ಉದ್ಯೋಗ ಮಾರುಕಟ್ಟೆಯಲ್ಲಿಉದ್ಯೋಗದಾತರಿಗೆ ನೀವು ಇತರೆ ಅಭ್ಯರ್ಥಿಗಳಿಗಿಂತ ಸಮರ್ಥರು ಎನ್ನುವುದನ್ನು ಸಾಬೀತುಪಡಿಸಲು ಹೊಸ ದಾರಿಗಳನ್ನು ಹಿಡಿಯಬೇಕಾಗುತ್ತದೆ. ಕೆಲವು ಉದ್ಯೋಗದಾತರು ವಿಭಿನ್ನ ರೆಸ್ಯೂಂ ಅನ್ನು ಬಯಸಬಹುದು. 2 ನಿಮಿಷದ ವಿಡಿಯೋ ರೆಸ್ಯೂಂ ಕಳುಹಿಸಿ ಎಂದು ಕೇಳುವ ಉದ್ಯೋಗದಾತರೂ ಇದ್ದಾರೆ. ಕೆಲವೊಂದು ಹುದ್ದೆಗಳಿಗೆ ಧೈರ್ಯ ಮಾಡಿ ನೀವೇ ವಿಡಿಯೋ ರೆಸ್ಯೂಮ್‌ ಕಳುಹಿಸಬಹುದು. ಇತ್ತೀಚೆಗೆ ವಿಡಿಯೋ ರೆಸ್ಯೂಮ್‌ ಜನಪ್ರಿಯವಾಗುತ್ತಿದೆ. ನಿಮ್ಮ ಬಗ್ಗೆ ಉದ್ಯೋಗದಾತರಿಗೆ ಹೆಚ್ಚಿನದ್ದನ್ನು ತಿಳಿಸಲು ವಿಡಿಯೋ ರೆಸ್ಯೂಮ್‌ ನೆರವಾಗುತ್ತದೆ.

ವಿಡಿಯೋ ರೆಸ್ಯೂಮ್‌ ರಚಿಸುವಾಗ ಈ ಕೆಳಗಿನ ಅಂಶಗಳನ್ನು ಗಮನದಲ್ಲಿಡಿ.

ಸ್ಪಷ್ಟ ಮತ್ತು ಅತ್ಯುತ್ತಮ ಸಂವಹನ: ವಿಡಿಯೋ ಅತ್ಯಂತ ಸಣ್ಣ ಗಾತ್ರದಾಗಿರಬೇಕು. ಇರುವ ಕೆಲವೇ ನಿಮಿಷ ಅಥವಾ ಸೆಕೆಂಡುಗಳಲ್ಲಿ ನೀವು ಸ್ಪಷ್ಟವಾಗಿ ನಿಮ್ಮ ಪ್ರತಿಭೆಯನ್ನು ತೋರಿಸಿಬಿಡಬೇಕು. ವಿಡಿಯೋ ರೆಸ್ಯೂಮ್‌ ರಚಿಸುವಾಗ ವಿವಿಧ ಭಾಗಗಳನ್ನು ಸಿದ್ಧಪಡಿಸುವುದು ಉತ್ತಮ. ಮೊದಲ ಭಾಗದಲ್ಲಿನಿಮ್ಮ ಕುರಿತು ಮಾಹಿತಿ ಇರಲಿ. ಎರಡನೇ ಭಾಗದಲ್ಲಿನಿಮ್ಮ ಕೌಶಲ ಮತ್ತು ಕೆಲಸದ ಅನುಭವದ ಕುರಿತು ಮಾತನಾಡಿ. ನಂತರ ನಿಮ್ಮ ಸಾಧನೆಗಳು ಮತ್ತು ಕೆಲಸದ ಸ್ಯಾಂಪಲ್‌ಗಳ ವಿವರ ನೀಡಿ. ವಿಡಿಯೋ ಗಾತ್ರ 2 ನಿಮಿಷಕ್ಕಿಂತ ಹೆಚ್ಚಿರುವುದು ಬೇಡ.

ವೃತ್ತಿಪರವಾಗಿರಲಿ: ನಿಮಗೆ ವಿಡಿಯೋ ಅನ್ನು ಕ್ರಿಯೇಟಿವ್‌ ಆಗಿ ಶೂಟಿಂಗ್‌ ಮಾಡಲು ಮತ್ತು ಎಡಿಟಿಂಗ್‌ ಮಾಡಲು ಗೊತ್ತಿಲ್ಲದೆ ಇದ್ದರೆ, ಇತರೆ ವಿಡಿಯೋ ವೃತ್ತಿಪರರ ನೆರವು ಪಡೆಯಿರಿ. ವಿಡಿಯೋ ರೆಸ್ಯೂಮ್‌ ಎನ್ನುವುದು ನಿಮ್ಮ ಇತರೆ ರೆಗ್ಯುಲರ್‌ ವಿಡಿಯೋಗಳಂತೆ ಇರುವುದಿಲ್ಲ. ಇದು ವೃತ್ತಿಪರವಾಗಿರಬೇಕು. ಹೀಗಾಗಿ, ವಿಡಿಯೋ ರೆಸ್ಯೂಮ್‌ ಫ್ರೇಮ್‌ಗಳು, ಬೆಳಕು, ಧ್ವನಿ ಗುಣಮಟ್ಟ ಮತ್ತು ಬ್ಯಾಕ್‌ಗ್ರೌಂಡ್‌ ಇತ್ಯಾದಿಗಳ ಕುರಿತು ಗಮನಹರಿಸಿ. ವಿಡಿಯೋ ರೆಸ್ಯೂಂನಲ್ಲಿ ಮಾತನಾಡುವಾಗ ಹೆಚ್ಚು ಕೈ ಮತ್ತು ದೇಹದ ಚಲನೆ ಬೇಡ. ನಿಮ್ಮ ದೈಹಿಕ ಭಾಷೆಯತ್ತವೂ ಗಮನ ನೀಡಿ. ವೃತ್ತಿಪರವಾಗಿರಿ.

ಉದ್ಯೋಗ ಹುಡುಕಾಟದಲ್ಲಿ ಇರಲಿ ಎಚ್ಚರ

ಸ್ಕ್ರಿಪ್ಟ್‌ ರಚನೆ: ವಿಡಿಯೋದ ಮುಂದೆ ನೇರವಾಗಿ ಆಶುಭಾಷಣದಂತೆ ಮಾತನಾಡಬೇಡಿ. ಇದಕ್ಕಾಗಿ ಸಂಭಾಷಣೆಯನ್ನು ಮೊದಲೇ ಬರೆದಿಡಿ. ವಿಡಿಯೋ ಮಾಡುವ ಮೊದಲು ಸಾಕಷ್ಟು ಬಾರಿ ರಿಹರ್ಸಲ್‌ ಮಾಡಿ. ನಿಮ್ಮ ಧ್ವನಿಯ ಏರಿಳಿತಗಳನ್ನು ಗಮನಿಸಿ. ಅತ್ಯುತ್ತಮ ಸ್ಕ್ರಿಪ್ಟ್‌ ರಚಿಸಿ, ಅದರಂತೆ ನಿಮ್ಮ ವಿಡಿಯೋ ಇರಲಿ. ಅನಗತ್ಯ ಅಂಶಗಳನ್ನು ಕಟ್‌ ಮಾಡಲು ಹಿಂಜರಿಬೇಡಿ.

ನಿಮ್ಮ ಪ್ರೇಕ್ಷಕರ ಅರಿವು: ನೀವು ಯಾರಿಗಾಗಿ ವಿಡಿಯೋ ಮಾಡುತ್ತಿದ್ದೀರಿ ಮತ್ತು ಅವರು ಏನು ಬಯಸುತ್ತಿದ್ದಾರೆ ಎನ್ನುವುದರ ಅರಿವು ಇರಲಿ. ಉದ್ಯೋಗದಾತರು ನಿಮ್ಮ ವಿಡಿಯೋವನ್ನು ನೋಡುತ್ತಾರೆ ಎಂಬ ನಿರೀಕ್ಷೆಯನ್ನಿಟ್ಟುಕೊಂಡು ಸ್ಕ್ರಿಪ್ಟ್‌ ಮತ್ತು ವಿಡಿಯೋವನ್ನು ರಚಿಸಿ. ನಿಮ್ಮ ವಿಡಿಯೋ ಸ್ಟಾರ್ಟ್‌ಅಪ್‌ ಕಂಪನಿಗೆ ಸೂಕ್ತವಾಗಿರುವಂತೆ ಇದೆಯೇ ಅಥವಾ ಎಂಎನ್‌ಸಿ ಕಂಪನಿಗೆ ಸೂಕ್ತವಾಗಿರುವಂತೆ ಇದೆಯೇ ಎಂದು ಪರಿಶೀಲಿಸಿ.

ಉದ್ಯೋಗ ಆಫರ್ ಸ್ವೀಕರಿಸಲು/ ಕೆಲಸ ಬದಲಾಯಿಸಲು ಈ ಸ್ಮಾರ್ಟ್‌ ಸಲಹೆಗಳನ್ನು ಫಾಲೋ ಮಾಡಿ

ವಿಡಿಯೋ ರೆಸ್ಯೂಮ್‌ ಸೂಕ್ತವೇ ಪರಿಶೀಲಿಸಿ: ಕೆಲವೊಂದು ಕಂಪನಿಗಳು ರೆಸ್ಯೂಮ್‌ ಅನ್ನು ವಿಡಿಯೋ ರೂಪದಲ್ಲಿ ಸ್ವೀಕರಿಸಲು ಬಯಸದೆ ಇರಬಹುದು. ಹೀಗಾಗಿ, ಸಾಂಪ್ರದಾಯಿಕ ರೆಸ್ಯೂಂ ಕಳುಹಿಸಬೇಕೆ ಅಥವಾ ವಿಡಿಯೋ ರೆಸ್ಯೂಮ್‌ ಕಳುಹಿಸಬೇಕೆ ಎಂದು ಆ ಕಂಪನಿಯ ಕೆಲಸದ ಕಲ್ಚರ್‌ ಅನ್ನು ಅರ್ಥ ಮಾಡಿಕೊಂಡು ನಿರ್ಧರಿಸಿ. ಕಂಪನಿಯೇ ವಿಡಿಯೋ ರೆಸ್ಯೂಮ್‌ ಕಳುಹಿಸಿ ಎಂದು ತಿಳಿಸಿದರೆ ಇತರರಿಗಿಂತ ಅತ್ಯುತ್ತಮವಾಗಿ ನಿಮ್ಮ ರೆಸ್ಯೂಮ್‌ ಇರುವಂತೆ ನೋಡಿಕೊಳ್ಳಿ.

ಸರಿಯಾದ ಫಾಮ್ರ್ಯಾಟ್‌ನಲ್ಲಿರಲಿ: ವಿಡಿಯೋ ಎಂಪಿ4 ಇತ್ಯಾದಿ ಎಲ್ಲರೂ ಬಳಸುವ ಫಾಮ್ಯಾರ್ಟ್‌ನಲ್ಲಿರಲಿ. ವಿಡಿಯೋ ಕ್ವಾಲಿಟಿಯೂ ಅತ್ಯುತ್ತಮವಾಗಿರಲಿ. ಬ್ಲರ್‌ ಆಗಿ ಕಾಣಿಸುವುದು ಇತ್ಯಾದಿ ತೊಂದರೆಗಳು ಇರದಂತೆ ಕಾಳಜಿ ವಹಿಸಿ. ನಿಮ್ಮ ಮೊಬೈಲ್‌ನಲ್ಲಿ ಪ್ಲೇ ಆಗುವ ವಿಡಿಯೋ, ಕಂಪ್ಯೂಟರ್‌ನಲ್ಲಿಯೂ ಪ್ಲೇ ಆಗುತ್ತದೆಯೇ ಎಂದು ನೋಡಿಕೊಳ್ಳಿ.

ಓದು ಇಷ್ಟಪಡುವವರಿಗೆ ಟಾಪ್‌ 10 ಉದ್ಯೋಗಾವಕಾಶಗಳು

ಎಲ್ಲವನ್ನೂ ಹೇಳಬೇಡಿ, ಪ್ರದರ್ಶಿಸಿ: ವಿವಿಧ ಸಾಧನೆಗಳನ್ನು ಕೊಚ್ಚಿಕೊಳ್ಳುವಂತೆ ಹೇಳಿಕೊಳ್ಳುತ್ತ ಸಾಗಬೇಡಿ. ನಿಮ್ಮ ಹಿನ್ನೆಲೆಯಲ್ಲಿ ಸ್ಲೈಡ್‌ನಲ್ಲಿ ನಿಮ್ಮ ಸಾಧನೆ, ಕೌಶಲಗಳನ್ನು ವಿನೂತನವಾಗಿ ತೋರಿಸಲು ಪ್ರಯತ್ನಿಸಿ.

ಇತರರ ಅಭಿಪ್ರಾಯ ಪಡೆಯಿರಿ: ವಿಡಿಯೋ ರಚನೆಯಾದ ಬಳಿಕ ಸ್ನೇಹಿತರಿಗೆ, ಕುಟುಂಬದವರಿಗೆ ವಿಡಿಯೋ ತೋರಿಸಿ. ಅವರ ಕಮೆಂಟ್‌ ಕೇಳಿ, ವಿಡಿಯೋವನ್ನು ಇನ್ನಷ್ಟು ಉತ್ತಮಪಡಿಸಿ.