ಎಕ್ಸ್ ಪರ್ಟ್ ಸಲಹೆ: ಕನ್ನಡದಲ್ಲಿ ಯುಪಿಎಸ್ಸಿ ಪರೀಕ್ಷೆ ಬರೆಯುವ ನಿರ್ಧಾರ ಸರಿಯೇ?

ನಾನು ಎಂಜಿನಿಯರಿಂಗ್‌ ವಿಷಯದಲ್ಲಿ ಪದವಿ ಪೂರ್ಣಗೊಳಿಸಿದ್ದೇನೆ. ಪದವಿಯ ನಂತರದಲ್ಲಿ ಒಂದು ವರ್ಷ ಕಂಪನಿಯಲ್ಲಿ ಉದ್ಯೋಗವನ್ನು ಮಾಡಿ ಈಗ ನಾಗರಿಕ ಸೇವಾ ಪರೀಕ್ಷೆಗೆ ತಯಾರಿಯನ್ನು ನಡೆಸುತ್ತಿದ್ದೇನೆ. ನಾನು ಪರೀಕ್ಷೆಯನ್ನು ಕನ್ನಡದಲ್ಲಿ ತೆಗೆದುಕೊಳ್ಳಲು ನಿರ್ಧರಿಸಿದ್ದು, ನನ್ನ ಈ ನಿರ್ಧಾರ ಸರಿಯೆ?

Vijaya Karnataka Web

ಗಂಗಾಧರ ವಾಲಾಪುರ್‌, ವಿಜಯಪುರ

ಹಲವಾರು ಅಭ್ಯರ್ಥಿಗಳು ನಾಗರಿಕ ಸೇವಾ ಪರೀಕ್ಷೆಯನ್ನು ಕನ್ನಡದಲ್ಲಿ ತೆಗೆದುಕೊಂಡು ಉತ್ತಮ ರಾರ‍ಯಂಕ್‌ ಪಡೆದುಕೊಂಡಿದ್ದಾರೆ. ಮುಖ್ಯ ಪರೀಕ್ಷೆ ಹಾಗು ಸಂದರ್ಶನ ಎರಡನ್ನು ನೀವು ಕನ್ನಡ ಮಾಧ್ಯಮದಲ್ಲಿ ಬರೆಯಬಹುದು. ಯಾವುದೇ ಮಾಧ್ಯಮವನ್ನು ಆಯ್ದುಕೊಳ್ಳುವುದಕ್ಕೂ ಮುಂಚಿತವಾಗಿ ಅದರಲ್ಲಿ ನೀವು ಎಷ್ಟರಮಟ್ಟಿಗೆ ಜ್ಞಾನವನ್ನು ಹೊಂದಿದ್ದೀರಿ ಎಂಬುದನ್ನು ತಿಳಿದುಕೊಳ್ಳಿ. ಕನ್ನಡ ಭಾಷೆಯಲ್ಲಿ ನಿಮಗೆ ಉತ್ತಮವಾದ ಹಿಡಿತವಿದ್ದರೆ ನೀವು ಇದನ್ನು ಆಯ್ದುಕೊಳ್ಳಬಹುದು. ಪರೀಕ್ಷೆಗೆ ತಯಾರಿಯನ್ನು ಶುರು ಮಾಡುವುದಕ್ಕೂ ಮುಂಚಿತವಾಗಿ ಪಠ್ಯಕ್ರಮವನ್ನು ಹಾಗೂ ಹಿಂದಿನ ವರ್ಷದ ಪ್ರಶ್ನೆಪತ್ರಿಕೆಗಳನ್ನು ಒಮ್ಮೆ ಗಮನಿಸಿ. ಪರೀಕ್ಷಾ ಪಠ್ಯಕ್ರಮವನ್ನು ಮತ್ತು ಪ್ರಶ್ನೆಗಳನ್ನು ಒಮ್ಮೆ ನೋಡುವುದರಿಂದ ತಯಾರಿಯನ್ನು ಕನ್ನಡದಲ್ಲಿ ಮಾಡಲು ಸಾಧ್ಯವೆ ಎಂಬುದನ್ನು ತಿಳಿದುಕೊಳ್ಳಲು ಅನುಕೂಲವಾಗುತ್ತದೆ. ನಂತರ ಅದಕ್ಕೆ ತಕ್ಕ ಹಾಗೆ ನೀವು ವಿಷಯಗಳನ್ನು ಅಭ್ಯಾಸ ಮಾಡಬಹುದು.

ಸಲಹೆ ನೀಡಿರುವ ಎಕ್ಸ್‌ ಪರ್ಟ್:ಪ್ರಶಾಂತ್‌.ಎಸ್‌.ಚಿನ್ನಪ್ಪನವರ್‌