ಗೂಗಲ್‌ನಿಂದ 6 ತಿಂಗಳ ಸರ್ಟಿಫಿಕೇಟ್ ಕೋರ್ಸ್‌; ಜಾಬ್‌ ಪಡೆಯಲು ಸಹಾಯಕಾರಿ

ಟೆಕ್‌ ದೈತ್ಯ ಗೂಗಲ್ ಹಲವು ಪ್ರೊಫೇಶನಲ್ ಕೋರ್ಸ್‌ಗಳನ್ನು ಲಾಂಚ್‌ ಮಾಡಿದ್ದು, ಆಸಕ್ತ ಯುವಕರಿಗೆ ಬೇಡಿಕೆಯುಕ್ತ ಉದ್ಯೋಗಗಳನ್ನು ಹೇಗೆ ನಿರ್ವಹಿಸಬೇಕು ಎಂಬುದನ್ನು ಕಲಿಸಲಿವೆ. ಜತೆಗೆ ಕಂಪನಿಯ ಕೋರ್ಸ್‌ಗಳು ಜಾಬ್‌ ಹುಡುಕುವ ಕಾರ್ಯಶೈಲಿಯನ್ನೇ ಬದಲಿಸಲಿದ್ದು, ಉನ್ನತ ಶಿಕ್ಷಣ ಬೇಡಿಕೆಗೂ ಬದಲಾವಣೆ ತರಲಿವೆ.

ಗೂಗಲ್ ಸರ್ಟಿಫಿಕೇಟ್‌ ಕೋರ್ಸ್‌ ಕುರಿತು
ಗೂಗಲ್ ತನ್ನ ಪ್ರೊಫೇಶನಲ್ ಕೋರ್ಸ್‌ಗಳನ್ನು, 'ಗೂಗಲ್ ಕರಿಯರ್ ಸರ್ಟಿಫಿಕೇಟ್‌' ಕೋರ್ಸ್‌ಗಳು ಎಂದು ಕರೆದಿದೆ. ಈ ಕೋರ್ಸ್‌ಗಳ ಮೂಲಕ ಉದ್ಯೋಗಾಕಾಂಕ್ಷಿಗಳಿಗೆ ಮೂಲಭೂತ ಕೌಶಲಗಳು ಮತ್ತು ಜಾಬ್‌ ಹುಡುಕಲು ಸಹಾಯವಾಗುವ ಉದ್ದೇಶಗಳನ್ನು ಈಡೇರಿಸುವ ಸ್ಕಿಲ್‌ಗಳನ್ನು ಕಲಿಸಲಿದೆ. ಕೇವಲ 6 ತಿಂಗಳ ಅವಧಿಗೆ ಈ ಕೋರ್ಸ್‌ಗಳನ್ನು ಡಿಸೈನ್ ಮಾಡಿದೆ. ಅಲ್ಲದೇ ಈ ಕೋರ್ಸ್‌ಗಳನ್ನು ಪದವಿ ಮುಗಿಸಿ ಉದ್ಯೋಗಕ್ಕೆ ಸೇರಲು ಸಹಾಯವಾಗುವ ಸ್ಕಿಲ್‌ಗಳನ್ನು ಕಲಿಸುವುದರಿಂದ, ಇದು ಸಹ ಪದವಿಗೆ ಸಮಾನ ಎಂದೇ ಭಾವಿಸಿದೆಯಂತೆ.

ಗೂಗಲ್ ಆಫರ್‌ ಮಾಡಲಿರುವ ಕೋರ್ಸ್‌ಗಳು ಯಾವುವು?

ಗೂಗಲ್ ಒಟ್ಟು ಮೂರು ಹೊಸ ಕೋರ್ಸ್‌ಗಳನ್ನು ಪರಿಚಯಿಸಿದೆ. ಈ ಕೋರ್ಸ್‌ಗಳನ್ನು ಕಂಪ್ಲೀಟ್‌ ಮಾಡಿದವರಿಗೆ ಮಧ್ಯಮ ಹಂತದ ವೇತನ ಸಿಗುವ ಸಾಧ್ಯತೆ ಇದೆ. ಅವುಗಳೆಂದರೆ ..,

1. ಪ್ರಾಜೆಕ್ಟ್‌ ಮ್ಯಾನೇಜರ್
2. ಡಾಟಾ ಅನಾಲಿಸ್ಟ್‌
3. ಯುಎಕ್ಸ್‌ ಡಿಸೈನರ್

ಸಾಫ್ಟ್‌ವೇರ್‌ ಟೆಕ್ನಾಲಜಿ ಪಾರ್ಕ್ಸ್‌ ಆಫ್‌ ಇಂಡಿಯಾದಲ್ಲಿ ಉದ್ಯೋಗಾವಕಾಶ: ಅರ್ಜಿ ಆಹ್ವಾನ
ಗೂಗಲ್'ನ ಈ ಕೋರ್ಸ್‌ಗಳು ಉದ್ಯೋಗ ಕ್ಷೇತ್ರದಲ್ಲಿ ಕಲಿಯಬೇಕಾದ ಹಲವು ಸ್ಕಿಲ್‌ಗಳನ್ನು ಕಲಿಸಲಿವೆ ಎನ್ನಲಾಗಿದೆ.

ಈ ಕೋರ್ಸ್‌ಗಳ ಅನುಕೂಲಗಳೇನು?
ಗೂಗಲ್ ಹೇಳಿರುವ ಪ್ರಕಾರ, ಅಭ್ಯರ್ಥಿಗಳಿಗೆ ಶೀಘ್ರವಾಗಿ ಉತ್ತಮ ವೇತನ ಸಿಗುವ ಜಾಬ್‌ಗಳನ್ನು ಹುಡುಕಲು ಸಿದ್ಧಮಾಡಲಿವೆ, ಕರಿಯರ್‌ನಲ್ಲಿ ಉತ್ತಮ ಬೆಳವಣಿಗೆಗೆ ಸಹಾಯ ಮಾಡಲಿವೆ.

ಪಿಯು ವಿದ್ಯಾರ್ಥಿಗಳಿಗೆ ಕುಳಿತಲ್ಲೇ ಸೀಟು; ದಕ್ಷಿಣ ಕನ್ನಡ ಜಿಲ್ಲೆಯ ಪ್ರಿನ್ಸಿಪಾಲರ ಹೊಸ ತಂತ್ರ

ಕೋರ್ಸ್‌ಗಳ ಶುಲ್ಕ
ಮೇಲೆ ತಿಳಿಸಲಾದ ಕೋರ್ಸ್‌ಗಳಿಗೆ ಈವರೆಗೂ ಶುಲ್ಕದ ಮಾಹಿತಿ ನೀಡಿಲ್ಲ. ಆದರೆ ಕೋರ್ಸ್‌ಗಳು 6 ತಿಂಗಳ ಅವಧಿಯದ್ದಾದರೂ ಸಹ ಟ್ರೇಡಿಷನಲ್ ಶಿಕ್ಷಣದ ಒಂದು ಭಾಗದಂತಿರುತ್ತದೆ ಎನ್ನಲಾಗಿದೆ.