ಕಾರ್ಮಿಕರ ರಾಜ್ಯ ವಿಮಾ ನಿಗಮವು ಖಾಲಿ ಇರುವ ಟ್ಯೂಟರ್‌ ಹುದ್ದೆಗಳನ್ನು ಸಂದರ್ಶನದ ಮೂಲಕ ಭರ್ತಿ ಮಾಡಲಿದೆ. ಕಲಬುರಗಿಯ ಡೆಂಟಲ್‌ ಕಾಲೇಜಿನಲ್ಲಿ ಖಾಲಿ ಇರುವ 21 ಹುದ್ದೆಗಳಿಗೆ ನೇಮಕ ಮಾಡಿಕೊಳ್ಳಲು ಮಾರ್ಚ್ 12 ಮತ್ತು 13ರಂದು ಸಂದರ್ಶನ ನಡೆಯಲಿದೆ. ಮಾರ್ಚ್ 12 ರಂದು ನಡೆಯುವ ಎಂಸಿಕ್ಯೂ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ಅಭ್ಯರ್ಥಿಗಳಿಗೆ ಮಾರ್ಚ್ 13 ರಂದು ಸಂದರ್ಶನ ನಡೆಸಲಾಗುವುದು ಎಂದು ಇಎಸ್‌ಐ ಪ್ರಕಟಣೆಯಲ್ಲಿ ತಿಳಿಸಿದೆ.

ಒಟ್ಟು ಹುದ್ದೆಗಳು 21

ಸಂದರ್ಶನದ ದಿನಾಂಕ: ಮಾರ್ಚ್ 12 ಮತ್ತು 13, 2020

ಸಂದರ್ಶನದ ಸ್ಥಳ: ಇಎಸ್‌ಐಸಿ, ಸೇಡಂ ರಸ್ತೆ, ಕಲಬುರಗಿ

ಸಹಾಯವಾಣಿ: 08472-265563

ಹುದ್ದೆಗಳ ವಿವರ: ಒಟ್ಟು ಹುದ್ದೆಗಳಲ್ಲಿ ಸಾಮಾನ್ಯ ವರ್ಗದವರಿಗೆ 8, ಆರ್ಥಿಕವಾಗಿ ಹಿಂದುಳಿದ ವರ್ಗದ ಅಭ್ಯರ್ಥಿಗಳಿಗೆ 2, ಒಬಿಸಿ ವರ್ಗದವರಿಗೆ 6, ಎಸ್‌ಸಿ ಅಭ್ಯರ್ಥಿಗಳಿಗೆ 03 ಹಾಗೂ ಎಸ್‌ಟಿ ಅಭ್ಯರ್ಥಿಗಳಿಗೆ 02 ಹುದ್ದೆಗಳನ್ನು ಮೀಸಲಿಡಲಾಗಿದೆ.

2018ನೇ ಸಾಲಿನ FDA, SDA ಹುದ್ದೆಗಳ ಇಲಾಖಾ ಆದ್ಯತೆಗೆ ಲಿಂಕ್‌ ಬಿಡುಗಡೆ

ಅರ್ಹತೆ: ಈ ಹುದ್ದೆಗಳ ಸಂದರ್ಶನದಲ್ಲಿ ಭಾಗವಹಿಸುವ ಅಭ್ಯರ್ಥಿಗಳು ಯಾವುದೇ ಅಂಗೀಕೃತ ದಂತ ವೈದ್ಯಕೀಯ ಕಾಲೇಜಿನಿಂದ ಬಿಡಿಎಸ್‌ ಪದವಿ ಪಡೆದಿರಬೇಕು. ಇದೇ ಕ್ಷೇತ್ರದಲ್ಲಿಒಂದು ವರ್ಷದ ಸೇವಾನುಭವ ಇರಬೇಕು. ಸಂದರ್ಶನದಲ್ಲಿ ಭಾಗವಹಿಸುವ ಸಾಮಾನ್ಯ ಮತ್ತು ಆರ್ಥಿಕವಾಗಿ ದುರ್ಬಲ ವರ್ಗದ ಅಭ್ಯರ್ಥಿಗಳಾಗಿದ್ದಲ್ಲಿ ಗರಿಷ್ಠ ವಯೋಮಿತಿ 30 ವರ್ಷ, ಒಬಿಸಿ ಅಭ್ಯರ್ಥಿಗಳಾಗಿದ್ದಲ್ಲಿ 33 ವರ್ಷ ಹಾಗೂ ಎಸ್‌ಸಿ/ಎಸ್‌ಟಿ ಅಭ್ಯರ್ಥಿಗಳಾಗಿದ್ದಲ್ಲಿ 35 ವರ್ಷ ಗರಿಷ್ಠ ವಯೋಮಿತಿ ನಿಗದಿಪಡಿಸಲಾಗಿದೆ.

ಈ ಹುದ್ದೆಗೆ ಗುತ್ತಿಗೆಯಾಧರದಲ್ಲಿ ನೇಮಕ ನಡೆಯಲಿದೆ. ಹುದ್ದೆಯ ಅವಧಿ 1 ವರ್ಷ. ತಿಂಗಳಿಗೆ 76,000 ರೂ. ವೇತನ ನಿಗದಿಪಡಿಸಲಾಗಿದೆ. ಆಯ್ಕೆಯಾದ ಅಭ್ಯರ್ಥಿಗಳು 56,000 ರೂ. ಅನ್ನು ಭದ್ರತಾ ಠೇವಣಿಯಾಗಿ ಇಡಬೇಕಾಗುತ್ತದೆ. ಇದನ್ನು 'ಇಎಸ್‌ಐ ಕಾರ್ಪೋರೇಷನ್‌, ಕಲಬುರಗಿ' ಹೆಸರಿನಲ್ಲಿ ಡಿಡಿ ಪಡೆದು ಪಾವತಿಸಬೇಕು.

ಕೆಪಿಎಸ್‌ಸಿ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಪೂರ್ವ ಪರೀಕ್ಷೆ ವೇಳಾಪಟ್ಟಿ ಪ್ರಕಟ

ವೇಳಾಪಟ್ಟಿ

ಮಾರ್ಚ್‌ 12 ರಂದು ದಾಖಲೆ ಪರಿಶೀಲನೆಯನ್ನು ಬೆಳಗ್ಗೆ 10 ರಿಂದ 12 ಗಂಟೆ ವರೆಗೆ ನಡೆಸಲಾಗುತ್ತದೆ, ಎಂಸಿಕ್ಯೂ ಟೆಸ್ಟ್‌ ಅನ್ನು ಮಧ್ಯಾಹ್ನ 2 ರಿಂದ 3 ಗಂಟೆ ವರೆಗೆ ನಡೆಸಲಾಗುತ್ತದೆ. ಮಾರ್ಚ್ 13 ರಂದು ಸಂದರ್ಶನ ನಡೆಸಲಾಗುತ್ತದೆ.