ ಅರ್ಹತಾ ಪಟ್ಟಿಯಲ್ಲಿ ಒಂದೇ ಸರಣಿಯಲ್ಲಿನ, ಒಂದೇ ಕೋಣೆಯಲ್ಲಿ ಕುಳಿತು ಪರೀಕ್ಷೆ ಬರೆದ ಅಭ್ಯರ್ಥಿಗಳ ಹೆಸರು ಇದ್ದು, ಈ ಫಲಿತಾಂಶದ ಬಗ್ಗೆ ಅನುಮಾನ ಸೃಷ್ಟಿಯಾಗಿದೆ.

219 ಪ್ರಥಮ ದರ್ಜೆ ಸಹಾಯಕ(FDA) ಹುದ್ದೆ, 491 ದ್ವಿತೀಯ ದರ್ಜೆ ಸಹಾಯಕ(SDA) ಹುದ್ದೆ ಮತ್ತು ಕಲ್ಯಾಣ ಕರ್ನಾಟಕ ಭಾಗದ 50 ಎಫ್‌ಡಿಎ ಹುದ್ದೆ, 81 ಎಸ್‌ಡಿಎ ಹುದ್ದೆಗಳಿಗೆ ಜೂನ್‌ನಲ್ಲಿ ಪರೀಕ್ಷೆ ನಡೆಸಲಾಗಿತ್ತು. ಈ ಹುದ್ದೆಗಳಿಗೆ ಅರ್ಹತಾ ಪಟ್ಟಿಯನ್ನು ಕೆಪಿಎಸ್‌ಸಿ ಪ್ರಕಟಿಸಿದೆ. ಲಕ್ಷಾಂತರ ಮಂದಿ ಪರೀಕ್ಷೆ ಬರೆದಿದ್ದರೂ ಒಂದೇ ಕೋಣೆಯಲ್ಲಿ ಕುಳಿತು ಪರೀಕ್ಷೆ ಬರೆದವರು, ಸರಣಿ ನೋಂದಣಿ ಸಂಖ್ಯೆ ಇರುವವರು ಹುದ್ದೆಗೆ ಆಯ್ಕೆಯಾಗಿರುವುದು ಚರ್ಚೆಗೆ ಗುರಿಯಾಗಿದ್ದು, ಹಲವು ಅನುಮಾನಕ್ಕೆ ಕಾರಣವಾಗಿದೆ. ಅಲ್ಲದೇ ಅಕ್ರಮದ ನೆರಳು ಇರಬಹುದೇ ಎನ್ನುವುದು ಕೆಲವರ ಸಂಶಯವಾಗಿದೆ.

ಪಟ್ಟಿಯಲ್ಲಿರುವ ರಿಜಿಸ್ಟರ್ ನಂಬರ್‌ಗಳು

ಅರ್ಹತಾ ಪಟ್ಟಿಯಲ್ಲಿ ರಿಜಿಸ್ಟರ್ ನಂಬರ್ 9153397, 940, 942, 944, 948, 949, 957, 963, 967, 970, 978, 949, 957, 963, 967, 970, 978, 981, 982, 986, 988.

9158011 ರ ಶ್ರೇಣಿಯಲ್ಲಿ 8012, 8016, 8017, 8023, 8034, 8038, 8039, 8049, 8058, 8061, 8068, 8078. ಹೀಗೆ ಅನೇಕ ಸರಣಿ ರೀತಿಯಲ್ಲಿ ಒಂದೇ ಕೋಣೆಯಲ್ಲಿ ಪರೀಕ್ಷೆ ಬರೆದ ಅಭ್ಯರ್ಥಿಗಳ ಪಟ್ಟಿಯೇ ಇದೆ.

KPSC ಇಂದ ವಿವಿಧ ಹುದ್ದೆಗಳಿಗೆ ಹೆಚ್ಚುವರಿ ಆಯ್ಕೆಪಟ್ಟಿ ಪ್ರಕಟ

"ಕೆಪಿಎಸ್‌ಸಿ ಹಲವಾರು ಅಕ್ರಮಗಳನ್ನು ನಡೆಸುತ್ತಿದೆ. ಒಂದೇ ಕೊಠಡಿಯಲ್ಲಿ ಅದು ಒಂದೇ ಶ್ರೇಣಿಯಲ್ಲಿ ಪಾಸೋಗೋದು ಅಂದರೆ ಹೇಗೆ? ಒಂದು ಅಕ್ರಮ ನಡೆದಿರಬೇಕು. ಇಲ್ಲವೇ ಕೋಣೆಯಲ್ಲಿ ಪರೀಕ್ಷೆ ಬರೆದ ಅಭ್ಯರ್ಥಿಗಳಿಗೆ ನಕಲು ಮಾಡಲು ಅನುಕೂಲ ಮಾಡಿದಂತೆ ಕಾಣಿಸುತ್ತಿದೆ" ಎಂದು ಹೆಸರು ಹೇಳಲು ಬಯಸದ ಅಭ್ಯರ್ಥಿ ಹೇಳಿದ್ದಾರೆ.

2017ನೇ ಸಾಲಿನ 851 SDA ಹುದ್ದೆಗಳಿಗೆ ತಾತ್ಕಾಲಿಕ ಆಯ್ಕೆಪಟ್ಟಿ ಪ್ರಕಟ