ಪ್ರಶ್ನೆ ಪತ್ರಿಕೆಗಳು
SSC CGL Tier 2 ಪರೀಕ್ಷೆಯಲ್ಲಿ 2 ಪ್ರಶ್ನೆ ಪತ್ರಿಕೆಗಳಿದ್ದು, 200 ಅಂಕಗಳಿಗೆ 200 ಪ್ರಶ್ನೆಯ ಇಂಗ್ಲಿಷ್ ಭಾಷೆ ಮತ್ತು ಗ್ರಹಿಕೆ ಪೇಪರ್ ಇರುತ್ತದೆ. ಹಾಗೂ 200 ಅಂಕಗಳ 100 ಪ್ರಶ್ನೆ ಇರುವ ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್ ಪೇಪರ್ ಇರುತ್ತದೆ. ಪ್ರತಿ ಪೇಪರ್‌ಗೂ 2 ಗಂಟೆ ಕಾಲಾವಕಾಶ ನೀಡಲಾಗಿರುತ್ತದೆ. ಈ ವಿಷಯಗಳು ಅಭ್ಯರ್ಥಿಗಳ ಬುದ್ಧಿವಂತಿಕೆಯನ್ನು ಮೌಲ್ಯಮಾಪನ ಮಾಡಲು ಸಹಾಯಕವಾಗಿರುತ್ತವೆ.
ಪರೀಕ್ಷೆ ಪಾಸ್ ಮಾಡಲು ಬೇಕಾದ ಪ್ರಮುಖ ಸಾಮರ್ಥ್ಯಗಳು
- ಕಡಿಮೆ ಸಮಯದಲ್ಲಿ ವೇಗವಾಗಿ ಸಮಸ್ಯೆಗಳನ್ನು ಬಗೆಹರಿಸಬೇಕು.
- ನಿಖರ ಉತ್ತರಗಳಿಗೆ ಮೊದಲು ಉತ್ತರಿಸಬೇಕು.
- ಸಮಸ್ಯೆಗಳನ್ನು ಬಿಡಿಸಲು ಶಾರ್ಟ್ಕಟ್ ವಿಧಾನ ಅನುಸರಿಸುವುದು.
- ಸುಲಭ ಪ್ರಶ್ನೆಗಳನ್ನು ಮೊದಲು ಬಿಡಿಸಲು ಗಮನಹರಿಸಬೇಕು.
- ಕೆಲವೊಮ್ಮೆ ತುಂಬಾ ಸಮಯ ತೆಗೆದುಕೊಳ್ಳುವ ಪ್ರಶ್ನೆಗೆ ಉತ್ತರ ಗೊತ್ತು ಎಂಬ ಕಾರಣಕ್ಕೆ ಸಮಯ ಹಾಳು ಮಾಡಬಾರದು.
ಪರೀಕ್ಷೆಗೆ ಕೂರುವ ಮುನ್ನ ನೆನಪಿಡಬೇಕಾದ ಅಂಶಗಳು
- ಇಂಗ್ಲಿಷ್ ಪತ್ರಿಕೆಯಲ್ಲಿ ಪ್ರತಿ ತಪ್ಪು ಉತ್ತರಕ್ಕೆ 0.25 ನೆಗೆಟಿವ್‌ ಅಂಕಗಳು ಇರುತ್ತವೆ.
- ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್ ಪ್ರಶ್ನೆ ಪತ್ರಿಕೆಯಲ್ಲಿ ಪ್ರತಿ ತಪ್ಪು ಉತ್ತರಕ್ಕೆ 0.50 ನೆಗೆಟಿವ್‌ ಅಂಕಗಳು ಇರುತ್ತವೆ.
- ಮೊದಲ ಪೇಪರ್ ಮತ್ತು ಎರಡನೇ ಪೇಪರ್ ಪರೀಕ್ಷೆ ನಡುವೆ 2 ತಾಸು ಸಮಯ ಗ್ಯಾಪ್‌ ಇರುತ್ತದೆ. ಈ ವೇಳೆ ಅಗತ್ಯ ಟಾಪಿಕ್‌ಗಳ ಪುನರಾವರ್ತನೆ ಮಾಡಬಹುದು.
- ಎಲ್ಲಾ ರೀತಿಯ ಹುದ್ದೆಗಳಿಗೂ ಎರಡು ಪೇಪರ್‌ಗಳು ಕಡ್ಡಾಯ.
ಕ್ವಾಂಟಿಟೇಟಿವ್ ಆಪ್ಟಿಟ್ಯೂಡ್ ಪ್ರಶ್ನೆ ಪತ್ರಿಕೆಯಲ್ಲಿ ಹೆಚ್ಚು ಅಂಕಗಳಿಸಲು ಈ ಟಿಪ್ಸ್‌
- ಗಣಿತ ಪ್ರಶ್ನೆಗಳಿಗೆ ಹೆಚ್ಚು ಸಮಯ ನಿಗದಿ ಮಾಡಿ. ನೀವು, ನಿಮ್ಮ ಅಲೋಚನೆ ಎಲ್ಲೇ ಇದ್ದರೂ ಸಹ ಅಂದಿನ ದಿನದ ಗಣಿತ ಪ್ರಶ್ನೆಗಳ ಅಭ್ಯಾಸ ಮುಗಿಯಬೇಕು.
- ಕನಿಷ್ಟ 3-4 ಗಂಟೆಗಳ ಸಮಯ ಪರೀಕ್ಷಾ ತಯಾರಿಗಾಗಿ ಮೀಸಲಿಡಿ.
- ಪರೀಕ್ಷೆಯಲ್ಲಿ ಎಲ್ಲಾ ಪ್ರಶ್ನೆಗಳು ಕಠಿಣವಾಗಿರುವುದಿಲ್ಲ. ಸುಲಭದ ಪ್ರಶ್ನೆಗಳು ಇರುತ್ತವೆ. ಆದ್ದರಿಂದ ತಯಾರಿ ಈ ಎರಡು ರೀತಿಯ ಪ್ರಶ್ನೆಗಳಿಗೆ ಉತ್ತರಿಸಲು ಮಿಶ್ರಿತವಾಗಿರಲಿ.
- ಕೇವಲ ಹಿಂದಿನ ವರ್ಷದ ಪ್ರಶ್ನೆ ಪತ್ರಿಕೆಗಳು ಮಾತ್ರವಲ್ಲದೇ ಅಣಕು ಪರೀಕ್ಷೆ ತೆಗೆದುಕೊಂಡು ಅಭ್ಯಾಸ ಮಾಡಿ. ಹೀಗೆ ಮಾಡುವುದರಿಂದ ನಿಮ್ಮ ವೇಗ ಹೆಚ್ಚಿಸಿಕೊಳ್ಳಬಹುದು.
- ಪ್ರತಿ ಪ್ರಶ್ನೆ ಪತ್ರಿಕೆ ಬಿಡಿಸಿದ ನಂತರ ಹೆಚ್ಚು ಸಮಯ ತೆಗೆದುಕೊಂಡ ಪ್ರಶ್ನೆಗಳ ಬಗ್ಗೆ ಗಮನಹರಿಸಿ.
ಶಾರ್ಟ್‌ ಕಟ್ ವಿಧಾನ ಬಳಸಿ
- ಗಣಿತ ಪ್ರಶ್ನೆಗಳನ್ನು ಬಿಡಿಸಲು ಶಾರ್ಟ್ಕಟ್ ಬಳಸಿ. ಸಾಮಾನ್ಯವಾಗಿ ಬಳಸುವ ಶಾರ್ಟ್ಕಟ್ ಅನ್ನೇ ಯಾವಾಗಲು ಬಳಸಿ. ಸಮಯ ಉಳಿಸಿಕೊಳ್ಳಬಹುದು.
- ಹಿಂದಿನ ವರ್ಷದ ಪ್ರಶ್ನೆ ಪತ್ರಿಕೆ ಬಿಡಿಸುವಾಗ ಹೊಸ ಬಗೆಯ ಪ್ರಶ್ನೆಗಳು ಇದ್ದಲ್ಲಿ, ಅವುಗಳಿಗೆ ಸರಳವಾಗಿ ಉತ್ತರಿಸಲು ಉಪಾಯ ಕಂಡುಕೊಳ್ಳಿ.
- ದೀರ್ಘ ಸಮಯ ತೆಗೆದುಕೊಂಡ ಪ್ರಶ್ನೆಗೆ ಶಾರ್ಟ್ಕಟ್ ಹುಡುಕಿಕೊಂಡು ಉತ್ತರಿಸಲು ಪ್ರಯತ್ನಿಸಿ. ಹೀಗೆ ಮಾಡದಿದ್ದಲ್ಲಿ, ಪರೀಕ್ಷೆಯಲ್ಲಿ ನಿಮ್ಮ ಕಾರ್ಯಕ್ಷಮತೆ ಕ್ಷೀಣಿಸುತ್ತದೆ.
- ಹೊಸ ಟೆಸ್ಟ್‌ ತೆಗೆದುಕೊಂಡಾಗ ಎಲ್ಲಿ ಮಿಸ್‌ಟೇಕ್‌ ಮಾಡುತ್ತಿದ್ದೇನೆ ಎಂದು ಕಂಡುಕೊಳ್ಳಿ. ನೋಟ್‌ಬುಕ್‌ ನಲ್ಲಿ ಬರೆದುಕೊಂಡು ಪರೀಕ್ಷೆಗೆ ಹೋಗುವ ಮೊದಲು ನೋಡಿಕೊಳ್ಳಿ.
- ನಿಮ್ಮ ಸಾಮರ್ಥ್ಯವನ್ನು Test Series ಮೂಲಕ ಅಭಿವೃದ್ಧಿಪಡಿಸಿಕೊಳ್ಳಿ.
- ಪ್ರಶ್ನೆ ಓದುವಾಗ ನಿರ್ದಿಷ್ಟ ಸಮಯ ನೀಡಿ. ಆಗ ಮಾತ್ರ ನಿಮ್ಮ ತಪ್ಪುಗಳನ್ನು ಕಡಿಮೆ ಮಾಡಿಕೊಳ್ಳಲು ಸಾಧ್ಯ.
ಇಂಗ್ಲಿಷ್ ಪತ್ರಿಕೆಯಲ್ಲಿ ಹೆಚ್ಚು ಸ್ಕೋರ್ಗೆ ಸಲಹೆಗಳಿವು
- 2 ತಾಸುಗಳನ್ನು ಇಂಗ್ಲಿಷ್ ಕಾಂಪ್ರೆಹೆನ್ಸನ್ ಅಭ್ಯಾಸಕ್ಕಾಗಿ ದಿನನಿತ್ಯ ನೀಡಿ. ಈ ಕೆಳಗಿನ ಸಲಹೆಗಳನ್ನು ಫಾಲೋ ಮಾಡುವ ಮೂಲಕ 160 ಕ್ಕೂ ಹೆಚ್ಚು ಅಂಕಗಳನ್ನು ಪಡೆಯುವ ಸಾಧ್ಯತೆ ಇದೆ.
- ಹೊಸ ಪದಗಳನ್ನು ಕಲಿಯುವ ಮೂಲಕ ದಿನವನ್ನು ಆರಂಭಿಸಿ. ಆ ಪದಗಳನ್ನು ನೋಟ್‌ಬುಕ್‌ನಲ್ಲಿ ಬರೆದಿಟ್ಟುಕೊಳ್ಳಿ ಮತ್ತು ಓದುವಿಕೆ ಬಿಡುವಿನಲ್ಲಿ ಆ ಪದಗಳ ಕಡೆ ಆಗಾಗ ಗಮನಹರಿಸಿ.
- ಹೊಸ ಪದಗಳನ್ನು ಹೆಚ್ಚು ಹೆಚ್ಚು ಕಲಿಯಲು ಇಂಗ್ಲಿಷ್ ಕ್ವಿಜ್‌ ತೆಗೆದುಕೊಳ್ಳಿ.
- ಮೊಬೈಲ್‌ನಲ್ಲಿ ಅಪ್ಲಿಕೇಶನ್‌ಗಳನ್ನು ಬಳಸುವ ಮೂಲಕ ಕ್ವಿಜ್‌ ತೆಗೆದುಕೊಳ್ಳಬಹುದು.
- ಇಂಗ್ಲಿಷ್ ಪ್ರಶ್ನೆ ಪತ್ರಿಕೆಯಲ್ಲಿ ಹೊಸದಾಗಿ ಸೇರಿಸಿದ ಪಠ್ಯಕ್ರಮಗಳ ಬಗ್ಗೆ ತಿಳಿದುಕೊಳ್ಳಿ.
- ಕಠಿಣ ಪರಿಶ್ರಮ ಮತ್ತು ಅಭ್ಯಾಸ ಇಲ್ಲದೇ ವಾಯ್ಸ್‌ ಮತ್ತು ನರೇಶನ್‌ ವಿಷಯಗಳು ನಿಯಮಗಳ ಆಧಾರದಲ್ಲಿದ್ದು, ಹೆಚ್ಚು ಸ್ಕೋರ್ ಮಾಡಬಹುದು.
- ಪರೀಕ್ಷೆಯಲ್ಲಿ ಒತ್ತಡ ಕಡಿಮೆ ಮಾಡಲು ಮೊದಲಾರ್ಧದಲ್ಲಿ ಹೆಚ್ಚು ಪ್ರಶ್ನೆಗಳಿಗೆ ಉತ್ತರಿಸಲು ಪ್ರಯತ್ನಿಸಿ.
- 50-55 ಕ್ಕೂ ಹೆಚ್ಚು ಪ್ರಶ್ನೆಗಳು ಓದುವ ಹವ್ಯಾಸಕ್ಕೆ ಸಂಬಂಧಪಟ್ಟಿರುತ್ತವೆ. ಆದ್ದರಿಂದ ಇಂಗ್ಲಿಷ್ ಓದುವ ಹವ್ಯಾಸವನ್ನು ಹೆಚ್ಚಿಸಿಕೊಳ್ಳಿ.
ರಿವಿಷನ್ ಮರೆಯದಿರಿ
ಪುನರಾವರ್ತನೆ ಪ್ರಮುಖ ಅಂಶ ಎಂಬುದನ್ನು ಮರೆಯದಿರಿ. ಈ ಸಮಯದಲ್ಲಿ ಹೆಚ್ಚು ರಿಲ್ಯಾಕ್ಸ್ ಆಗಿಯೇ ಓದಿಕೊಳ್ಳಿ. ಪರೀಕ್ಷೆ ಹತ್ತಿರ ಬಂದಹಾಗೆ ಮಾನಸಿಕವಾಗಿ ಹೆಚ್ಚು ಒತ್ತಡಕ್ಕೆ ಒಳಗಾಗುವುದು ಸಾಮಾನ್ಯ. ಇದನ್ನು ಕಡಿಮೆ ಮಾಡಲು ಸರಳ ವ್ಯಾಯಾಮಗಳನ್ನು ಮಾಡಿಕೊಳ್ಳಿ.