ಉದ್ಯಮದ ಟ್ರೆಂಡ್‌ಗಳನ್ನು ಗಮನದಲ್ಲಿಟ್ಟುಕೊಂಡು ಕರಿಯರ್‌ ಆಯ್ಕೆ ಮಾಡಿಕೊಳ್ಳುವುದು ಇಂದಿನ ಅವಶ್ಯಕತೆ. ಇಂಟರ್ನ್‌ಶಿಪ್‌ಗೆ ಮತ್ತು ದೀರ್ಘಕಾಲದ ಕರಿಯರ್‌ಗೆ ಇಸ್ರೊದಿಂದ ಸಿಸ್ಕೊವರೆಗೆ ದೇಶದಲ್ಲಿರುವ ಆಸಕ್ತಿದಾಯಕ ಕೆಲಸದ ಸ್ಥಳಗಳ ಕುರಿತು ಇಲ್ಲಿದೆ ಹೆಚ್ಚಿನ ವಿವರ.

ಇತ್ತೀಚೆಗೆ ಇಂಡೀಡ್‌ ಕಂಪನಿಯು ದೇಶದ ಅಗ್ರ ಉದ್ಯೋಗ ಸ್ಥಳಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಭಾರತದ ಹೆಮ್ಮೆಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯಾದ ಇಸ್ರೊ ಈ ಪಟ್ಟಿಯಲ್ಲಿಅಗ್ರ 5 ಸ್ಥಾನವನ್ನು ಪಡೆದಿತ್ತು. ಈ ಪಟ್ಟಿಯಲ್ಲಿಜರ್ಮನ್‌ ಮೂಲಕದ ಸ್ಯಾಪ್‌ ಕಂಪನಿಯು ನಂಬರ್‌ 1 ಸ್ಥಾನ ಪಡೆದಿತ್ತು. ಅಡೋಬ್‌, ವಿಎಂವೇರ್‌, ಮೈಕ್ರೊಸಾಫ್ಟ್‌ ಕಂಪನಿಗಳು ಕ್ರಮವಾಗಿ ಅಗ್ರ 2, 3, 4 ನೇ ಸ್ಥಾನ ಪಡೆದಿದ್ದವು. ಅಂದರೆ, ದೇಶದ ಜನರಿಗೆ ಈ ಕಂಪನಿಗಳಲ್ಲಿಕೆಲಸ ಮಾಡುವುದೆಂದರೆ ಅಚ್ಚುಮೆಚ್ಚು. ಇಲ್ಲೆಲ್ಲಉದ್ಯೋಗ ಪಡೆಯುವುದು ಬಹುತೇಕರ ಕನಸು. ಸಿಸ್ಕೊ, ಮೈಂತ್ರಾ, ಪೇಟಿಎಂ, ಐಬಿಎಂ, ಫ್ಲಿಪ್‌ಕಾರ್ಟ್‌ಗಳು ಸಹ ದೇಶದ ಜನರ ಅಚ್ಚುಮೆಚ್ಚಿನ ಕಂಪನಿಗಳಾಗಿದ್ದು, ಇಂಡೀಡ್‌ನ ಅಗ್ರ 10 ವರ್ಕ್ಪ್ಲೇಸ್‌ಗಳಲ್ಲಿಸ್ಥಾನ ಪಡೆದಿವೆ. ಈ ಅಗ್ರ 10 ಕಂಪನಿಗಳ ಕುರಿತು ಮಾಹಿತಿ ಇಲ್ಲಿದೆ.

ಸ್ಯಾಪ್‌

ಇದರ ಪ್ರಧಾನ ಕಚೇರಿ ಜರ್ಮನಿಯಲ್ಲಿದೆ. ಕಂಪನಿಗಳು ತಮ್ಮ ವ್ಯವಹಾರವನ್ನು ಸರಾಗವಾಗಿ ನಡೆಸಲು ಅನುವು ಮಾಡಿಕೊಡುವ ಸಾಫ್ಟ್‌ವೇರ್‌ಗಳನ್ನು ಸ್ಯಾಪ್‌ ರಚಿಸುತ್ತದೆ. ಸ್ಯಾಪ್‌ನ ಇಆರ್‌ಪಿ ಸಾಫ್ಟ್‌ವೇರ್‌ (ಎಂಟರ್‌ಪ್ರೈಸ್‌ ರಿಸೋರ್ಸ್‌ ಪ್ಲ್ಯಾನಿಂಗ್‌) ಮೂಲಕ ಬಹುತೇಕ ವಲಯಗಳಲ್ಲಿಬಳಕೆಯಾಗುತ್ತಿದೆ.

ಅಡೋಬ್‌

ಅಮೆರಿಕದ ಬಹುರಾಷ್ಟ್ರೀಯ ಸಾಫ್ಟ್‌ವೇರ್‌ ಕಂಪನಿಯಾಗಿದ್ದು, ಮಲ್ಟಿಮೀಡಿಯಾ, ಕ್ರಿಯೇಟಿವ್‌ ಟೂಲ್‌ಕಿಟ್‌ಗಳು ಮತ್ತು ಸಾಫ್ಟ್‌ವೇರ್‌ ಉತ್ಪನ್ನಗಳನ್ನು ಅಭಿವೃದ್ಧಿಪಡಿಸುತ್ತಿದೆ. ಇತ್ತೀಚಿಗೆ ಈ ಕಂಪನಿಯು ಡಿಜಿಟಲ್‌ ಮಾರ್ಕೆಟಿಂಗ್‌ ಸಾಫ್ಟ್‌ವೇರ್‌ ಅನ್ನೂ ಅಭಿವೃದ್ಧಿಪಡಿಸಿದೆ.

KPSC ಇಂದ ಗೆಜೆಟೆಡ್ ಪ್ರೊಬೇಷನರಿ ಹುದ್ದೆಗಳಿಗೆ ಅಧಿಸೂಚನೆ

ವಿಎಂವೇರ್‌

ಇದು ನ್ಯೂಯಾರ್ಕ್ ಸ್ಟಾಕ್‌ ಎಕ್ಸ್‌ಚೇಂಜ್‌ (ಎನ್‌ವೈಎಸ್‌ಇ)ನಲ್ಲಿ ಲಿಸ್ಟ್‌ ಆಗಿರುವ ಬಹುರಾಷ್ಟ್ರೀಯ ಕಂಪನಿ. ಕ್ಲೌಡ್‌ ಕಂಪ್ಯೂಟಿಂಗ್‌ ಸೇವೆಗಳು ಮತ್ತು ಟೂಲ್‌ಗಳನ್ನು ಇದು ಒದಗಿಸುತ್ತದೆ. ಕಂಪನಿಗಳು ತಮ್ಮ ಐಟಿ ಸಂಪನ್ಮೂಲಗಳನ್ನು ನಿರ್ವಹಣೆ ಮಾಡಲು ಅನುವು ಮಾಡಿಕೊಡುವ ವಚ್ರ್ಯುಯಲ್‌ ಟೆಕ್ನಾಲಜಿಯನ್ನೂ ವಿಎಂವೇರ್‌ ಅಭಿವೃದ್ಧಿಪಡಿಸಿದೆ.

ಮೈಕ್ರೊಸಾಫ್ಟ್‌

ಇದು ಅಮೆರಿಕದ ಸಾಫ್ಟ್‌ವೇರ್‌ ಕಂಪನಿಯಾಗಿದ್ದು, ಸಾಫ್ಟ್‌ವೇರ್‌ಗೆ ಸಂಬಂಧಪಟ್ಟ ಸಮಸ್ತ ವ್ಯವಹಾರವನ್ನು ನಡೆಸುತ್ತದೆ. ಅಂದರೆ, ಸಾಫ್ಟ್‌ವೇರ್‌ ಡೆವಲಪ್‌ಮೆಂಟ್‌, ತಯಾರಿಕೆ, ಲೈಸನ್ಸಿಂಗ್‌, ಮಾರಾಟ, ಬೆಂಬಲವನ್ನು ಒದಗಿಸುತ್ತದೆ. ಕಂಪ್ಯೂಟರ್‌ ಸಾಫ್ಟ್‌ವೇರ್‌ ಮೂಲಕ ಕಂಪನಿಗಳಿಗೆ ಅಸಿಸ್ಟೆನ್ಸ್‌ ಅನ್ನೂ ಒದಗಿಸುತ್ತದೆ.

ಈ 20 ಟಾಪ್‌ ಕಂಪನಿಗಳಲ್ಲಿ ಭಾರತೀಯರು ಉದ್ಯೋಗ ಪಡೆಯಲು ಹೆಚ್ಚು ಬಯಸುತ್ತಾರೆ!

ಇಸ್ರೊ

ಭಾರತದ ಬಾಹ್ಯಾಕಾಶ ಸಂಸ್ಥೆಯಾಗಿದ್ದು, ಇಂಡೀಡ್‌ ಪಟ್ಟಿ ಮಾಡಿರುವ ಕಂಪನಿಗಳಲ್ಲಿರುವ ಒಂದೇ ಒಂದು ಸರಕಾರಿ ಮಾಲಿಕತ್ವದ ಸಂಸ್ಥೆಯಾಗಿದೆ. ಅಂತರಿಕ್ಷ ಯೋಜನೆಗಳು, ಸಂಶೋಧನೆಗಳು, ಉಡಾವಣೆಗಳು ಸೇರಿದಂತೆ ಹಲವು ಕಾರ್ಯಗಳನ್ನು ಭಾರತದ ಹೆಮ್ಮೆಯ ಅಂತರಿಕ್ಷ ಸಂಸ್ಥೆ ನಡೆಸುತ್ತಿದೆ. ಇಲ್ಲಿಕೆಲಸ ಮಾಡುವುದು ಬಹುತೇಕ ಯುವ ಜನರ ಕನಸಾಗಿದೆ.

ಸಿಸ್ಕೊ

ಸಿಸ್ಕೊ ಸಿಸ್ಟಮ್ಸ್‌ ಎನ್ನುವುದು ಅಮೆರಿಕದ ಬಹುರಾಷ್ಟ್ರೀಯ ಕಂಪನಿಯಾಗಿದ್ದು, ಹೈಟೆಕ್ನಾಲಜಿ ಸವೀರ್‍ಸ್‌ ಮತ್ತು ಉತ್ಪನ್ನಗಳನ್ನು ಒದಗಿಸುತ್ತದೆ. ಇದು ಹಾರ್ಡ್‌ವೇರ್‌ ಸಲಕರಣೆಗಳು ಮತ್ತು ಸಾಫ್ಟ್‌ವೇರ್‌ ಪ್ರಾಡಕ್ಟ್ಗಳನ್ನು ತಯಾರಿಸುತ್ತದೆ. ಇತ್ತೀಚಿಗೆ ಈ ಕಂಪನಿಯು 5ಜಿ ನೆಟ್‌ವರ್ಕ್ಗೆ ಬೆಂಬಲ ನೀಡುವ ಸಿಲಿಕಾನ್‌ ಒನ್‌ ಎಂಬ ಪ್ಲಾಟ್‌ಫಾಮ್‌ರ್‍ ಅನ್ನೂ ಪರಿಚಯಿಸಿದೆ.

2020 KPSC ಇಲಾಖಾ ಪರೀಕ್ಷೆ ಆನ್‌ಲೈನ್‌ ಅರ್ಜಿಗೆ ದಿನಾಂಕ ಮುಂದೂಡಿಕೆ

ಮೈಂತ್ರಾ

ಇದು ಭಾರತದ ಫ್ಯಾಷನ್‌ ಇ-ಕಾಮರ್ಸ್‌ ವೇದಿಕೆ. ಸುಮಾರು 12 ವರ್ಷಗಳ ಹಿಂದೆ ಆರಂಭವಾಗಿದೆ. ಇದು ಅಪರೇಲ್ಸ್‌, ಜುವೆಲರಿ ಮತ್ತು ಫೂಟ್‌ವೇರ್‌ ಸೇರಿದಂತೆ ಲೈಫ್‌ಸ್ಟೈಲ್‌ ಉತ್ಪನ್ನಗಳನ್ನು ಮಾರಾಟ ಮಾಡುತ್ತಿದೆ. 2014ರಲ್ಲಿಇದನ್ನು ಫ್ಲಿಪ್‌ಕಾರ್ಟ್‌ ಸ್ವಾಧೀನಪಡಿಸಿಕೊಂಡಿತು. ಇಲ್ಲಿಉದ್ಯೋಗಾವಕಾಶ ಹುಡುಕಲು ಫ್ಲಿಪ್‌ಕಾರ್ಟ್‌ ಕರಿಯರ್‌ ವೆಬ್‌ಸೈಟ್‌ಗೆ ಭೇಟಿ ನೀಡಬಹುದು.

ಪೇಟಿಎಂ

ಒನ್‌97 ಕಮ್ಯುನಿಕೇಷನ್ಸ್‌ನ ಇ-ಕಾಮರ್ಸ್‌ ಸಂಸ್ಥೆಯಾಗಿದ್ದು, ಡಿಜಿಟಲ್‌ ಪಾವತಿ ಪರಿಹಾರವನ್ನು ಒದಗಿಸುತ್ತದೆ. ಇದು ರಿಚಾಜ್‌ರ್‍ನಿಂದ ಹಿಡಿದು ಡಿಜಿಟಲ್‌ ಗೋಲ್ಡ್‌ವರೆಗೆ ವಿವಿಧ ಸೇವೆಗಳನ್ನು ಒದಗಿಸುತ್ತದೆ.

ಐಬಿಎಂ

ಇಂಟರ್‌ನ್ಯಾಷನಲ್‌ ಬಿಸ್ನೆಸ್‌ ಮೆಷಿನ್ಸ್‌ ಕಾರ್ಪೋರೇಷನ್‌ (ಐಬಿಎಂ) ಎಂಬ ಸಾಫ್ಟ್‌ವೇರ್‌ ಇನ್ನೋವೇಷನ್‌ ಕಂಪನಿಯಾಗಿದ್ದು, ಸುಮಾರು 170 ದೇಶಗಳಲ್ಲಿವ್ಯವಹಾರ ಹೊಂದಿದೆ. ಇದರ ಇನ್ನೊಂದು ಶಾಖೆಯಾಗಿರುವ ಐಬಿಎಂ ವಾಟ್ಸನ್‌ ಕಂಪನಿಯು ಮೆಷಿನ್‌ ಲರ್ನಿಂಗ್‌, ಬಿಗ್‌ ಡೇಟಾ ಮತ್ತು ಇತರೆ ವ್ಯವಹಾರಗಳನ್ನು ನಡೆಸುತ್ತದೆ.

ಫ್ಲಿಪ್‌ಕಾರ್ಟ್‌

2007ರಲ್ಲಿಸ್ಥಾಪನೆಯಾದ ಈ ಕಂಪನಿಯು ಆನ್‌ಲೈನ್‌ ಶಾಪಿಂಗ್‌ ತಾಣವಾಗಿದೆ. 2007ರಲ್ಲಿಇದನ್ನು ಭಾರತದ ಸಚಿನ್‌ ಬನ್ಸಾಲ್‌ ಮತ್ತು ಬಿನ್ನಿ ಬನ್ಸಾಲ್‌ ಸ್ಥಾಪಿಸಿದ್ದರು. ಇದನ್ನು ಬಳಿಕ ವಾಲ್‌ಮಾರ್ಟ್‌ಗೆ ಮಾರಾಟ ಮಾಡಲಾಯಿತು.

ಇಸ್ರೊದಲ್ಲಿಇಂಟರ್ನ್‌ಶಿಪ್‌

ಈಗಾಗಲೇ ಇಂಡೀಡ್‌ನ ಪಟ್ಟಿಯಲ್ಲಿಅಗ್ರ 5ನೇ ಸ್ಥಾನದಲ್ಲಿರುವ ಇಸ್ರೊದಲ್ಲಿಕರಿಯರ್‌ ಆರಂಭಿಸಲು ಬಯಸುವವರಿಗೆ ಹಲವು ದಾರಿಗಳು ಇವೆ. ಅವುಗಳಲ್ಲಿಇಂಟರ್ನ್‌ಶಿಪ್‌ ಸಹ ಒಂದು. ಇಸ್ರೋ ಟ್ರೀಸ್‌ (ಟಿಆರ್‌ಇಇಎಸ್‌) ಎಂಬ ತರಬೇತಿ ಕಾರ್ಯಕ್ರಮ ಹೊಂದಿದೆ. ಟ್ರೀಸ್‌ ಎಂದರೆ ಟ್ರೇನಿಂಗ್‌ ಆ್ಯಂಡ್‌ ರಿಸರ್ಚ್ ಇನ್‌ ಅಥ್‌ರ್‍ ಎಕೋ ಸಿಸ್ಟಮ್‌. ಇದಕ್ಕೆ ಪದವೀಧರರು, ಸ್ನಾತಕೋತ್ತರ ಪದವೀಧರರು ಮತ್ತು ರಿಸರ್ಚ್ ಸ್ಟುಡೆಂಟ್‌ಗಳು ಅರ್ಜಿ ಸಲ್ಲಿಸಬಹುದು. ಇಲ್ಲಿಇಂಟರ್ನ್‌ಶಿಪ್‌ ಪಡೆಯಲು ಇರುವ ಇನ್ನೊಂದು ದಾರಿಯೆಂದರೆ ಇಸ್ರೊ/ಡಿಒಎಸ್‌ನ ಸ್ಮಾರ್ಟ್‌ ಇಂಡಿಯಾ ಹ್ಯಾಕಥಾನ್‌. ಇದು 36 ಗಂಟೆಗಳ ನಾನ್‌ ಸ್ಟಾಪ್‌ ಡಿಜಿಟಲ್‌ ಪ್ರೋಗ್ರಾಮಿಂಗ್‌ ಹ್ಯಾಕಥಾನ್‌ ಆಗಿದೆ. 2017ರಿಂದ ಇಸ್ರೊ ಇದಕ್ಕೆ ಹಲವು ಪ್ರೋಗ್ರಾಮ್‌ ಸ್ಟೇಟ್‌ಮೆಂಟ್‌ಗಳನ್ನು ನೀಡುತ್ತದೆ. ಡೀಪ್‌ ಲರ್ನಿಂಗ್‌ಗೆ ಸಂಬಂಧಪಟ್ಟಂತೆ ಆಸಕ್ತಿ ಇರುವ ತಂಡವು ಇದರಲ್ಲಿಯಶಸ್ಸು ಪಡೆದರೆ ಇಂಟರ್ನ್‌ಶಿಪ್‌ ಪಡೆಯುವ ಅವಕಾಶವನ್ನು ಇಸ್ರೊ ನೀಡುತ್ತದೆ.