ಸಾಫ್ಟ್ವೇರ್ ಡೆವಲಪರ್
ಸಾಫ್ಟ್ವೇರ್ ಡೆವಲಪರ್‌ನ ಪ್ರಾಥಮಿಕ ಕೆಲಸವೆಂದರೆ ಅಪ್ಲಿಕೇಶನ್‌ ಅಥವಾ ಸಾಫ್ಟ್ವೇರ್ ಡೆವಲಪ್‌ ಮಾಡುವುದು. ಅಲ್ಲದೇ ಸಾಫ್ಟ್‌ವೇರ್‌ನ ಸಂಪೂರ್ಣ ಡೆವಲಪ್‌ಮೆಂಟ್‌ ಪ್ರಕ್ರಿಯೆ ನೋಡಿಕೊಳ್ಳುವುದು. ಈ ರೋಲ್‌ಗೆ ಕಂಪ್ಯೂಟರ್ ಸೈನ್ಸ್‌ ಪದವಿ, ಸಾಫ್ಟ್ವೇರ್ ಇಂಜಿನಿಯರಿಂಗ್, ಬಿಇ ಅನ್ನು ತೇರ್ಗಡೆ ಹೊಂದಿರಬೇಕು.
ಮೊಬೈಲ್ ಡೆವಲಪರ್
ಮೊಬೈಲ್ ಡೆವಲಪರ್‌ಗಳನ್ನು ಸಾಫ್ಟ್ವೇರ್ ಡೆವಲಪರ್ ಎಂದೇ ಪರಿಗಣಿಸಲಾಗುತ್ತದೆ. ಆದರೆ ಈ ರೋಲ್ ನಿರ್ವಹಿಸುವವರು ಹೆಚ್ಚಾಗಿ ಮೊಬೈಲ್ ಅಪ್ಲಿಕೇಶನ್‌ಗಳನ್ನು ಗೂಗಲ್ ಪ್ಲೇ ಸ್ಟೋರ್, ಐಒಎಸ್‌, ವಿಂಡೋಸ್‌ ವೇದಿಕೆಗಳಿಗೆ ಬಿಲ್ಡ್‌ ಮಾಡಬೇಕಾಗುತ್ತದೆ. ಸ್ಮಾರ್ಟ್‌ಫೋನ್‌ ಮತ್ತು ಟ್ಯಾಬ್ಲೆಟ್‌ ಬಳಕೆದಾರರು ಹೆಚ್ಚಾಗುತ್ತಿರುವವರೆಗೂ ಮೊಬೈಲ್ ಡೆವಲಪರ್‌ಗಳಿಗೆ ಬೇಡಿಕೆ ಇದ್ದೇ ಇರುತ್ತದೆ. ಈ ಹುದ್ದೆಯ ಆಕಾಂಕ್ಷಿಗಳು ಕಂಪ್ಯೂಟರ್ ಸೈನ್ಸ್‌ ಡಿಗ್ರಿ ಅಥವಾ ಬಿಇ ಅಥವಾ ಇನ್ಫಾರ್ಮೇಶನ್ ಸಿಸ್ಟಮ್ ಬಗ್ಗೆ ವಿದ್ಯಾರ್ಹತೆ ಪಡೆದಿರಬೇಕು.
ಇನ್ಫಾರ್ಮೇಶನ್ ಸೆಕ್ಯೂರಿಟಿ ಅನಾಲಿಸ್ಟ್‌
ಇನ್ಫಾರ್ಮೇಶನ್ ಸೆಕ್ಯೂರಿಟಿ ಅನಾಲಿಸ್ಟ್‌ ಒಂದು ಕಂಪನಿಯ ಮಾಹಿತಿಗಳನ್ನು, ಮಾಹಿತಿ ವ್ಯವಸ್ಥೆಯನ್ನು ಕಾಪಾಡುವ, ಸೆಕ್ಯೂರಿಟಿ ಮಾನದಂಡಗಳನ್ನು ಅಪ್‌ಡೇಟ್‌ ಮಾಡುವ ಕೆಲಸ ನಿರ್ವಹಿಸಬೇಕು. ಈ ಹುದ್ದೆಗೂ ಕಂಪ್ಯೂಟರ್ ಸೈನ್ಸ್‌ ಬ್ಯಾಚುಲರ್ ಡಿಗ್ರಿ ಅಥವಾ ಡಾಟಾ ಸೆಕ್ಯೂರಿಟಿಗೆ ಸಂಬಂಧಿಸಿದ ಕೋರ್ಸ್‌ಗಳನ್ನು ಮಾಡಿರಬೇಕು.
ಅತೀ ಹೆಚ್ಚು ಸಂಬಳ ನೀಡುವ ಭಾರತದ ಟಾಪ್‌ 10 ಸರ್ಕಾರಿ ಹುದ್ದೆಗಳು ಯಾವುವು ಗೊತ್ತೇ?
ಕಂಪ್ಯೂಟರ್ ಸಿಸ್ಟಮ್ ಅನಾಲಿಸ್ಟ್‌
ಒಂದು ಕಂಪನಿಯ ಹಿಂದಿನ ಕಂಪ್ಯೂಟರ್ ಎಕೋಸಿಸ್ಟಮ್‌ ಅನ್ನು ಅಧ್ಯಯನ ಮಾಡಿ, ಇನ್ನಷ್ಟು ಉತ್ತಮ ವ್ಯವಸ್ಥೆಗೆ ಪರಿಹಾರ ನೀಡುವ ಕೆಲಸ ಮಾಡುವುದೇ ಕಂಪ್ಯೂಟರ್ ಸಿಸ್ಟಮ್ ಅನಾಲಿಸ್ಟ್‌ಗಳ ಕರ್ತವ್ಯ. ಕಂಪನಿಯ ಕಾರ್ಯವೈಖರಿಗೆ ಅನುಗುಣವಾಗಿ ಉತ್ತಮ ಕಂಪ್ಯೂಟರ್ ಸಿಸ್ಟಮ್ ವ್ಯವಸ್ಥೆ ಮಾಡಬೇಕು. ಈ ಉದ್ಯೋಗ ನಿರ್ವಹಿಸಲು ಕಂಪ್ಯೂಟರ್ ಸೈನ್ಸ್‌ ಅಥವಾ ಇನ್ಫಾರ್ಮೇಶನ್ ಸೈನ್ಸ್‌ ಡಿಗ್ರಿ ಪಡೆದಿರಬೇಕು.
ಬ್ಯಾಂಕ್‌ ಹುದ್ದೆಗಳ ಇಂಟರ್‌ವ್ಯೂಗೆ ಸಿದ್ಧತೆ ಹೇಗಿರಬೇಕು?
UI / UX ಡಿಸೈನರ್‌ಗಳು
ಉತ್ತಮ ಅನಾಲಿಸಿಸ್‌ನೊಂದಿಗೆ ಸಮಸ್ಯೆ ನಿವಾರಿಸುವವರು ನೀವಾಗಿದ್ದರೇ, ಉತ್ತಮ ವಿವರಗಳಿಗೆ ಗಮನ ಕೊಡುವವರು ನೀವಾಗಿದ್ದರೇ ಇಲ್ಲಿವೆ ಉದ್ಯೋಗಾವಕಾಶ. UI / UX ಡಿಸೈನರ್‌ಗಳು ನಾವಿಗೇಷನ್ ಕಾಂಪೋನೆಂಟ್‌ಗಳನ್ನು ಬಿಲ್ಡ್‌ ಮಾಡುವ, ಬಳಕೆದಾರರ ಬೇಡಿಕೆಗೆ ಅನುಗುಣವಾಗಿ ಗ್ರಾಫಿಕ್ ಎಲಿಮೆಂಟ್‌ಗಳನ್ನು ಡಿಸೈನ್‌ ಮಾಡುವ ಕೆಲಸ ಮಾಡಬೇಕಾಗುತ್ತದೆ. ಕಂಪ್ಯೂಟರ್ ಸೈನ್ಸ್‌ ಪದವಿ / ಬಿಇ ಜತೆಗೆ ಡಿಜಿಟಲ್ ಪ್ರಾಡಕ್ಟ್‌ಗಳಿಗೆ ಡಿಸೈನ್‌ ಅನುಭವವುಳ್ಳವರು ಈ ಉದ್ಯೋಗ ಪಡೆದು ಉತ್ತಮ ಸ್ಯಾಲರಿ ಗಳಿಸಬಹುದು.
ಉತ್ತಮ ಸಂಬಳ ನೀಡುವ ಟಾಪ್‌ 5 ಎಂಟ್ರಿ ಲೆವೆಲ್ ಉದ್ಯೋಗಗಳು ಯಾವುವು ಗೊತ್ತೇ?