ಸಿಂಪಲ್ ಜಾಬ್‌ ಅಪ್ಲಿಕೇಶನ್ ಲೆಟರ್‌ ಹೇಗಿರಬೇಕು ಗೊತ್ತೇ? ಬರೆಯುವುದು ಹೇಗೆ ತಿಳಿಯಿರಿ..

ಉದ್ಯೋಗಕ್ಕಾಗಿ ಅರ್ಜಿ ಸಲ್ಲಿಸುವುದು ಒಂದು ಕಲೆ. ಪ್ರಸ್ತುತ ಸ್ಪರ್ಧಾತ್ಮಕ ಯುಗದಲ್ಲಿ ಒಂದು ಉತ್ತಮ ಕೆಲಸ ಗಿಟ್ಟಿಸಿಕೊಳ್ಳುವುದು ಕೇವಲ ವಿದ್ಯಾರ್ಹತೆ, ಗಳಿಸಿದ ಅಂಕಗಳ ಮೇಲೆ ಮಾತ್ರ ನಿರ್ಧಾರವಾಗಿರುವುದಿಲ್ಲ. ಅಂದರೆ ಕೇವಲ ಪುಸ್ತಕದ ಬದನೆಕಾಯಿ ಇದ್ದರೆ ಸಾಲದು ಎಂಬ ಮಾತನ್ನು ಹಲವು ಕಡೆ ಕೇಳಿರುತ್ತೀರಿ ಅಲ್ಲವೇ. ಹಾಗೆ ವಿದ್ಯಾರ್ಹತೆಯ ಅಂಕಗಳಿಗಿಂತ ಇಂದಿನ ಕಾಂಪಿಟೇಟಿವ್ ವರ್ಲ್ಡ್‌ನಲ್ಲಿ ಇತರೆ ಚಟುವಟಿಕೆಗಳಲ್ಲಿ ಸಕ್ರಿಯರಾಗಿ, ವಿಶೇಷ ಕೌಶಲ್ಯಗಳನ್ನು, ಇಷ್ಟವಾದ ಉದ್ಯೋಗಕ್ಕೆ ಬೇಕಾದ ಸ್ಕಿಲ್‌ಗಳನ್ನು ಕರಗತ ಮಾಡಿಕೊಂಡಿರಬೇಕು. ಅವುಗಳ ಪೈಕಿ ಉದ್ಯೋಗಕ್ಕೆ ಅರ್ಜಿ ಸಲ್ಲಿಸುವುದು, ಉತ್ತಮ ಲೆಟರ್ ಬರೆಯುವುದು, ಇಮೇಲ್ ಕಳುಹಿಸುವುದು ಒಂದು ಕಲೆಯೂ ಹೌದು.

ಸ್ಪರ್ಧಾತ್ಮಕ ಯುಗದಲ್ಲಿ ಉದ್ಯೋಗ ಪಡೆಯುವುದು ವ್ಯಕ್ತಿಯು ತನ್ನನ್ನು ತಾನು ಹೇಗೆ ಚಾಕಚಕ್ಯತೆ ಇಂದ ಮಾರಿಕೊಳ್ಳುತ್ತಾನೆ, ಎಂಬ ಕಠಿಣ ಪರಿಶ್ರಮದ ಮೇಲೆ ಆಧಾರಿತವಾಗಿದೆ. ಇಂದು ಖಾಸಗಿ ಕ್ಷೇತ್ರದಲ್ಲಿ ಆಗಲಿ, ಸರ್ಕಾರಿ ಕೆಲಸವಾಗಲಿ ಯಾವುದಕ್ಕೂ ಕೊರತೆ ಇಲ್ಲ. ಆದರೆ ಆಸೆ ಪಟ್ಟ ಆಯಾ ಕೆಲಸಗಳಿಗೆ ಬೇಕಾದ ಎಲ್ಲಾ ಸಿದ್ಧತೆ ಮಾಡಿಕೊಳ್ಳಬೇಕಷ್ಟೆ.

ಸಂದರ್ಶನಕ್ಕೆ ತಯಾರಿ ಹೇಗೆ? ಸಂದರ್ಶನಕ್ಕೆ ಹೋಗುವ ಮುನ್ನ ಈ 11 ಅಂಶಗಳನ್ನು ಗಮನಿಸಿಕೊಳ್ಳಿ

ಜಾಬ್ ಅಪ್ಲಿಕೇಶನ್‌ ನಲ್ಲಿ ಎರಡು ವಿಧಗಳಿದ್ದು, ಅವುಗಳೆಂದರೆ ಕವರಿಂಗ್ ಲೆಟರ್ ಮತ್ತು ರೆಸ್ಯೂಮ್.

ಉದ್ಯೋಗಕ್ಕೆ ಸೇರಲು ಬಯಸುವವರು ಕೇವಲ ರೆಸ್ಯೂಮ್ ರೆಡಿ ಮಾಡಿಕೊಂಡು ಹೋಗುವುದು ಸಾಮಾನ್ಯವಾಗಿದೆ. ಆದರೆ ಇದೊಂದೆ ಸಾಲದು. ಜಾಬ್‌ ಅಪ್ಲಿಕೇಶನ್‌ ಲೆಟರ್‌(ಕವರಿಂಗ್ ಲೆಟರ್) ಅನ್ನು ಸಿದ್ಧತೆ ಮಾಡಿಕೊಂಡು ಹೋಗಬೇಕು. ಇದು ರೆಸ್ಯೂಮ್‌ನಲ್ಲಿರುವ ಮಾಹಿತಿಗಳಿಗಿಂತ ವಿಭಿನ್ನವಾಗಿದ್ದು, ಅದರಲ್ಲಿರುವ ಯಾವುದೇ ಅಂಶಗಳನ್ನು ಒಳಗೊಂಡಿರಬಾರದು. ಆದರೆ ರೆಸ್ಯೂಮ್ ನ ಸಾರಾಂಶವನ್ನು ಹೇಳಬಹುದು. ರೆಸ್ಯೂಮ್ ನಲ್ಲಿ ಇಲ್ಲದ ಹೆಚ್ಚಿನ ಸೈಲೆಂಟ್‌ ಸ್ಕಿಲ್‌ಗಳು, ಎದುರುನೋಡುತ್ತಿರುವ ಉದ್ಯೋಗಕ್ಕೆ ಸಂಬಂಧಪಟ್ಟ ಕೌಶಲ್ಯಗಳು ಮತ್ತು ತರಬೇತಿಗಳನ್ನು ಪಡೆದಿದ್ದರೆ ಅದರ ಮಾಹಿತಿ, ಕೋರ್ಸ್‌ ಬಗ್ಗೆ ಬರೆದಿರಬೇಕು.

ಯಾರಿಗೆ ಜಾಬ್‌ ಅಪ್ಲಿಕೇಶನ್‌?

ಉದ್ಯೋಗ ಅರ್ಜಿಯನ್ನು ಯಾರು ನೇಮಕಾತಿ ಮಾಡುತ್ತಾರೋ ಅವರ ಹೆಸರು ಅಥವಾ ಅವರ ಹುದ್ದೆಯ ಹೆಸರನ್ನು ಬರೆದಿರಬೇಕು. ಆದರೆ ಲೆಟರ್ ಕಲರ್‌ ಪ್ರಿಂಟ್‌ ಆಗಿರಬಾರದು. ಯಾವುದೇ ಹೆಚ್ಚಿನ ಫಾರ್ಮ್ಯಾಟ್‌ ಅನ್ನು ಅಳವಡಿಸಿರಬಾರದು.

ಹೇಗಿರಬೇಕು ಜಾಬ್ ಅಪ್ಲಿಕೇಶನ್?

ಉದ್ಯೋಗ ಅರ್ಜಿ ತುಂಬ ಸರಳವಾಗಿ, ಹೇಳುವ ವಿಷಯವನ್ನು ಶಾರ್ಟ್‌ ಆಗಿ ಸಿಂಪಲ್‌ ಆಗಿ ಹೇಳಿರಬೇಕು. ಪಾಯಿಂಟ್‌ವೈಸ್ ಮಾಹಿತಿ ನೀಡಿರಬೇಕು. ತೀರ ವಾಕ್ಯ ರೂಪದಲ್ಲಿ ಬರೆದಿರಬಾರದು. ಉದ್ಯೋಗ ಬಯಸುವ ಅಭ್ಯರ್ಥಿಯ ಶಿಕ್ಷಣ ಮತ್ತು ವೈಯಕ್ತಿಕ ಸಾಮರ್ಥ್ಯಗಳ ಸಾರಾಂಶ ಜಾಬ್‌ ಅಪ್ಲಿಕೇಶನ್‌ ನಲ್ಲಿ ಇರಬೇಕು.

ಜಾಬ್ ಅಪ್ಲಿಕೇಶನ್ ನಲ್ಲಿ ನೀಡಲಾದ ಯಾವುದೇ ಮಾಹಿತಿಗಳು ರಿಪೀಟ್ ಆಗಿರಬಾರದು. ಹಾಗೆ ಉದ್ಯೋಗ ಪತ್ರವು, ಅರ್ಜಿದಾರನು ತುಂಬಾ ಹತಾಶನಾರಿರುವುದನ್ನು, ತೋರಿಸುವಂತೆ ಇರಬಾರದು. ಕೇವಲ ಕಂಪನಿಗೆ ತನ್ನ ಟ್ಯಾಲೆಂಟ್‌ ಬಗ್ಗೆ ಮತ್ತು ಉದ್ಯೋಗಕ್ಕೆ ಹೇಗೆ ಅರ್ಹ ಎಂಬುದನ್ನು ಹೇಳುವಂತಿರಬೇಕು.

ಇಂಗ್ಲಿಷ್ ಬರೊಲ್ಲ ಎಂದು ಹೆದರಬೇಡಿ.. ಮೊದಲ ಜಾಬ್ ಹುಡುಕುವವರು ಈ ಸಲಹೆಗಳನ್ನು ಓದಿಕೊಳ್ಳಿ

ಈ ತಪ್ಪುಗಳು ಇರಬಾರದು..

ಒಂದು ಪೇಜ್‌ಗಿಂತ ಹೆಚ್ಚಿನದಾಗಿ ವಿಷಯಗಳು ಇರದಂತೆ ಸಿಪಲ್‌ ಆಗಿ ಎಲ್ಲವನ್ನು ಹೇಳುವಂತಿರಲಿ. ಜೊತೆಗೆ ಅಪ್ಲಿಕೇಶನ್‌ ಲೆಟರ್‌ನಲ್ಲಿ ಟೈಪಿಂಗ್, ವ್ಯಾಕರಣ, ವಾಕ್ಯರಚನೆ ಮಿಸ್‌ಟೇಕ್‌ಗಳು ಇರದಂತೆ ನೋಡಿಕೊಳ್ಳಿ.

ಸ್ಯಾಂಪಲ್ ಟೆಂಪ್ಲೇಟ್‌ ಫಾಲೋ ಮಾಡಿ

ಅಗತ್ಯವಿದ್ದಲ್ಲಿ, ಗೂಗಲ್‌ ನಲ್ಲಿ ಜಾಬ್ ಅಪ್ಲಿಕೇಶನ್‌ ಸ್ಯಾಂಪಲ್‌ ಟೆಂಪ್ಲೇಟ್‌ ಗಳನ್ನು ರೆಫರ್ ಮಾಡಿ. ನೀವು ಬಯಸುವ ಉದ್ಯೋಗಕ್ಕೆ ಯಾವುದು ಸೂಕ್ತ ಎನಿಸುತ್ತದೋ ಆ ಟೆಂಪ್ಲೇಟ್ ವಿನ್ಯಾಸದಲ್ಲಿ ಜಾಬ್ ಅಪ್ಲಿಕೇಶನ್ ರೆಡಿ ಮಾಡಿ.

ಭಾಷೆ ಮತ್ತು ವಾಕ್ಯರಚನೆ ಹೇಗಿರಬೇಕು ಗೊತ್ತೇ?

ಬಳಸುವ ಭಾಷೆ ಮತ್ತು ವಾಕ್ಯರಚನೆಯಲ್ಲಿ ಉದ್ಯೋಗ ಗಿಟ್ಟಿಸುವ ಕಾರಣದಿಂದ ಕೃತಜ್ಞತಾ ಫೀಲ್‌ ನೀಡುವ ಹಾಗೆ ಬರೆಯಬಾರದು. ಬದಲಾಗಿ ವಿನಯಶೀಲವಾಗಿರಲಿ. ಸಾಮಾನ್ಯ ಮಾತಿನ ಶೈಲಿ ಮತ್ತು ತೀರ ತಾಂತ್ರಿಕ ಭಾಷೆ ಎರಡನ್ನು ಬಳಸದಿರಿ. ಒಮ್ಮೆ ಅರ್ಜಿ ಸಿದ್ಧಪಡಿಸಿದ ನಂತರ ಮೊತ್ತೊಮ್ಮೆ ಓದಿರಿ. ಹಾಗೂ ಆತ್ಮವಿಶ್ವಾಸ ಇರುವ ಹಾಗೆ ನೋಡಿಕೊಳ್ಳಿ.

ಹೊಸಬರಿಗೆ ಸಂದರ್ಶನದಲ್ಲಿ ಕೇಳುವ ಸಾಮಾನ್ಯ ಪ್ರಶ್ನೆಗಳು ಯಾವುವು ಗೊತ್ತೇ?

ದೃಢವಾಗಿ ಹೇಳಬೇಕಾದ ವಿಷಯಗಳಿವು..

ಹವ್ಯಾಸಗಳನ್ನು ರೆಸ್ಯೂಮ್‌ ನಲ್ಲಿ ಬರೆದಿರಬೇಕು. ಸ್ಕಿಲ್‌ಗಳನ್ನು ಜಾಬ್ ಅಪ್ಲಿಕೇಶನ್‌ನಲ್ಲಿ ಬರೆದಿರಬೇಕು. ಈ ಅಂಶಗಳನ್ನು ಮರೆಯಬಾರದು. ಯಾವ ಉದ್ಯೋಗಕ್ಕಾಗಿ ಅರ್ಜಿ ನೀಡುತ್ತಿದ್ದೀರೋ ಆ ಹುದ್ದೆಗೆ ಹೇಗೆ ಅರ್ಹ, ಹುದ್ದೆ ನಿರ್ವಹಿಸಲು ಸಾಮರ್ಥ್ಯಗಳು ಮತ್ತು ಅನುಭವಗಳನ್ನು ನಮೂದಿಸಲು ಮರೆಯಬಾರದು.

ಜಾಬ್‌ ಅಪ್ಲಿಕೇಶನ್‌ನಲ್ಲಿ ಮಾಡಬಾರದ ತಪ್ಪುಗಳು ಇವು..

- ಸಂಕೀರ್ಣವಾದ ವಾಕ್ಯರಚನೆ ಇರಬಾರದು.

- ತಮ್ಮ ಕೌಶಲ್ಯಗಳನ್ನು ವಿವರಿಸಲು ಸಹ ಕಾಂಪ್ಲಿಕೇಟ್ ಪದಗಳ ಬಳಕೆ ಇರಬಾರದು. ಸರಳ ಮತ್ತು ಸುಲಭವಾಗಿರಬೇಕು.

- ದೀರ್ಘ ವಾಕ್ಯರಚನೆ ಇರಬಾರದು.

- ಹವ್ಯಾಸಗಳು ಮತ್ತು ಆಸಕ್ತಿಗಳು ಇರಲೇಬಾರದು.

- ಪ್ಲೀಸ್, ರೆಸ್ಯೂಮ್‌ ಅನ್ನು ಒಮ್ಮೆ ನೋಡಿ ಎಂದು ಹೇಳುವ ರೀತಿಯಲ್ಲಿ ಯಾವುದೇ ಮನವಿ ಇರಬಾರದು.

- ಒಮ್ಮೆ ಹೇಳಿದ ಮಾಹಿತಿ ಮತ್ತೊಮ್ಮೆ ರಿಪೀಟ್ ಆಗಿರಬಾರದು.